Yeremiya 25:1-38
25 Hi lembe la wu 4 la ku fuma ka Yoyakimi+ n’wana wa Yosiya hosi ya le Yuda, ku nga lembe la ku sungula la Nebukadinazara* hosi ya le Babilona, Yeremiya a yamukele rito hi ta vanhu hinkwavu va le Yuda.
2 Muprofeta Yeremiya a vule leswi hi ta* vanhu hinkwavu va le Yuda ni hinkwavu lava tshamaka Yerusalema:
3 “Ku sukela hi lembe la wu 13 la ku fuma ka Yosiya+ n’wana wa Amoni, hosi ya Yuda, ku ta fikela namuntlha, ka 23 wa malembe hinkwawu lawa, Yehovha a vulavule na mina naswona a ni tshamela ku vulavula na n’wina hi ku phindhaphindha* kambe a mi ni yingisanga.+
4 Kutani Yehovha a rhumele vatirheli va yena hinkwavu lava nga vaprofeta ka n’wina, a va rhume hi ku phindhaphindha,* kambe a mi yingisanga kumbe ku pfula tindleve ta n’wina swaku mi yingisa.+
5 Vona a va ku: ‘Ha mi kombela, mun’wani ni mun’wani wa n’wina a a tisoli ka tindlela ta yena ta ku biha ni ka mintirho ya yena ya ku biha;+ kutani mi ta tama mi tshama nkama wa ku leha ka tiko leli Yehovha a nga li nyika n’wina ni vavhovho va n’wina khale swinene.
6 Mi nga landzeli swikwembu swin’wani mi swi tirhela ni ku swi khizamela, mi ni kwatisa hi swifaniso leswi mi nga swi yendla; loko mo yendla leswo ni ta mi tisela khombo.’
7 “‘Kambe a mi ni yingisanga,’ ku vula Yehovha. ‘Mi ni kwatisile hi swifaniso leswi mi nga swi yendla, mi tivangela khombo.’+
8 “Kutani Yehovha murhangeli wa tintsumi a li: ‘“Leswi mi kalaka mi nga ma yingisanga marito ya mina,
9 ni ta vitana matiko hinkwawu ya le norte,”*+ ku vula Yehovha, “ni ta vitana na Nebukadinazara* hosi ya Babilona mutirheli wa mina,+ naswona ni ta va tisa swaku va lwa ni tiko leli+ ni lava tshamaka ka tiko leli ni matiko hinkwawu lama nga kusuhi na lona.+ Ni ta mi helisa n’wina ni matiko lawa naswona ni ta yendla swaku mi va nchumu xa ku chavisa ni lexi beliwaka noti naswona mi ta tshama na mi hahlukile.*
10 Ni ta helisa ku huwelela ka vona ka ku tsaka,+ rito la lweyi a tekaka* ni la lweyi a tekiwaka,*+ guwa la ribye la ku sila ni ku vonakala ka xa ku voninga hi xona.
11 Tiko leli hinkwalu li ta va ndhawu ya ku hahlukela ni nchumu xa ku chavisa funtshi matiko lawa ma ta tirhela hosi ya Babilona 70 wa malembe.”’+
12 “‘Kambe loko ku hela 70 wa malembe+ ni ta khatisa hosi ya le Babilona ni tiko lolelo hi mhaka ya xihoxo xa vona,’+ ku vula Yehovha, ‘ni ta yendla swaku tiko la Vakalidiya li tshama na li li ndhawu ya ku hahlukela.+
13 Ka tiko lolelo ni ta hetisisa marito ya mina hinkwawu lawa ni nga ma vula swaku ni lwisana na lona, hinkwaswu leswi nga tsaliwa ka buku leyi leswi Yeremiya a nga swi profeta ku lwisana ni matiko hinkwawu.
14 Hikusa matiko ya manyingi ni tihosi tatikulu+ ti ta va yendla swikarawa,+ funtshi ni ta va hakela hi ku ya hi leswi va nga swi yendla ni mintirho ya mavoko ya vona.’”+
15 Yehovha Xikwembu xa Israyele a ni byele a ku: “Teka kopo leyi ya vhinyu ya ku kwata leyi nga ka voko la mina, u ya phuzisa matiko hinkwawu lawa ni ku rhumaka ka wona.
