Yeremiya 14:1-22
14 Yehovha a vule leswi ka Yeremiya hi mhaka ya djandza:+
2 Yuda wa rila+ funtshi swipfalu swa yena swi wile.
Swi mbombomelile na swi xukuvalile,Ka riliwa aYerusalema.
3 Varhangeli va vona va rhuma vatirhi swaku va ya kha mati.
Va ye ka swihlovo kambe a va ma kumanga.
Va tlhele ni swibya swa vona na swi nga na nchumu.
Va danile va tlhela va hela ntamu,Naswona va timbhonye tinhloko.
4 Varimi va karhatekile naswona va timbhonye tinhlokoHi mhaka ya leswi misava yi nga pandzekela,Hikusa a ku na mpfula tikweni.+
5 Hambi mhunti leyi nga nhoveni yi siya ximhuntani lexi xa ha ku psaliwakaHikusa a ku na byanyi.
6 Timbongolo ta khwati ti nyima henhla ka maganga.
Ti hefemula ti lava moya ku fana ni timbyana ta khwati;*Matihlo ya tona a ma ha voni kahle hi mhaka ya ndlala.+
7 Swihoxo swa hina swa fakaza swaku hi ni nandzu,Yendla xanchumu Yehovha Xikwembu xa mina, hi mhaka ya vito la wena.+
Hikusa i yinyingi mintirho ya hina leyi kombisaka swaku a hi tshembeki,+Hi ku djohelile.
8 Wena ntshembo wa Israyele, Muponisi wa yena+ hi nkama wa mahlomulu,Hi mhaka muni u fana ni munhu wa ku ta* ka tiko leli,Ku fana ni munhu wa ku hundza hi ndlela lweyi a nyimaka ntsena swaku a yetlela?
9 Hi mhaka muni u fana ni munhu lweyi a hlamalaka,Ku fana ni wanuna wa matimba lweyi a tsandzekaka ku ponisa van’wani?
Hikusa u le xikarhi ka hina, wena Yehovha,+Naswona hi vitaniwa hi vito la wena.+
U nga hi tshiki.
10 Yehovha a hlaya leswi hi vanhu lava: “Va rhandza ku tsendzeleka;+ a va yi sivelanga minenge ya vona.+ Kutani Yehovha a nga va tsakeli.+ A ta khumbuka xihoxo xa vona, kutani a ta lava swaku va tihlamulela hi mhaka ya swidjoho swa vona.”+
11 Se Yehovha a ni byela a ku: “U nga va khongeleli swaku va kuma swilo swaswinene vanhu lava.+
12 Hambiloko va titsona swakudla, a ni swi yingisi swikombelo swa vona,+ ni loko va humesa magandzelo ya ku hisiwa ni magandzelo ya swakudla, a ni ma tsakeli,+ hikusa ni ta va helisa hi xipada, hi ndlala ni hi mavabyi.”+
13 Kutani ni hlamula ni ku: “Yehovha Hosi Leyikulu! Vaprofeta va va byela va ku: ‘A mi nga ta vona xipada funtshi a mi nga ta biwa hi ndlala kambe ni ta mi nyika ku rhula ka ntiyiso ka ndhawu leyi.’”+
14 Se Yehovha a ni byela a ku: “Vaprofeta va profeta mavunhwa hi vito la mina.+ A ni zanga ni va rhuma nchumu kumbe ku vulavula na vona.+ Va mi profetela swa mavunhwa na va vula swaku va kombiwe hi mina ni ku mi hlahluvela swa ku kala swi nga pfuni nchumu ni wukanganyisi leli nga ka timbilu ta vona.+
15 Se Yehovha a hlaya leswi hi vaprofeta lava profetaka hi vito la mina hambileswi ni kalaka ni nga va rhumanga, lava vulaka swaku a ku nga ta va ni xipada kumbe ndlala ka tiko leli: ‘Vaprofeta volavo va ta helisiwa hi xipada ni hi ndlala.+
16 Kutani vanhu lava ku profeteliwaka vona va ta txukumetiwa ka switaratu swa le Yerusalema hi mhaka ya ndlala ni xipada, a ku na munhu lweyi a nga ta va lahla,+ vona, vasati va vona, vana va vona va madjaha kumbe va tintombhi hikusa ni ta va chululela khombo leli va fanelaka.’+
17 “U fanele u va byela marito lawa:‘Matihlo ya mina a ma xiririke mihloti wusiku ni nhlikanhi, yi nga nyimi,+Hikusa vanhu va mina* va tshoveke swa wugamu,+Va ni xilondza lexi vavaka swinene.
18 Loko ni huma ni ya khwatini,Ni vona lava nga dlayiwa hi xipada!+
Loko ni nghena doropeni,Ni vona lava nga ni mavabyi lama nga vangiwa hi ndlala!+
Hikusa muprofeta ni muprista va rhendzeleke ka tiko leli va kalaka va nga li tivi.’”+
19 Kasi Yuda u yo mu tshika swa wugamu kumbe u tshika Siyoni?+
Hi mhaka muni u hi bile swi za swi nga koteki swaku hi dahiwa?+
A ku nyimeliwe swaku ku va ni ku rhula kambe a ku tanga nchumu xaxinene,A ku nyimeliwe nkama wa ku hanyisiwa kambe ku ni ku chava!+
20 Yehovha Xikwembu xa mina, ha swi pfumela swa ku biha leswi hi nga swi yendla,Ni xihoxo xa vavhovho va hina,Hikusa hi ku djohelile.+
21 U nga hi tshiki hi mhaka ya vito la wena;+U nga xi tekeli hansi xitshamu xa wena xa wuhosi lexi phatimaka.
Khumbuka ntwananu lowu u nga wu yendla na hina naswona u nga wu helisi.+
22 Indjhe swikwembu swa vamatiko leswi kalaka swi nga pfuni nchumu swi nga yi nisa mpfula,Kumbe matilo ma nga yi nisa mpfula hi woxe?
Kasi a hi wena ntsena Yehovha Xikwembu xa hina lweyi a kotaka ku yendla swilo leswi?+
Hi tshembe wena,Hikusa hi wena ntsena lweyi a nga yendla swilo leswi hinkwaswu.
Tinhlamunselu ta le hansi
^ Lani ku vulavuliwa hi timhungubye.
^ Kumbe: “wa ku ta hi ka tiko lin’wani”.
^ Hi Xiheberu: “ntombhi ya vanhu va mina”.
