Yeremiya 22:1-30
22 Yehovha a li: “Famba ka yindlo ya hosi ya Yuda, u fika u yi byela mhaka leyi.
2 Yi byeli u ku: ‘Twana rito la Yehovha, wena hosi ya Yuda, wena u nga tshama ka xitshamu xa wuhosi xa Davhida, wena ni vatirhi va wena ni vanhu va wena lava nghenaka hi tinyanghwa leti.
3 Yehovha a li: “Kombisani wululami mi tlhela mi yendla swaswinene. Ponisani lweyi a kanganyisiwaka hi mukanganyisi. Mi nga mu khomi hi ndlela ya ku biha munhu wa tiko lin’wani funtshi mi nga vavisi n’wana lweyi a kalaka a nga na vapsali* kumbe wansati lweyi a nga feliwa hi nuna.+ Mi nga halati ngati leyi kalaka yi nga na nandzu ka ndhawu leyi.+
4 Hikusa loko mi tikarhatela ku yendla swilo leswi, tihosi leti tshamaka ka xitshamu xa wuhosi xa Davhida+ ti ta nghena hi tinyanghwa ta yindlo leyi, na ti famba hi makavhalu ni tinyolo,* tona ni vatirhi va tona ni vanhu va tona.”’+
5 “‘Kambe loko mo kala mi nga ma yingisi marito lawa, na funga hi mina,’ ku vula Yehovha, ‘swaku yindlo leyi yi ta hahluleliwa yi sala yi nga na nchumu.’+
6 “Hikusa Yehovha a vula leswi hi yindlo ya hosi ya Yuda,‘Ka mina u fana na Jiliyadi,U fana ni henhla ka ntshava ya Lebanoni.
Kambe ni ta ku yendla mananga;A ku nge he vi na vanhu lava tshamaka ka madoropa ya wena.+
7 Ni ta langa vanhu lava nga ta ku helisa,Mun’wani ni mun’wani na a khome matlharhi ya yena.+
Va ta tsema minsinya ya wena ya mikedari yayinene ya konaVa yi txukumeta ka ndzilu.+
8 “‘Matiko ya manyingi ma ta hundza hi ka doropa leli ma gama ma vutisana ma ku: “Hi mhaka muni Yehovha a yendle swilo leswi ka doropa leli lalikulu?”+
9 Se vanhu va ta hlamula va ku: “Hi mhaka ya leswi va nga tshika ntwananu wa Yehovha Xikwembu xa vona va khizamela swikwembu swin’wani va tlhela va swi tirhela.”’+
10 Mi nga mu rileni lweyi a nga fa,Naswona mi nga mu beli nkosi.
Kambe, rilelani hintamu lweyi a fambaka,Hikusa a nga ha ta tlhela a vuya a ta vona tiko leli a nga psaliwa ka lona.
11 “Hikusa Yehovha a vula leswi hi Xalumi*+ n’wana wa Yosiya, hosi ya Yuda lweyi a nga pfaleta papayi wa yena Yosiya,+ lweyi a nga suka ka ndhawu leyi, a li: ‘A nga ha ta tlhela a vuya kolanu.
12 Hikusa a ta ya fela ka ndhawu leyi va nga mu yendla xikarawa ka yona naswona a nga ha ta li vona tiko leli.’+
13 Khombo ka lweyi a yakaka yindlo ya yena hi ku kanganyisa van’waniA tlhela a yaka makwartu ya yena ya le henhla, na a nga tirhisi wululami,Lweyi a tirhisaka munhu mun’wani mahala,A yala ku mu hakela;+
14 Lweyi a nge: ‘Ni ta tiyakela yindlo yayikuluLeyi nga ni makwartu ya ku pfuleka ya le henhla.
Ni ta yi yendlela majanelaNi tlhela ni yi namarheta mapulangu ya nsinya wa mukedari naswona ni ta yi penda hi pendi la ku pshuka.’
15 Indjhe u ta tama u fuma hileswi u tlulaka van’wani hi ndlela leyi u yi tirhisaka hi yona minsinya ya mikedari?
Phela papayi wa wena a dlile a tlhela a phuza,Kambe a kombise wululami ni ku yendla swaswinene+Swilo swi mu fambele kahle.
