Yeremiya 12:1-17
12 Yehovha Xikwembu xa mina,+ loko ni tisa xirilo xa mina ka wena u xi khoma hi ku lulama,Ni loko ni vulavula na wena hi timhaka leti khumbaka ku lulama.
Kambe hi mhaka muni swi va fambela kahle lava yendlaka swa ku biha,+Hi mhaka muni lava kalaka va nga tshembeki va nga karhatiwi hi nchumu?
2 U va byalile naswona va dzime timintsu.
Va kulile va psala mihandzu.
Va tshamela ku vulavula hi wena kambe ka timbilu* ta vona a va na mhaka na wena.+
3 Yehovha Xikwembu xa mina, u ni tiva kahle,+ funtshi wa ni vona;U kambele mbilu ya mina naswona u kume swaku mina na wena ha twanana.*+
Va lange ku fana ni tinyempfu leti yaka ku dlayiweni,U va langela siku leli va nga ta dlayiwa hi lona.
4 Kasi tiko li ta tama li vuna anze siku muniNi leswi milaka masin’wini swi ta woma anze siku muni ke?+
Swiharhi ni swinyanyani swi helisiwile,Hi mhaka ya wubihi la vanhu lava tshamaka ka lona.
Hikusa va te: “A nga swi voni leswi nga ta hi yendlekela.”
5 Loko u karhala hi ku tsutsuma ni vanhu,U nga swi kotisa ku yini ku tsutsuma u phikizana ni makavhalu?+
Hambiloko u titwa na u hlayisekile ka tiko leli nga ni ku rhula,Kambe u ta yendla yini loko u li xikarhi ka makhwati ya ku tlhuma lama nga Yordani?
6 Hikusa hambi vamakwenu va wena, vandjangu wa papayi wa wena,Va ku kanganyisile.+
Va huwelelile hi wena.
U nga va tshembi,Hambiloko va vulavula swaswinene ka wena.
7 “Ni yi tshikile yindlo ya mina;+ ni li tshikile tshomba la mina.+
Ni nyikele murhandziwa wa mina ka valala va yena.+
8 Tshomba la mina li fana ni nghonyama akhwatini.
Li ni pfhumpfhelile ku fana ni nghonyama.
Kutani na li nyenya.
9 Ka mina, tshomba la mina li fana ni xinyanyani xa tikorikori lexi dlaka nyama;Swinyanyani leswin’wani leswi dlaka nyama swa xi rhendzela swi xi hlasela.+
Tanani, hlengeletanani n’wina hinkwenu swiharhi,Tanani mi ta dla.+
10 Valusi va vanyingi va helise nsimu ya mina ya mawuvha;+Va kandzihele tiko la mina.+
Tiko la mina la ku saseka va li hohlotile li sala na li li mananga.
11 Va li txintxe li va mananga.
Li vunile;*Li hahluliwile li sala li nga na nchumu na ni swi vona.+
Tiko hinkwalu li hahluliwile,Kambe a ku na munhu lweyi a swi tekelaka nhlokweni.+
12 Vanhu lava dlayaka va tsemakanye hi ka tindlela hinkwatu* ta le mananga,Hikusa xipada xa Yehovha xi helisa ku sukela ka magamu man’wani ya tiko ku ya ka magamu man’wani.+
Vanhu hinkwavu a va na ku rhula.
13 Va byale trigu, kambe va tshovele mimintwa.+
Va tirhe hi matimba, kambe a swi pfuni nchumu.
Leswi va nga swi tshovela swi ta va danisaHi mhaka ya ku kwata kakukulu ka Yehovha.”
14 Yehovha a byela vavhizinyu va mina hinkwavu va ku biha, lava khumbaka tshomba leli ni nga li nyika vanhu va mina, ku nga Israyele, a ku:+ “Na va tsuvula ka tiko la vona+ funtshi ni ta tsuvula tiko la Yuda xikarhi ka vona.
15 Kambe loko se ni va tsuvulile, ni ta tlhela ni va komba timpsalu ni vuyisa mun’wani ni mun’wani ka tshomba la yena ni ka tiko la yena.”
16 “Kutani loko hikakunene vo djondza tindlela ta vanhu va mina va tlhela va funga hi vito la mina, va ku: ‘Leswi Yehovha a hanyaka,’ ku fana ni leswi va nga djondzisa vanhu va mina swaku va funga hi Bali, va ta simekiwa xikarhi ka vanhu va mina.
17 Kambe loko va yala ku yingisa, ni ta li tsuvula tiko lolelo, ni tlhela ni li helisa,” ku vula Yehovha.+
Tinhlamunselu ta le hansi
^ Hi Xiheberu: “ka tiyinso”.
^ Kumbe: “u kume swaku ya twanana na wena.”
^ Kumbexana: “La rila.”
^ Kumbe: “tindlela leti nga wupfa”.