Vayavanyisi 5:1-31
5 Hi siku lelo Debora+ na Baraki+ n’wana wa Abinowami va yimbelele lisimu leli nge:+
2 “Dzunisani Yehovha,Hi mhaka ya leswi vanhu va nga tinyikela va ya nyimpini,+Ni hi mhaka ya leswi misisi ya masonchwa yi nga tshikiwa yi nga bohiwanga* aIsrayele.
3 Yingisani, n’wina tihosi! Yingisani, n’wina mi fumaka!
Ni ta yimbelelela Yehovha.
Ni ta dzunisa* Yehovha,+ Xikwembu xa Israyele+ hi tinsimu.
4 Nkama wena Yehovha u nga huma Seyiri,+Ni nkama u nga huma EdomuMisava yi tsekatsekile naswona matilo ma nise mpfula,Marhefu ma chulule mati.
5 Tintshava ti dereterile* phambheni ka Yehovha,+Hambi Ntshava ya Sinayi yi dereterile* phambheni ka Yehovha+ Xikwembu xa Israyele.+
6 Ka masiku ya Xamugari+ n’wana wa Anati,Ni ka masiku ya Yayele,+ tindlela tatikulu ti tshikiwile ti nga ha tirhisiwi;Lava va ku yendza va tirhise tindlela tin’wani.
7 Varimi lava a va tshama Israyele a va nga ha li kona;Phela a ku nga ha na munhu anze mina Debora+ ni vekiwa,Ina phela anze mina ni vekiwa ku va mamani ka Vayisrayele.+
8 Va lange swikwembu swin’wani;+Se nyimpi yi ku swee ka swipfalu+ swa doropa.
Tlharhi la ku leha ni xa ku tivhikela hi xona a swi nga ha li kona,Axikarhi ka 40.000 wa vavanuna aIsrayele.
9 Mbilu ya mina yi ni varhangeli va masonchwa va Israyele,+Lava a va swi lava hi mbilu hinkwayu ku ya nyimpini ni vanhu.+
Dzunisani Yehovha!
10 N’wina lava fambaka hi timbongolo,N’wina lava tshamaka ka matapeti ya ku durha,Na n’wina mi fambaka tindleleni,Pimisani hi mintirho ya Xikwembu!
11 A ku twala marito ya valusi ka tindhawu leti ku khiwaka mati ka tona;Va sungule ku vulavula hi mintirho ya ku lulama ya Yehovha koseniyani,Ni hi mintirho ya ku lulama ya varimi va le Israyele.
Se vanhu va Yehovha va famba va ya ka swipfalu swa doropa.
12 Pfuka, pfuka, wena Debora!+
Pfuka, pfuka, yimbelela lisimu!+
Pfuka Baraki!+ Rhangela swikarawa swa wena, wena n’wana wa Abinowami!
13 Se lava nga sala va ye ka varhangeli;Se vanhu va Yehovha va te ka mina swaku va lwa ni lava nga ni ntamu.
14 Lava a va li ka nkova a va ta hi Efrayimi;Va ku landza, wena Benjamini, wena ni vanhu va wena.
Varhangeli va masonchwa va ku ta hi Makiri+ va ngirimelile,Kasi lava va khomaka minchumu leyi a yi tirhisiwa hi mutsali* a va huma hi ka lixaka la Zebuloni.
15 Varhangeli va lixaka la Isakara va fambe na Debora,Leswi lixaka la Isakara li nga famba na Debora, Baraki+ na yena a yendle swoleswo.
A rhumiwe swaku a ya ka nkova naswona a fambe hi minenge.+
Timbilu ta vana van’wani va Rubeni a ti kanakana.
16 Hi mhaka muni u tshame xikarhi ka swidjumba,*U yingisela valusi loko va chayela swifuyu+ swa vona flawuta?*
Hikusa timbilu ta vana van’wani va Rubeni a ti kanakana.
