Yeremiya 2:1-37
2 Yehovha a vulavule na mina a ku:
2 “Famba u ya vulavula ka tindleve ta vanhu va Yerusalema u ku: ‘Yehovha a li:
“Ni ku khumbuka kahle ku tinyiketela ka wena nkama na wa ha li jovhem,+Ni lirhandzu leli a wu li na lona nkama na wa ha tshembisiwe ku tekiwa,+Ni leswi u nga ni landzelisa swona amananga,Ka tiko la ku kala li nga byaliwanga mbewu.+
3 Wena Israyele a wu kwetsima ka mina Yehovha,+ a wu li ntshovelo wa mina wa ku sungula.”’
‘Lava a va ta lava ku ku helisa a va ta va ni nandzu.
A va ta kumana ni makhombo,’ ku hlaya mina Yehovha.”+
4 Twanani leswi Yehovha a swi hlayaka, n’wina vatukulu va Yakobe,Na n’wina hinkwenu mindjangu ya vana va Israyele.
5 Yehovha a li:
“Vavhovho va n’wina va yo vona yini swa ku biha ka mina,+Leswi va nga za va ya kule hintamu na mina,Va landzelela swikwembu swa ku kala swi nga pfuni nchumu+ va tlhela na vona va va vanhu va ku kala va nga pfuni nchumu?+
6 A va vutisanga va ku: ‘A kwini Yehovha,Lweyi a nga hi humesa ka tiko la Gibita,+A hi yisa mananga,Ka tiko la ku woma+ li tlhela li va ni swikhele,Ka tiko la ku kala li nga na mati+ li tlhela li va ni munyama wawukulu,Ka tiko la ku a ku fambi vanhuFuntshi a ku tshami munhu?’
7 Se ni mi tise ka tiko leli nga ni minsinya leyi psalaka mihandzu,Swaku mi ta dla mihandzu ya lona ni minchumu ya lona yayinene.+
Kambe mi fike mi chakisa tiko la mina;Mi yendle swaku tshomba la mina li va nchumu xa ku nyenyentsa.+
8 Vaprista a va vutisanga va ku: ‘A kwini Yehovha?’+
Lava djondzisaka Nawu a va ni tivanga,Varisi va ni djikelile,+Vaprofeta va profete hi Bali,+Va landzele lava a va nga ta va pfuna hi nchumu.
9 ‘Ni ta tama ni lwa na n’wina,’+ ku hlaya Yehovha,‘Ni ta lwa ni vatukulu va n’wina.’
10 ‘Tsemakanyani mi ya ka tindhawu leti nga kusuhi ni lwandle aKitimi,+ mi ya vona swaku mi ta kuma yini.
Rhumani munhu a ya Kedari+ mi tlhela mi pimisa kahle;Swaku mi ta vona swaku minchumu ya ku fana ni leyi yi tshame yi yendleka ke.
11 Li kona tiko leli nga tshama li txintxa swikwembu swa lona hi swilo swa ku kala swi nga li swikwembu?
Kambe n’wina vanhu va mina mi tshike ku ni dzunisa, mi dzunisa swilo swa ku kala swi nga pfuni nchumu.+
12 Txuvukani leswi mi gama mi hlamala, n’wina matilo;Mi rhurhumela hi ku chava kakukulu,’ ku hlaya Yehovha,
13 ‘Hikusa n’wina vanhu va mina mi yendle swilo swimbirhi swa ku biha:
Mi ni tshikile mina xihlovo xa mati ya wutomi,+Mi ya titxelela swihlovo,Swihlovo swa ku boxeka, swa ku kala swi nga hlayisi mati.’
14 ‘Kasi Israyele o va mutirhi kumbe xikarawa lexi nga psaliwa ka ndjangu wa n’winyi wa xona ke?
Se hi mhaka muni a tekeliwe swilo swa yena?
15 Swinghonyamani swa mu bongela;+Swi tlakusa rito la swona.
Swi yendla swaku tiko la yena li va nchumu xa ku chavisa.
Madoropa ya yena ma hisiwile swaku ku nga ha tshami munhu.
16 Vanhu va le Nofu*+ ni va le Tapanesi+ va ku tsemeta mpandlha va tlhela va dlela ka nhloko ya wena.
17 A wu yo tilavela leswoHi ku tshika Yehovha Xikwembu xa wena+Nkama na a ku komba ndlela ya ku famba hi yona?
18 Se hi mhaka muni u lava ku tlhelela Gibita+Swaku u ya phuza mati ya le Xihori?*
Hi mhaka muni u navela ku ya aAsiriya+Swaku u ya phuza mati ya Nambu wa Ewufrata?
19 Swa ku biha leswi u swi yendlaka swi ta ku lulamisa,Ni ku nga tshembeki ka wena ku ta ku laya.
Swi tive u tlhela u swi vona swaku swi bihe hintamu funtshi swa vavisa+Ku tshika Yehovha Xikwembu xa wena;A wu ni hloniphanga,’+ ku hlaya Yehovha murhangeli wa tintsumi, Hosi Leyikulu.
20 ‘Ni li tshovelele khale kange* la wena+Ni tlhela ni tsema ni machini lawa a wu bohiwe hi wona.