16 A nyimelele mhaka ya lweyi a hluphekaka ni ya xisiwana,Swaku swilo swi famba kahle.
‘Phela leswo hi swona swi vulaka ku ni tiva,’ ku vula Yehovha.
17 ‘Kambe wena u tshamela ku lava tindlela u tlhela u pimisa hi ku kuma minchumu hi ndlela ya ku kanganyisa,U halata ni ngati leyi kalaka yi nga na nandzu,U tlhela u kanganyisa van’wani ni ku va yivela.’
18 “Kutani Yehovha a hlaya leswi hi Yoyakimi+ n’wana wa Yosiya, hosi ya Yuda,‘A va nga ta mu rilela va ku:
“Yowee, makwerhu! Yowee, makwerhu!”*
A va nga ta mu rilela va ku:
“Yowee, hosi ya mina! Yowee, ku hlonipheka ka yona ku helile!”
19 A ta lahliwa ku fana ni mbongolo,+A kokakokiwa a gama a txukumetiwa,Ahandle ka tinyanghwa ta Yerusalema.’+
20 Khupuka u ya Lebanoni u fika u huwelela,Tlakusa rito la wena aBaxani,U huwelela na u li Abarimi+Hikusa timbuya ta wena hinkwatu ti helisiwile.+
21 Ni khulume na wena na wa ha hlayisekile.
Kambe u te: ‘A ni nga ta yingisa.’+
U yendle leswo ku sukela na wa ha li jovhem,Hikusa a wu li yingisanga rito la mina.+
22 Moya wu ta risa varisi va wena hinkwavu,+Timbuya ta wena na tona ti ta ya wukaraweni.
Kutani u ta danisiwa hi mhaka ya khombo la wena.
23 Wena lweyi a tshamaka aLebanoni,+Lweyi a tshamaka xikarhi ka minsinya ya mikedari,+U ta konya nkama u nga ta sungula ku twa ku vava,Ku vava ka ku fana ni loku twiwaka hi wansati lweyi a psalaka!”*+
24 Yehovha a li:“‘Leswi ni hanyaka, hambiloko Koniya*+ n’wana wa Yoyakimi+ hosi ya Yuda, a a li aneli la ku funga hi lona leli nga ka voko la mina la xinene, a ni ta ku susa kolanu!
25 Ni ta ku nyikela ka lava lavaka ku ku dlaya, ka lava u va chavaka, ka Hosi Nebukadinazara* wa le Babilona ni ka Vakalidiya.+
26 Ni ta ku txukumeta ka tiko leli u kalaka u nga psaliwanga ka lona wena ni mamani wa wena lweyi a nga ku psala funtshi mi ta fela koseniya.
27 A va nga ta tshuka va tlhela ka tiko leli va li navelaka.+
28 Kasi wanuna lweyi Koniya o va mbita ya ku fayeka leyi nyenyiwaka,Xibya lexi kalaka xi nga laviwi hi munhu?
Hi mhaka muni yena ni vatukulu va yena va txukumetiwa hansi,Va txukumetiwa ka tiko leli va kalaka va nga li tivi?’+
29 Wena misava,* misava, misava, twana rito la Yehovha.
30 Yehovha a li:
‘Swi tsaleni hansi swaku wanuna lweyi a nga na n’wana,Swaku i munhu lweyi swilo swi nga ta kala swi nga mu fambeli kahle wutomi la yena hinkwalu,Hikusa a nga kona ka vatukulu va yena lweyi a nga ta kotaKu tshama ka xitshamu xa wuhosi xa Davhida ni ku tlhela a fuma aYuda.’”+
Tinhlamunselu ta le hansi
^ Hi Xiheberu: “papayi”.
^ Kumbe: “tin’qolo; makalichi”.
^ Vito la yena lin’wani i Yehowazi.
^ Kumbe: “makwerhu wa xisati.”
^ Kumbe: “a velekaka.”
^ Vito la yena lin’wani i Yoyakini na Yekoniya.
^ Hi Xiheberu: “Nebukadretsara”. Ku nga matsalelo ya ku hambana.
^ Kumbe: “tiko”.