Yeremiya 13:1-27
13 Yehovha a ni byela a ku: “Famba u ya tixavela bandhi leli nga hambiwa hi panu u li boha ka masenge kambe u nga li nghenisi ka mati.”
2 Kutani ni xava bandhi hi ku landza leswi Yehovha a nga ni rhuma swona, ni li boha ka masenge.
3 Yehovha a tlhela a vulavula na mina a ku:
4 “Teka bandhi leli u nga li xava, leli u nga li boha u ya Ewufrata, kutani u fika u li fihla ka mhakwa* lowu nga ka ribye.”
5 Se ni famba ni ya li fihla aEwufrata, hi ku landza leswi Yehovha a nga ni rhuma swona.
6 Kambe loko se ku hundze masiku ya manyingi, Yehovha a vulavula na mina a ku: “Pfuka u ya aEwufrata u fika u teka bandhi leli ni nga ku rhuma swaku u ya li fihla.”
7 Se ni ya aEwufrata ni fika ni txela lomu ku nga ni bandhi ni gama ni li teka lomu a ni li fihle kona kambe se a li wonhekile; a li nga ha pfuni nchumu.
8 Yehovha a vulavula na mina a ku:
9 “Mina Yehovha, ‘Hi swoleswo ni nga ta swi yendla swaku ni helisa ku tibyela ka Yuda ni ku tibyela kakukulu ka Yerusalema.+
10 Vanhu lava yendlaka swa ku biha lava yalaka ku yingisa marito ya mina,+ lava tiwomisaka tinhloko va yendla leswi timbilu ta vona+ ti va byelaka swona naswona va landzelelaka swikwembu swin’wani, va swi tirhela va tlhela va swi khizamela, va ta fana ni bandhi leli, leli kalaka li nga pfuni nchumu.’
11 ‘Hikusa ku fana ni leswi bandhi li namarhelaka masenge ya munhu, ni yendle swaku vanhu hinkwavu vandjangu wa Israyele ni vanhu hinkwavu vandjangu wa Yuda va ni namarhela swaku va va vanhu va mina,+ ndhuma ya mina,+ ku dzuneka ka mina ni nchumu xa ku saseka. Kambe a va yingisanga,’+ ku vula Yehovha.
12 “U fanele u tlhela u va byela marito lawa: ‘Yehovha Xikwembu xa Israyele a li: “Khuwani lin’wani ni lin’wani li fanele li tatiwa hi vhinyu.”’ Kutani va ta ku hlamula va ku: ‘Ho kala hi nga swi tivi swaku khuwani lin’wani ni lin’wani li fanele li tatiwa hi vhinyu?’
13 Kutani va byeli u ku: ‘Yehovha a li: “Ni va nyika vhinyu hinkwavu lava tshamaka ka tiko leli,+ tihosi leti nga tshama ka xitshamu xa wuhosi xa Davhida, vaprista ni vaprofeta ni hinkwavu lava tshamaka aYerusalema anze va dakwa.
14 Vapapayi ni vana ni ta va fayetela ni tlhela ni va bananisa,” ku vula Yehovha.+ “A ni nge va tsetseleli kumbe ni va twela wusiwana kumbe ni va ni timpsalu ka vona; a xi kona lexi nga ta ni sivela ku va helisa.”’+
15 Pfulani tindleve mi yingisa.
Mi nga titlakusi, hikusa Yehovha a vulile.
16 Dzunisani Yehovha Xikwembu xa n’winaNa a nge se tisa munyama,Minenge ya n’wina na yi nge se gumuliwa ka tintshava nimadlambu.
Mi ta nyimela ku vonakala,Kambe a ta tisa ndzhuti wawukulu;A ta wu txintxa wu va munyama wawukulu.+
17 Loko mi yala ku yingisa,Ni ta rila xihundleni hi mhaka ya ku tibyela ka n’wina.
Ni ta humesa mihloti ya yinyingi funtshi matihlo ya mina ma ta xiririka mihloti,+Hikusa ntlhambi wa Yehovha+ wu yisiwe wukaraweni.
18 Byelani hosi ni mamani wa hosi+ mi ku: ‘Tshamani ka ndhawu ya le hansi,Hikusa harhi* ya n’wina ya ku saseka yi ta wa ka tinhloko ta n’wina.’
19 Madoropa ya le sul* ma pfaliwile,* a ku na munhu lweyi a ma pfulaka.
Vanhu hinkwavu va le Yuda va yisiwe wukaraweni, a ku salanga ni mun’we.+
20 Txuvuka lava taka hi norte.*+
Wu kwini ntlhambi lowu u nga nyikiwa wona, tinyempfu ta wena ta ku saseka?+
21 Se u ta ku yini loko u khatisiwaHi vanhu lava minkama hinkwayu a wu va teka ku li vanghanu va wena vavakulu?+
Indjhe a wu nga ta va ni switlhavi swa ku psala,* ku fana ni wansati lweyi a psalaka?+
22 Loko u vulavula hi mbilu u ku: ‘Hi mhaka muni ni kumana ni swilo leswi?’+
Swi yendleka hikusa u hliviliwe mpahla ya wena hi mhaka ya xihoxo xa wena xaxikulu+
Naswona swirhendze swa wena swi vavisiwile.
23 Indjhe Mukuxi* a nga xi txintxa xikhumba xa yena kumbe yingwe* yi txintxa mavalavala ya yona?+
Loko leswo swo koteka, na n’wina mi nga swi kota ku yendla swaswinene,N’wina lava mi nga djondzisiwa ku yendla swa ku biha.
24 Kutani ni ta va hangalasa ku fana ni mahlanga lama biwaka hi moya wa le mananga.+
25 Leswi i swa wena, hi leswi ni nga ku pimela swona,” ku vula Yehovha,“Hikusa u ni khohlwile+ u tlhela u tshemba mavunhwa.+
26 Kutani ni ta gwavula mpahla ya wena yi ya henhla ni ku pfala nghohe* hi yona,Se vanhu va ta vona tingana ta wena,+
27 Mahanyelo ya wena ya ku mbuyeta+ ni ku navela ka wena,Wunghwavani la wena lalikulu.*
Ni vone mahanyelo ya wena ya ku nyenyentsa,+Ka maganga ni le khwatini.
Khombo ka wena Yerusalema!
Kasi u ta tshama na u chakile anze siku muni ke?”+
Tinhlamunselu ta le hansi
^ Ku nga mbhovo lowu kumekaka ka ribye.
^ Kumbe: “korowa”.
^ Kumbe: “dzongeni”.
^ Kumbe: “rhendzeliwile”.
^ Kumbe: “n’walungu.”
^ Kumbe: “veleka”.
^ Kumbe: “Muetiyopiya”.
^ Kumbe: “liyopardu”.
^ Kumbe: “kara”.
^ Kumbe: “leli danisaka.”
