Varoma 9:1-33
9 Leswi ni nga mudjondzisiwa wa Kreste, ni vulavula ntiyiso a ni hembi. Lipfalu la mina leli kongomisiwaka hi moya wa ku kwetsima la ni nyimelela ka mhaka leyi,
2 ya leswaku ni karhateke hintamu ni tlhela ni twa mbilu ya mina yi ku foo.
3 Loko swi koteka, ni tinyimiselile ku hambanisiwa na Kreste ni va lweyi a nga rhukiwa hi mhaka ya vamakwerhu, maxaka ya mina hi ku psaliwa
4 ku nga Vayisrayele. Phela va langiwile hi Xikwembu swaku va va vana va xona+ naswona xi va nyike ku dzuneka, mintwananu,+ Nawu,+ nkateko wa ku xi yendlela ntirho wa ku kwetsima+ ni switshembiso.+
5 I vatukulu va vavhovho va hina+ naswona Kreste a huma ka lixaka la vona.+ A xi dzunisiwe Xikwembu lexi nga henhla ka swilo hinkwaswu hi masiku ni masiku. Amen.
6 Se ina ka, hi nga vula swaku a rito la Xikwembu a li hetisekanga? Ihim. Hikusa lava nga psaliwa hi Israyele a hi hinkwavu va nga Vayisrayele va ntiyiso.+
7 Naswona a hi vana hinkwavu va Abrahamu lava nga vana* va ntiyiso;+ hikusa ku tsaliwe leswi: “Vana* va wena va ta huma ka Izaki.”+
8 Leswi vulaka swaku a hi vana hinkwavu va Abrahamu va nga vana va Xikwembu va ntiyiso,+ kambe lava nga psaliwa hi mhaka ya xitshembiso+ hi vona va nga vana* va ntiyiso va Abrahamu.
9 Hikusa Xikwembu xi tshembise xi ku: “Ni ta ta lembe leli taka hi nkama wa ku fana ni lowu, kutani Sara a ta va se a ni n’wana wa djaha.”+
10 Leswo swi tlhele swi yendleka ni nkama lowu Rabeka a nga va ni nyimba ya mahahla ya vhovho wa hina Izaki.+
11 Hikusa hambi va nge se psaliwa vana lava naswona va nge se yendla swaswinene kumbe swa ku biha, Xikwembu xi rhange xi vula swaku xi ta langa mani, hikusa xi langa lweyi xi mu lavaka, a xi langi hi ku txuvuka mintirho ya munhu.
12 Rabeka a byeliwe leswi: “Lweyi wamukulu a ta va xikarawa xa lweyi wamutsongo.”+
13 Hilaha swi nga tsalisiwa xiswona: “Ni rhandze Yakobe ni nyenya Esawu.”+
14 Se ina ka, hi lava ku vula swaku Xikwembu a xi lulamanga? Ihim!+
15 Hikusa xi byele Moxe xi ku: “Ni ta mu komba timpsalu lweyi ni lavaka ku mu komba tona naswona ni ta mu twela wusiwana lweyi ni lavaka ku mu twela wusiwana.”+
16 Hi mhaka leyo, a swi yi hi ku navela ka munhu kumbe ku tikarhata ka yena, kambe swi ya hi Xikwembu lexi nga ni timpsalu.+
17 Hikusa tsalwa li byele Faru li ku: “Ni ku tshike u hanya swaku hi ku tirhisa wena ni kombisa matimba ya mina ni leswaku vito la mina li ta twalisiwa amisaveni hinkwayu.”+
18 Hi mhaka leyo, xi mu komba timpsalu lweyi xi navelaka ku mu komba timpsalu, kambe lweyi xi navelaka ku mu tshika a tiwomisa nhloko xa mu tshika.+
19 Se wena u nga ha ku ka mina: “Leswi ku kalaka ku nga na munhu lweyi a nga lwaka ni ku rhandza ka Xikwembu, hi mhaka muni xi tama xi nyika vanhu nandzu ke?”
20 Kambe ho va mani wena munhu ndziwena swaku u hlamula Xikwembu?+ Indjhe nchumu lexi nga yendliwa xi nga byela lweyi a nga xi yendla xi ku: “Hi mhaka muni u ni yendlise xileswi?”+
21 Kasi lweyi a tirhaka hi vumba a nga na matimba ya ku tirhisa vumba+ loleli la lin’we swaku a yendla xibya xin’we xa lisima ni xin’wani xa ku soleka ke?
22 Se hi nga ku yini hi swona loko Xikwembu lexi a xi lava ku kombisa ku kwata ka xona ka vanhu va ku biha ni ku yendla swaku matimba ya xona ma tiveka, xi va lehisele mbilu vanhu lava faneliwaka hi ku khatisiwa hi xona, lava fanaka ni swibya leswi nga ta helisiwa ke?
23 U ta ku yini wena loko swi ku Xikwembu xi yendle leswo leswaku xi kombisa wukulu la ku dzuneka ka xona ka swibya leswi faneliwaka hi ku kombiwa timpsalu,+ leswi xi nga swi lunghiselela ku swi nyika ku dzuneka,
24 swibya swa kona ku nga hina, lava xi kalaka xi nga hi langanga ka Vayuda ntsena kambe ni le ka vanhu vamatiko ke?+
25 Swa fana ni leswi xi nga swi vula ka Hosiya xi ku: “Lava kalaka va nga li vanhu va mina+ ni ta va vitana ‘vanhu va mina,’ ni wansati lweyi a a nga rhandziwi ni ta mu vitana ‘murhandziwa’;+
26 naswona ka ndhawu leyi va nga byeliwa leswaku: ‘A mi vanhu va mina,’ hi kolanu va nga ta vitaniwa ‘vana va Xikwembu lexi hanyaka.’”+
27 Na yena Esaya wa huwelela hi ta Israyele a ku: “Hambi numeru ya Vayisrayele yo fana ni misava ya lwandle, ku to ponisiwa vavatsongo* ntsena.+
28 Hikusa Yehovha* a ta thethisa vanhu lava tshamaka misaveni, a tsema mhaka hi ku hantlisa.”+
29 Naswona swi fana ni leswi Esaya a nga swi profeta a ku: “Loko Yehovha* murhangeli wa tintsumi a a nga hi siyelanga vana,* a hi ta fana na Sodoma naswona a hi ta va hi fane na Gomora.”+
30 Se hi ta ku yini? Hambileswi vanhu vamatiko a va nga laveteli ku lulama,+ va kume ku lulama hi mhaka ya lipfumelo la vona.+
31 Kambe Vayisrayele, hambileswi a va lavetela ku hanya hi nawu wa ku lulama, a va swi kotanga ku hetisisa nawu.
32 Hi mhaka muni? Hikusa a va pimisa swaku va ta va va ku lulama hi mhaka ya mintirho ya vona, ku nga li hi mhaka ya lipfumelo. Va wile ka “ribye leli wisaka vanhu”;+
33 hilaha swi nga tsaliwa hi kona: “Waswivo! Ni veka ribye leli wisaka vanhu aSiyoni;+ ribye leli li kwatisa vanhu, kambe lweyi a pfumelaka ka lona a nga ta danisiwa.”+
Tinhlamunselu ta le hansi
^ Hi Xigriki: “mbewu”.
^ Hi Xigriki: “Mbewu”.
^ Hi Xigriki: “mbewu”.
^ Kumbe: “lava nga ta sala”.
^ Vona Xiyengetelo A5.
^ Vona Xiyengetelo A5.
^ Hi Xigriki: “mbewu”.