16 Ma ta phuza ma gama ma dederekela, ma yendla swilo ku fana ni vanhu va ku hlanya hi mhaka ya xipada lexi ni xi rhumelaka ka wona.”+
17 Se ni teka kopo leyi a yi li ka voko la Yehovha ni gama ni phuzisa matiko hinkwawu lawa Yehovha a nga ni rhuma ka wona:+
18 Ku sungule hi Yerusalema ni madoropa ya Yuda,+ tihosi ta yena ni lava a nga va veka swaku va va varhangeli, swi yendliwa ndhawu ya ku hahlukela, nchumu xa ku chavisa, nchumu lexi beliwaka noti ni xirhuku,+ ku nga leswi ku nga tshamisa swona namuntlha;
19 ku landzela Faru hosi ya Gibita ni vatirhi va yena, varhangeli lava a nga va veka ni vanhu va yena hinkwavu,+
20 ni lava taka hi ka matiko man’wani lava tshamaka xikarhi ka vona; tihosi hinkwatu ta tiko la Uza; tihosi hinkwatu ta tiko la Vafilista,+ ku nga Axikeloni,+ Gaza, Ekroni ni lava nga sala va le Axidodi;
21 Edomu,+ Mowabu+ ni Vaamoni;+
22 tihosi hinkwatu ta Tiru, tihosi hinkwatu ta Sidoni+ ni tihosi ta xihlala* xa le lwandle;
23 Dedani,+ Tema, Buza ni vanhu hinkwavu lava nga tsemeta misisi ya le matlhelweni ka ximombo;+
24 tihosi hinkwatu ta Vaarabiya+ ni tihosi hinkwatu ta vanhu lava taka hi ka matiko man’wani lava tshamaka mananga;
25 tihosi hinkwatu ta Zimiri, tihosi hinkwatu ta Elamu+ ni tihosi hinkwatu ta Vameda;+
26 ni tihosi hinkwatu ta le norte leti nga kusuhi ni leti nga kule, hi ku landzelelana ka tona, ni mimfumu leyin’wani hinkwayu ya misava; ni hosi ya Xexaka*+ na yona yi ta phuza loko lavan’wani se va gamile.
27 “U fanele u va byela u ku: ‘Yehovha murhangeli wa tintsumi, Xikwembu xa Israyele, a li: “Phuzani mi za mi dakwa mi tlhela mi hlanta, mi wa mi tsandzeka ni ku pfuka+ hi mhaka ya xipada lexi ni xi rhumelaka xikarhi ka n’wina.”’
28 Loko va yala ku teka kopo ka voko la wena swaku va phuza, va byele u ku: ‘Yehovha murhangeli wa tintsumi a li: “Mi fanele mi phuza!
29 Hikusa leswi ni tisaka khombo ku sungula ka doropa leli vitaniwaka hi vito la mina,+ indjhe mi ta tshikiwa mi nga khatisiwi?”’+
“‘A mi nga ta tshikiwa mi nga khatisiwi, hikusa hinkwavu lava tshamaka misaveni ni ta va vitanela xipada,’ ku vula Yehovha murhangeli wa tintsumi.
30 “U ta va profetela marito lawa hinkwawu u va byela u ku:‘Yehovha a ta bonga na a li henhla,A ta yendla swaku rito la yena li twiwa na a li ka ndhawu ya yena leyi a tshamaka ka yona ya ku kwetsima.
A ta bonga swinene a bongela ndhawu ya yena ya ku tshama ka yona.
A huwelela ku fana ni lava psanyetelaka mawuvha ka lexi va kamelaka ka xona,A ta yimbelela hi ndlela ya ku hlula ka hinkwavu lava tshamaka misaveni.’
31 ‘Ku ta twala guwa lalikulu leli fikaka ni magamu ka misava,Hikusa Yehovha a ni timhaka ni matiko.
A ta yavanyisa vanhu hinkwavu hi yexe.+
A ta nyikela lava ku biha swaku va dlayiwa hi xipada,’ ku vula Yehovha.
32 Yehovha murhangeli wa tintsumi a li:
‘Khombo li sukela ka tiko lin’wani li ya ka tiko lin’wani,+Ku ta va ni xidzedze xaxikulu ku sukela ka tindhawu ta le kule ta misava.+
33 “‘Lava nga dlayiwa hi Yehovha hi siku lolelo va ta sukela ka magamu man’wani ya misava anze ka magamu man’wani ya misava. A va nga ta riliwa hambi ku hlengeletiwa kumbe ku lahliwa. Va ta fana ni xitrumi ahenhla ka misava.’
34 Rilani n’wina varisi, mi huwelela!
Wumbulukelani hansi n’wina madoda ya ntlhambi,Hikusa nkama wa ku dlayiwa ka n’wina ni wa ku hangalasiwa ka n’wina wu fikile,Mi ta wa ku fana ni xibya xa lisima!
35 Varisi a va na ndhawu ya ku baleka va ya ka yona,Ni madoda ya ntlhambi a ma nge baleki.
36 Yingisani ku rila ka varisiNi ku rila ka madoda ya ntlhambi,Hikusa Yehovha a helisa tindhawu leti a va risela ka tona.
37 A ka ha hanyi nchumu ka tindhawu ta ku rhula ta ku tshama ka tonaHi mhaka ya ku kwata kakukulu ka Yehovha.
38 A siye ndhawu ya yena ya ku tshama ka yona ku fana ni xinghonyamani,+Hikusa tiko la vona li txintxe li va ndhawu ya ku chavisaHi mhaka ya xipada xa monaNi hi mhaka ya ku kwata ka yena kakukulu.”
Tinhlamunselu ta le hansi
^ Hi Xiheberu: “Nebukadretsara”. Ku nga matsalelo ya ku hambana.
^ Kumbe: “ka vanhu”.
^ Hi Xiheberu: “pfuka nimpundzu ni vulavula”.
^ Hi Xiheberu: “pfuke nimpundzu ni va rhuma”.
^ Kumbe: “n’walungu”.
^ Kumbe: “na mi li rhumbi.”
^ Hi Xiheberu: “Nebukadretsara”. Ku nga matsalelo ya ku hambana.
^ Kumbe: “noivhu”.
^ Kumbe: “noivha”.
^ Ku nga ilha.
^ Swi tikomba ku li vito lin’wani la Babele (Babilona).
