Yeremiya 18:1-23
18 Yehovha a vulavula na Yeremiya a ku:
2 “Famba u ya ka yindlo ya lweyi a tirhaka hi vumba,+ loko u fika ni ta vulavula na wena.”
3 Se ni famba ni ya kaya ka yena, ni fika ni mu kuma na a yendla xibya henhla ka xibya xa maroda xa munhu lweyi a tirhaka hi vumba.
4 Kambe xibya lexi a a xi hamba hi vumba, xi wonhekile na xi li ka mavoko ya yena. Kutani a tlhela a sungula ku yendla xibya xin’wani hi ku tirhisa vumba la lexi nga wonheka, a xi yendlisa leswi a a swi lavisa swona.*
5 Se Yehovha a vulavula na mina a ku:
6 “‘N’wina Vayisrayele, indjhe ni nga tsandzeka ku mi yendla swa ku fana ni leswi lweyi a tirhaka hi vumba a swi yendlaka hi vumba leli nga ka mavoko ya yena?’ ku vula Yehovha. ‘Phela ka mavoko ya mina mi fana ni vumba leli nga ka mavoko ya lweyi a tirhaka hi vumba, n’wina Vayisrayele.+
7 Nkama wun’wani ni wun’wani loko ni vulavula hi ku tsuvula, ku diliza ni ku helisa tiko kumbe mfumu,+
8 se tiko lolelo li tshika swa ku biha leswi ni nga vulavula hi swona, ni ta txintxa mimpimiso* ya mina ka khombo leli a ni pimisa ku li tisa ka lona.+
9 Kambe loko nkama wun’wani ni wun’wani ni vulavula hi ku yaka ni ku tiyisa tiko kumbe mfumu,
10 kutani tiko lolelo li gama li ni djohela funtshi li nga yingisi rito la mina, a ni nga ta swi yendla swilo swaswinene leswi a ni pimisa ku li yendlela swona.’
11 “Swoswi ni kombela u byela vanhu va le Yuda ni lava tshamaka Yerusalema u ku: ‘Yehovha a li: “Ni pimisa ku mi tisela khombo, ni mi rhiyela ntlhamu. Ni kombela mi tshika tindlela ta n’wina ta ku biha, mi yendla tindlela ta n’wina ni mintirho ya n’wina swi va swaswinene.”’”+
12 Kambe va te: “A swi pfuni nchumu!+ Hikusa hi ta yendla leswi pimisiwaka hi tinhloko ta hina funtshi mun’wani ni mun’wani a ta yendla swilo hi ku ya hi ku tiyela ka mbilu ya yena ya ku biha.”+
13 Kutani Yehovha a li:
“Ni kombela mi vutisa xikarhi ka matiko.
I mani lweyi a nga tshama a twa swilo swa ku fana ni leswi?
Vayisrayele* va yendle nchumu xa ku chavisa hintamu.+
14 Indjhe gamboko* ya le Lebanoni ya nyamalala ka maribye lama nga matlhelweni ka yona?
Kumbe mati ya ku titimela lama tsutsumaka na ma huma hi kule ma psha?*
15 Kambe vanhu va mina va ni khohlwile.+
Hikusa va yendle magandzelo va ma yendlela nchumu xa ku kala xi nga pfuni nchumu,+Va yendla swaku vanhu va phariheteka ka tindlela ta vona, tindlela ta khale,+Va famba ka tindlela tin’wani leti kalaka ti nga lunghisiwanga,
16 Leswaku va yendla tiko la vona li va nchumu xa ku chavisa+Ni nchumu lowu beliwaka noti masiku hinkwawu.+
Hinkwavu lava hundzaka hi kolanu va ta li txuvuka va gama va chava va tlhela va hlakahla nhloko.+
17 Ni ta va hangalasa phambheni ka nala ku fana ni moya wa le wuxeni.
Hi siku la khombo a ni nga ta va komba nghohe* ya mina, kambe ni ta va komba nhlana.”+
18 Kutani va te: “Tanani, a hi mu rhiyeleni ntlhamu Yeremiya+ hikusa nawu a wu nge heli ka vaprista va hina kumbe xitsundzuxu ka vavanuna va ku tlhariha kumbe rito ka vaprofeta. Tanani a hi mu hlaseleni hi marito* funtshi hi nga swi yingiseni leswi a swi hlayaka.”
19 Yehovha Xikwembu xa mina, ni yingisi,U tlhela u yingisela ni leswi valala va mina va swi hlayaka.
20 Indjhe swilo swaswinene swi fanele swi tlheliseliwa hi swa ku biha?
Hikusa va txele xikhele leswaku va ni dlaya.+
Khumbuka leswi ni nga nyimisa swona phambheni ka wena ni vulavula swaswinene hi vona,Leswaku u nga ha va kwateli.
21 Kutani nyikela vana va vona va madjaha swaku va dlayiwa hi ndlala,Kasi vona u va nyikela swaku va dlayiwa hi xipada.+
Vasati va vona a va sale na va nga na vana va tlhela va nga vi ni vavanuna,+
Vavanuna va vona a va dlayiwe hi ntungu lowu dlayaka,Madjaha ya vona ma dlayiwa hi xipada anyimpini.+
22 A ku twakale guwa la ku rila ka tiyindlo ta vonaNkama u nga ta va tisela vanhu lava nga ta teketela minchumu ya vona na va nga swi nyimelanga.
Hikusa va txele xikhele swaku va ta ni khomaMinenge ya mina va yi rhiye hi mintlhamu.+
23 Kambe Yehovha Xikwembu xa mina,U ma tiva kahle maplanu* ya vona ya ku lava ku ni dlaya.+
U nga va rivaleli xihoxo xa vona,U nga xi timi xidjoho xa vona phambheni ka wena.+
A va tigumule va wa na u swi vonaNkama u nga ta lwa na vona na u kwatile.+
Tinhlamunselu ta le hansi
^ Hi Xiheberu: “hilani a swi lulamile matihlweni ya muvumbi ku xi yendlisa swona.”
^ Kumbe: “tisola”.
^ Hi Xiheberu: “Ntombhi ya Israyele”.
^ Kumbe: “neve”. I minchumu ya ku basa yi ku baa ku fana ni jelu.
^ Kumbe: “khwa.”
^ Kumbe: “kara la”.
^ Hi Xiheberu: “a hi mu beni hi lirimi”.
^ Kumbe: “makungu”.
