Karta La Yakobe 1:1-27
1 Mina Yakobe,+ mutirheli wa Xikwembu ni wa Hosi Yesu Kreste, na mi xoweta n’wina 12 wa tinxaka leti nga hangalaka ka tindhawu ta tinyingi.
2 Vamakwerhu, tsakani loko mi kumana ni mindzingo ya yinyingi,+
3 hikusa ma swi tiva swaku lipfumelo la n’wina leli nga ringiwa li psala ku tiyisela.+
4 Kambe pfumelelani ku tiyisela ku yendla ntirho wa kona, leswaku mi ta helela mi nga na xisolo ka hinkwaswu, mi nga pfumali nchumu.+
5 Kutani loko ku ni lweyi a kalaka a nga na wutlharhi xikarhi ka n’wina, a a tami a kombela ka Xikwembu,+ xi ta mu nyika,+ hikusa xi nyika hinkwavu hi mbilu ya ku basa.+
6 Kambe a a tami a kombela na a ni lipfumelo,+ na a nga kanakani nikutsongo,+ hikusa lweyi a kanakanaka a fana ni gandlati la lwandle leli biwaka hi moya lowu yaka hala ni hala.
7 Phela munhu wa ku tshamisa xileswo a nge nyimeli ku kuma nchumu ka Yehovha;*
8 a nga xi tivi lexi a xi lavaka,+ naswona a nga tshembeki ka hinkwaswu leswi a swi yendlaka.
9 Kambe makwerhu lweyi a nga xisiwana a a tsaki* loko a tlakusiwa;+
10 lweyi a nga ganya a a tsaki loko a vekiwa hansi+ hikusa a ta nyamalala ku fana ni xiluva xa le khwatini.
11 Hikusa ku fana ni leswi dlambu li hisaka swinene li za li vunisa xinsinyani, swiluva swa xona swi wa hansi, ni ku saseka ka xona ku nyamalala, ni munhu lweyi a nga ganya a ta nyamalala na a ha hlongolisela ku ganya.+
12 Wa tsaka munhu lweyi a tamaka a tiyisela mindzingo,+ hikusa loko a yi hlulile a ta kuma harhi* ya wutomi,+ leyi Yehovha* a nga yi tshembisa lava tamaka va mu rhandza.+
13 Loko munhu a ringiwa, a nga tshuki a ku: “Ni ringiwa hi Xikwembu.” Hikusa Xikwembu a xi nge ringiwi hi swilo swa ku biha, naswona hambi xona a xi ringi munhu.
14 Kambe mun’wani ni mun’wani a ringiwa hi ku kokiwa ni ku wongiwa* hi leswi a swi navelaka.+
15 Se loko ku navela ku xurhile,* ku psala xidjoho, se xidjoho loko xi yendliwile xi psala lifu.+
16 Vamakwerhu va ku rhandzeka, mi nga kanganyisiweni.
17 Nyiko yin’wani ni yin’wani yayinene ni nyiko yin’wani ni yin’wani ya ku hetiseka* yi ta hi le henhla,+ hi ka Papayi wa ku voninga ka le tilweni,*+ lweyi a kalaka a nga txintxatxintxi ku fana ni ndzhuti lowu fambaka.+
18 A hi psale hi rito la ntiyiso hi ku swi rhandza,+ leswaku hi va va ku sungula ku langiwa xikarhi ka vanhu hinkwavu.+
19 Vamakwerhu va ku rhandzeka, tivani leswi: Munhu mun’wani ni mun’wani a a hantliseli ku yingisa, a hlwela ku vulavula,+ a hlwela ku kwata,+
20 hikusa loko munhu a kwata a nga yendli leswi fambisanaka ni ku lulama ka Xikwembu.+
21 Kutani txukumetani chaka hinkwalu ni swilo swa ku biha,+ kutani mi tiveka hansi mi yamukela rito la Xikwembu, mi li tshika li mila ka timbilu ta n’wina hikusa li ta mi ponisa.
22 Minkama hinkwayu yendlani leswi rito la Xikwembu li vulaka swona;+ mi nga vi vatwi ntsena lava tikanganyisaka hi mimpimiso ya mavunhwa.
23 Hikusa loko munhu a twa rito kambe a nga yendli nchumu hi leswi a swi twaka,+ a fana ni munhu lweyi a titxuvukaka ka xipelhu.*
24 Hikusa wa titxuvuka gama a suka a famba, kambe a hantla a khohlwa leswi a nga tshamisa xiswona.
25 Kambe lweyi a kambisisaka nawu lowu nga hetiseka,*+ lowu yendlaka leswaku a chunseka naswona a tamaka a hanya hi wona, munhu yelweyo a nga vanga mutwi lweyi a khohlwaka, kambe a ve muyendli wa ntirho naswona a ta tsaka hi leswi a swi yendlaka.+
26 Lweyi a pimisaka swaku a tirhela Xikwembu kambe a nga li fumi lirimi la yena+ wa tikanganyisa, naswona wugandzeli la yena a li pfuni nchumu.
27 Wugandzeli leli nga basa hi ku ya hi Xikwembu lexi nga Papayi wa hina hi leli: Ku hlayisa vana lava kalaka va nga na vapsali+ ni vavasati lava nga feliwa hi vanuna va vona+ lava nga nhlomulweni,+ ni ku tshama na hi nga na xivati xa misava.+
Tinhlamunselu ta le hansi
^ Vona Xiyengetelo A5.
^ Hi Xigriki: “a a tibumi”.
^ Kumbe: “korowa”.
^ Vona Xiyengetelo A5.
^ Kumbe: “phasiwa”.
^ Hi Xigriki: “ku va ni nyimba”.
^ Kumbe: “helela”.
^ Ku nga dlambu, n’weti ni tinyeleti.
^ Kumbe: “xib’uku.”
^ Kumbe: “helela”.
