Yeremiya 21:1-14
21 Yehovha a vulavule na Yeremiya, nkama Hosi Zedekiya+ a nga rhuma Paxahuri+ n’wana wa Malikiya swaku a ya ka yena na Sofaniya+ n’wana wa muprista Mazeya, va ya mu kombela va ku:
2 “Hi kombela u hi vutisela ka Yehovha hikusa Nebukadinazara* hosi ya Babilona a lava ku lwa na hina.+ Kumbexana Yehovha a ta yendla yin’wani ya mintirho ya yena ya ku hlamalisa swaku a hi tshika.”+
3 Yeremiya a va hlamula a ku: “Fambani mi ya byela Zedekiya mi ku:
4 ‘Yehovha Xikwembu xa Israyele a li: “Matlharhi lawa mi nga ma khoma lawa mi ma tirhisaka swaku mi lwa ni hosi ya Babilona+ ni Vakalidiya lava nga handle ka muru lava nga mi rhendzela, ni ta yendla leswaku ma mi hlasela. Ni ta ma hlengeleta xikarhi ka doropa leli.
5 Mina ni ta lwa na n’wina+ hi voko leli nga tshandzavutiwa leli nga ni matimba, hi ku kwata kakukulu swinene.+
6 Ni ta ba lava tshamaka ka doropa leli, vanhu ni swiharhi. Va ta dlayiwa hi ntungu* wawukulu.”’+
7 “‘“Loko ku hundza leswo,” ku vula Yehovha, “ni ta nyiketa Zedekiya hosi ya le Yuda ni vatirhi va yena ni vanhu va doropa leli lava nga pona ku dlayiwa hi ntungu, xipada ni ndlala, ka Nebukadinazara* hosi ya Babilona, ka valala va vona ni ka lava va lavaka ku va dlaya.+ Yi ta va dlaya hi xipada. A yi nga ta va tsetselela kumbe ku va komba timpsalu.”’+
8 “Byela vanhu lava u ku: ‘Yehovha a li: “Ni veka ndlela ya wutomi ni ndlela ya lifu phambheni ka n’wina.
9 Lava nga ta sala ka doropa leli va ta dlayiwa hi xipada, hi ndlala ni hi ntungu. Kambe lweyi a nga ta tinyikela ka Vakalidiya lava nga mi rhendzela a ta tama a hanya funtshi a ta ponisa wutomi la yena.”’+
10 Yehovha a li: “‘“Doropa leli li ta weliwa hi khombo ku nga li swaswinene,+ hi mhaka ya leswi ni nga li tshika. Li ta nyiketiwa ka hosi ya le Babilona+ kutani yona yi ta li hisa hi ndzilu.”+
11 “‘Ka n’wina vandjangu wa hosi ya Yuda ni li: Yingisani leswi Yehovha a swi hlayaka.
12 N’wina vandjangu wa ka Davhida, Yehovha a li:
“Kombisani wululami mixo wun’wani ni wun’wani,Mi ponisa lweyi a kanganyisiwaka hi mukanganyisi,+Leswaku ku kwata ka mina ku nga pfurhi ku fana ni ndzilu+Ku hisa ku tlhela ku nga vi na lweyi a ku timelakaHi mhaka ya mintirho ya n’wina ya ku biha.”’+
13 ‘Ni lwa na wena, wena u tshamaka nkoveni,Wena ribye la tiko la ku kala li nga na maganga ni tintshava,’ ku vula Yehovha.
‘Loko ku li n’wina lava nge: “I mani lweyi a nga ta vuya a ta lwa na hina?
I mani lweyi a nga ta hlasela lomu hi tshamaka kona?”
14 Ni ta lava swaku mi tihlamulelaHi mhaka ya mintirho ya n’wina,’+ ku vula Yehovha.
‘Ni ta hisa khwati la yena hi ndzilu,Wu ta hisa swilo hinkwaswu leswi nga matlhelweni ya yena.’”+
Tinhlamunselu ta le hansi
^ Hi Xiheberu: “Nebukadretsara”. Ku nga matsalelo ya ku hambana.
^ Kumbe: “mavabyi”.
^ Hi Xiheberu: “Nebukadretsara”. Ku nga matsalelo ya ku hambana.