Kambe wena u te: “A ni nga ta ku tirhela,”
Hikusa ka maganga hinkwawu ni hansi ka minsinya hinkwayu yayikulu+U yetlelile u yendla wunghwavani.+
21 Ni ku byale hi mbewu yayinene swaku u va nsinya wa mawuvha ya ku pshuka yamanene;+Se swi yendlekise ku yini swaku u txintxa u va nsinya wun’wani wa mawuvha lowu wu ni humeselaka tigadja ta ku bola?’+
22 ‘Hambiloko wo hlamba hi munyu* ni sabawu ya yinyingi,Wa ha ta tama u nga basanga ka mina,’+ ku hlaya mina Yehovha Hosi Leyikulu.
23 U nga hlayisa ku yini u ku: ‘A ni tichakisanga.
Funtshi a ni va landzelanga Vabali’?
Vona leswi u nga swi yendla ka nkova.
Pimisa hi swona.
U fana ni kamela yayitsongo ya xisati leyi tsutsumaka hintamu,Leyi tsutsumaka yi ya hala ni hala ka ndlela leyi fambaka hi yona,
24 U fana ni mbongolo* ya khwati leyi nga tolovela mananga,Leyi nun’hwetelaka moya na yi navela ku famba masangu.
I mani lweyi a nga yi pfalelaka ku famba masangu?
Timbongolo leti ti yi lavaka a ti nge hlupheki.
Ti ta yi kuma hi nkama wa yona.*
25 U nga fambi na u nga yambalanga nchumu ka minengeNaswona u nga twi torha.
Kambe wena u te: ‘A swi sizi nchumu!+
Ihim! Ni rhandze swikwembu swa matiko man’wani,+Ni ta swi landzelela.’+
26 Ku fana ni leswi muyivi a danisaka swona loko a kumiwile,Vayisrayele va danisiwile,Vona, tihosi ta vona, varhangeli va vona,Vaprista va vona ni vaprofeta va vona.+
27 Va byela nsinya va ku: ‘Wena u papayi wa hina,’+
Va tlhela va byela ni ribye va ku: ‘Hi wena u nga hi psala.’
Kambe mina va ni komba xikosi a va lavi ku ni txuvuka.+
Kambe siku va nga ta kumana ni khombo va ta ku:‘Hi kombela u hi ponisa!’+
28 Se swi kwini swikwembu swa wena leswi u nga tiyendlela swona?+
A swi te, kumbe swi ta swi kota ku ku ponisa loko u kumana ni khombo,Hikusa swikwembu swa wena i swinyingi ku fana ni madoropa ya wena, wena Yuda.+
29 ‘Hi mhaka muni mi tshamela ku ni sola?
Hi mhaka muni hinkwenu mi ni djikelile?’+ ku hlaya Yehovha.
30 Vana va n’wina ni va bile kambe a swi sizanga nchumu.+
A va pfumelanga ku layiwa;+Xipada xa n’wina xi helise vaprofeta va n’wina,+Ku fana ni nghonyama leyi dlayaka.
31 N’wina vanhu va mina, pimisani hi leswi mina Yehovha ni swi hlayaka.
Ni yo txintxa ni va manangaKumbe tiko la munyama wawukulu ka n’wina Vayisrayele?
Kumbe hi mhaka muni n’wina vanhu va mina mi te: ‘Hi ya lomu hi ku lavaka.
A hi nge tlheli hi ta ka wena’?+
32 Indjhe a ntombhi* yi nga khohlwa minchumu leyi yi tisasekisaka hi yona,Ntombhi leyi yi nga tshembisiwa muchadu indjhe yi nga khohlwa bandhi la yona la ku boha ka xifuva?
Kambe se ku hundza masiku ya manyingi na n’wina vanhu va mina mi ni khohlwile.+
33 Wena wansati wa swi kota ku lava vavanuna lava va nga ta ku rhandza!
U tidjondzise ku yendla swa ku biha.+
34 Hambi hi mpahla ya wena yi ni ngati ya swisiwana swa ku kala swi nga na nandzu,+Hambileswi ni kalaka ni nga tshami ni swi kuma na swi tlhanya ka tiyindlo ta wena;Ngati ya swona yi le ka mpahla ya wena hinkwayu.+
35 Kambe u li: ‘A ni na nandzu.
Xikwembu a xi ni kwatelanga.’
Kambe swoswi ni ta ku yavanyisaHikusa u li: ‘A ni djohanga.’
36 Hi mhaka muni u vona ingaku swa ku biha leswi u swi yendlaka a hi swa nchumu?
U ta danisiwa hi tiko la Gibita,+Ku fana ni ndlela leyi u nga danisiwa hi yona hi tiko la Asiriya.+
37 Kutani u ta huma na u dana funtshi na u rhwale mavoko ka nhloko,+Hikusa mina Yehovha ni suse lava u va tshembaka;A va nga ha ta ku pfuna.”
Tinhlamunselu ta le hansi
^ Kumbe: “Memfisi”.
^ Ku nga mati lama sukelaka ka Nambu wa Nilu.
^ Kumbe: “djoko; jugo”.
^ Hi Xiheberu: “soda”.
^ Kumbe: “mbongolo ya xisati”.
^ Hi Xiheberu: “hi wheti ya yona.”
^ Ku nga ntombhi ya ku kala yi nga se famba masangu.
