Yeremiya 16:1-21
16 Yehovha a tlhela a khuluma na mina a ku:
2 “U nga tshuki u teka nsati naswona u nga tshuki u va ni vana va madjaha ni va tintombhi ka ndhawu leyi.
3 Mina Yehovha ni hlaya leswi hi vana va madjaha ni va tintombhi lava psaliwaka lani, ni vamamani va vona lava va va psalaka,* ni vapapayi va vona lava yendlaka swaku va psaliwa ka tiko leli:
4 ‘Va ta dlayiwa hi mavabyi lama dlayaka,+ kambe a va nga ta riliwa kumbe ku lahliwa; va ta fana ni xitrumi henhla ka misava.+ Va ta dlayiwa hi xipada ni hi ndlala+ naswona mintsumbu ya vona yi ta dliwa hi swinyanyani ni hi swiharhi.’
5 Hikusa Yehovha a li:‘U nga yi ka yindlo ya lava nga feliwa,U nga yi u ya rila kumbe u va tiyisa.’+
‘Hikusa ni suse ku rhula ka mina ka vanhu lava,’ ku vula Yehovha,‘Ni lirhandzu la mina ni timpsalu ta mina.+
6 Vavakulu ni vavatsongo va ta fela ka tiko leli.
A va nge lahliwi,A va nge riliwi,A ku na munhu lweyi a nga ta titsemelela kumbe a tsemeta mpandlha hi mhaka ya vona.*
7 A ku na munhu lweyi a nga ta va nyika swakudla lava rilaka,Swaku a va tiyisa hi mhaka ya leswi va nga feliwa;A ku na munhu lweyi a nga ta va nyika kopo leyi nga ni swa ku phuza swaku va tiyisiwaSwaku va phuza hi mhaka ya leswi va nga feliwa hi papayi kumbe mamani.
8 U nga ngheni ka munti lowu ku nga ni fextaU tshama na vona, u dla u tlhela u phuza na vona.’
9 “Hikusa Yehovha murhangeli wa tintsumi, Xikwembu xa Israyele a li: ‘Ni ta helisa guwa la ku tsaka, rito la lweyi a tekaka* ni la lweyi a tekiwaka* ka ndhawu leyi, leswo ni ta swi yendla ka nkama wa n’wina funtshi na mi swi vona hi matihlo ya n’wina.’+
10 “Nkama u nga ta byela vanhu lava marito lawa hinkwawu, va ta ku vutisa va ku: ‘Hi mhaka muni Yehovha a vule swaku a ta hi tisela khombo leli lalikulu? Hi mu djohele yini Yehovha Xikwembu xa hina?’+
11 U fanele u va hlamula u ku: ‘“Hi mhaka ya leswi vavhovho va n’wina va nga ni tshika,+ ni leswi va nga tama va landzela swikwembu swin’wani, va swi tirhela ni ku swi khizamela.+ Kambe mina va ni tshikile ni nawu wa mina a va wu yingisanga,”+ ku vula Yehovha.
12 “N’wina mi djohe hintamu ku tlula vavhovho va n’wina,+ mun’wani ni mun’wani wa n’wina a yendla swilo hi ku landza mbilu ya yena ya ku biha leyi nga tiyela a tshika ku yingisa mina.+
13 Kutani ni ta mi hlongola ka tiko leli mi ya ka tiko leli n’wina kumbe vavhovho va n’wina va kalaka va nga li tivanga,+ se koseniyani mi ta sindziseka ku tirhela swikwembu swin’wani wusiku ni nhlikanhi,+ hikusa a ni nga ta va ni timpsalu ka n’wina.”’
14 “‘Kambe masiku ma ta,’ ku vula Yehovha, ‘lawa va nga ta kala va nga ha vuli va ku: “Leswi Yehovha a hanyaka, lweyi a nga humesa Vayisrayele ka tiko la Gibita!”+
15 Kambe va ta ku: “Leswi Yehovha a hanyaka, lweyi a nga humesa Vayisrayele ka tiko la le norte* ni ka matiko hinkwawu lawa a nga va hangalasela ka wona!” Kutani ni ta va tlhelisela ka tiko la vona leli ni nga li nyika vavhovho va vona.’+
16 ‘Ni rhuma vaphasi va tihlampfi va vanyingi,’ ku vula Yehovha,‘Va ta va phasa.
Se ni ta gama ni rhuma vahloti va vanyingi,Va ta va hlota ka ntshava yin’wani ni yin’wani ni ka ganga lin’wani ni lin’waniNi le ka mimhakwa* leyi kumekaka ka maribye.
17 Hikusa matihlo ya mina ma vona hinkwaswu leswi va swi yendlaka.*
A va tumbelanga phambheni ka mina,Ni xihoxo xa vona a xi fihlekanga ka matihlo ya mina.
18 Ni ta va khatisa hi ku ya hi xihoxo xa vona ni xidjoho xa vona,+Hikusa va chakise tiko la mina hi swikwembu swa vona swa ku nyenyentsa leswi kalaka swi nga na wutomiVa tate tshomba* la mina hi swilo swa vona swa ku nyenyentsa.’”+
19 Yehovha Xikwembu xa mina, ntamu wa mina ni xivhikelo xa mina,Ndhawu ya mina ya ku balekela ka yona hi siku la mahlomulu,+Matiko ma ta ta ka wena na ma huma hi ka magamu ya misava,Ma ta ku: “Tshomba la vavhovho va hina i mavunhwa ntsena,I swilo swa ku kala swi nga pfuni nchumu.”+
20 Indjhe munhu a nga tiyendlela swikwembu?+Hambi o swi yendla a hi swikwembu swa ntiyiso.
21 “Ni ta yendla swaku va swi tiva,Hi nkama wolowo ni ta yendla swaku va tiva matimba ya mina yamakulu,Va ta swi tiva swaku vito la mina hi mina Yehovha.”
Tinhlamunselu ta le hansi
^ Kumbe: “velekaka”.
^ I mikhuva ya ku rila ya Vahedeni leyi kumbexana a yi yendliwa hi Vayisrayele lava nga tshika ku tirhela Xikwembu.
^ Kumbe: “noivhu”.
^ Kumbe: “noivha”.
^ Kumbe: “n’walungu”.
^ Ku nga mimbhovo leyi kumekaka ka maribye.
^ Hi Xiheberu: “ma le henhla ka tindlela ta vona hinkwatu.”
^ Kumbe: “tiko”.
