Yeremiya 10:1-25
10 Twanani rito leli Yehovha a nga li vula swaku a lwa na n’wina, n’wina Vayisrayele.
2 Yehovha a li:
“Mi nga djondzi mahanyelo ya matiko,+Mi nga chavisiwi hi swikombiso swa le matilweniHikusa matiko ma swi chava.+
3 Hikusa leswi vanhu va nga tolovela ku swi yendla a swi pfuni nchumu.
Munhu lweyi a tivaka ku yendla ntirho wa mavoko a tsema nsinya wa le khwatiniA yendla xikwembu hi wona.+
4 Va xi sasekisa hi prata ni woru+Va xi gongondzela hi hamela ni swipikirhi swaku xi nga wi.+
5 Swikwembu swa ku fana ni leswo swi fana ni nchumu lexi nga yendleliwa ku chavisa swiharhi ka nsimu ya mapipinu, a swi vulavuli;+Swi fanele swi rhwaliwa hikusa a swi swi koti ku famba.+
Mi nga swi chavi hikusa a swi nge mi vavisi,A swi swi koti hambi ku yendla swaswinene.”+
6 Yehovha Xikwembu xa mina, a nga kona lweyi a fanaka na wena.+
Phela u mukulu, vito la wena i likulu naswona li ni matimba.
7 Vanhu hinkwavu va ta ku chava, wena Hosi ya matiko,+ hikusa swa ku fanela;Hikusa xikarhi ka vanhu hinkwavu va ku tlhariha va matiko ni le ka mimfumu ya vona,A nga kona lweyi a fanaka na wena nikatsongo.+
8 Hinkwavu ka vona i swiphunta, a va pimisi.+
Phela ku djondzisiwa hi nsinya a swi pfuni nchumu.+
9 Ku tisiwe prata leli taka hi Tarxixi+ ni woru la le Ufazi,Swi yendliwe hi munhu lweyi a tirhaka hi nsimbi.
Mpahla ya vona yi yendliwe hi linya la azuli ni mavoya ya kori ya ku pshuka.
Hinkwaswu swi yendliwe hi vanhu lava swi kotaka kahle ku tirha.
10 Kambe Yehovha i Xikwembu xa ntiyiso.
I Xikwembu lexi hanyaka+ ni Hosi leyi nga kona hi nkama wa ku kala wu nga heli.+
Misava yi ta tsekatseka hi mhaka ya ku kwata ka yena,+Matiko a ma nge ku gwenti ku kwata ka yena.
11 * Mi ta va byela mi ku:
“Swikwembu leswi kalaka swi nga yendlanga matilo ni misavaSwi ta helisiwa amisaveni ni le hansi ka matilo.”+
12 I Muyendli wa misava, a yi yendle hi matimba ya yena,Lweyi a nga hamba misava ya ku nona hi wutlharhi la yena+Ni lweyi a nga yandlala matilo hi ku twisisa ka yena.+
13 Loko a vulavula,Mati ma dungeka matilweni,+A yendla swaku marhefu ma suka misaveni ma ya henhla.+
A yendla ku va ni ku hatima leswaku ku na mpfula,A humesa moya lani a nga wu veka kona.+
14 Vanhu hinkwavu va yendle swilo na va nga zanga va pimisa funtshi na va nga na wutivi.
Munhu mun’wani ni mun’wani lweyi a tirhaka hi nsimbi a ta danisiwa hi mhaka ya swifaniso leswi a nga swi yendla;+Hikusa swifaniso swa yena swa nsimbi a hi swa ntiyiso,Naswona a swi hefemuli.*+
15 A swi pfuni nchumu, i ntirho lowu faneleke wu poyiliwa.+
Loko siku la ku yavanyisiwa ka swona li fika, swi ta helisiwa.
16 Lweyi a nga Tshomba la Yakobe a nga fani ni swilo leswi,Hikusa hi yena Lweyi a nga yendla swilo hinkwaswu,Israyele i nhonga ya tshomba la yena.+
Vito la yena i Yehovha murhangeli wa tintsumi.+
17 Rhwala ndzhwalu wa wena,Wena wansati lweyi a nga tshama ka ndhawu leyi nga rhendzeliwa hi valala.
18 Hikusa Yehovha a li:
“Swoswi ni hlongola vanhu lava tshamaka tikweni,+Ni ta yendla swaku va va ni mahlomulu.”
19 Khombo ka mina hi mhaka ya leswi ni nga tshoveka!+
Xilondza xa mina a xi daheki.
Kutani ni te: “Phela lawa i mavabyi ya mina naswona ni fanele ni ma tiyisela.
20 Tende la mina li wonhiwile funtshi magoda ya tende la mina ma tsemiwile.+
Vana va mina va madjaha va ni siyile a va ha li kona.+
A ka ha na munhu lweyi a nga ta gwimba tende la mina kumbe ku li nyimisa.
21 Hikusa valusi va yendle swa wuphunta,+A va mu vutisanga Yehovha.+
Se va yendle swilo na va nga swi twisisanga,Naswona mintlhambi ya vona hinkwayu yi hangalasiwile.”+
22 Yingisa! Rungula li le ku teni!
Ku ni swigingi swaswikulu swa vanhu lava taka hi ka tiko la le norte,*+Swaku va ta hahlulela madoropa ya Yuda ma sala ma nga na nchumu, ma va ndhawu leyi ku tshamaka timbyana ta khwati.*+
23 Yehovha Xikwembu xa mina, ni swi tiva kahle swaku munhu a nge swi koti ku tikongomisa.
Munhu lweyi a fambaka a nge yi kongomisi minkondzo ya yena.+
24 Yehovha Xikwembu xa mina, ni lulamise hi ndlela ya ku lulama,Kambe na u nga kwatanga,+ swaku u nga ni helisi.+
25 Chulula ku kwata ka wena henhla ka matiko lama kalaka ma nga na mhaka na wena+Ni le henhla ka mindjangu leyi kalaka yi nga li vitani vito la wena.
Hikusa ma hlasele Yakobe,+Ma mu hlaselile ma mu helisa,+Naswona ma siye tiko la yena na li nga na nchumu.+
Tinhlamunselu ta le hansi
^ A ku sunguleni a ndzimana 11 a yi tsaliwe hi Xiaramu.
^ Hi Xiheberu: “a swi na moya.”
^ Kumbe: “n’walungu”.
^ Lani ku vulavuliwa hi timhungubye.