17 Lava tshamaka Jiliyadi va tame va tshama ka tlhelo lelin’wani la Yordani;+Se vana va Dani ke, hi mhaka muni va tshame ka switimela swa mati?+
Vana va Aseri va tshame va nga yendli nchumu kusuhi ni lwandle,Naswona va tshame lomu switimela swa mati swi nyimaka kona.+
18 Vana va Zebuloni va veke wutomi la vona nghozini, naswona a va nga chavi hambi ni ku fa;Na vona vana va Naftali va yendle swoleswo+ ka tindhawu ta maganga.+
19 Tihosi ti tile, ti fika ti lwa;Se tihosi ta Kanana ti lwile+aTanaki akusuhi ni mati ya Mejido.+
A ti li tekanga prata.+
20 Tinyeleti ti lwile na ti li tilweni;Ti lwe na Sisera na ti li ka tindhawu ta tona.
21 A Nambu wa Kixoni wu koke+ valala,Nambu wa khale, nambu wa Kixoni.
Ni psanyetele valala va mina lava nga ni ntamu.
22 Minenge ya makavhalu yi yendle misava yi tsekatsekaA nkama makavhalu ya Sisera a ma tsutsuma hintamu swinene.+
23 Ntsumi ya Yehovha yi te: ‘A ku rhukiwe doropa la Merozi,’‘A ku rhukiwe vanhu lava tshamaka ka lona,Hikusa a va mu pfunanga Yehovha,A va tanga ni vanhu va vona va ntamu swaku va ta pfunisa ka nyimpi ya Yehovha.’
24 A kateke hintamu Yayele+Nsati wa Eberi+ lweyi wa Mukena;A kateke swinene ku tlula vavasati hinkwavu lava tshamaka ka matende.
25 Sisera a kombele mati; yena a mu nyika leiti.
A mu chelele leiti la ku tiya+ ka xitijelani xa ku saseka swinene
26 Hi voko la yena a teke ximhandzani xa tende,Hi voko la yena la xinene a khome hamela.
A gongodzela ka nhloko ya Sisera a yi boxa,A mu tlhava a mu boxa nhloko.+
27 A wela ka minenge ya yena, a wa a nga ha timexi;A wela ka minenge ya yena;Lani a nga wela kona, a yo vhela a fela kolanu.
28 A ku ni wansati lweyi a a hlometela hi ka janelaA ku li mamani wa Sisera, a a vutisa a ku:‘Hi mhaka muni nyolo* ya yena yi hlwela ku fika?
Hi mhaka muni ku ta fikela swoswi ni nga twi guwa la nyolo ni la makavhalu ya yena ke?’+
29 Vavasati va ku tlhariha hintamu va le wuhosini va ta mu hlamula;Na yena hi yexe a ta tihlamula,
30 ‘Devhi nkama lowu, va le ku yavelaneni ka leswi va nga swi kuma nyimpini,Sonchwa lin’we li nyikiwa ntombhi yin’we kumbe timbirhi,Panu ya tikorikori leyi nga tekiwa nyimpini yi nyikiwa Sisera, panu ya tikorikori leyi nga tekiwa nyimpini,Mpahla ya ku rhungiwa ya tikorikori, timpahla timbirhi ta ku rhungiwa*Ta ku sasekisa tinhamu ta vavanuna lava nga teka swilo nyimpini.’
31 Yehovha Xikwembu xa mina, valala va wena hinkwavu a va fe,+Kambe lava ku rhandzaka a va fane ni dlambu loko li huma li ya li voninga.”
Ku game ku va ni ku rhula ka tiko hinkwalu la Vayisrayele 40 wa malembe.+
Tinhlamunselu ta le hansi
^ Ku tshika misisi yi nga bohiwanga a swi kombisa swaku munhu a tinyikelile ka Yehovha.
^ Kumbe: “ni ta hamba muzika, ni hambela”.
^ Kumbexana: “tsekatsekile”.
^ Kumbe: “nyivilikile”.
^ Ku nga munhu lweyi a a tsaletela minchumu leyi tirhisiwaka nyimpini, numeru ya masonchwa ni lava a va titsalisa ku ya wusonchweni.
^ Ku nga swidjumba leswi tlhatekiwaka henhla ka swiharhi.
^ Kumbe: “xitiringo.”
^ Kumbe: “n’qolo; kalichi”.
^ Kumbe: “ku bordariwa”.
