Yeremiya 3:1-25
3 Vanhu va vutisa va ku: “Loko munhu o hlongola nsati wa yena, a gama wansati lweyi a ya va wa nuna mun’wani, indjhe wanuna lweyi a nga mu hlongola a nga pfumela swaku a tlhela ka yena?”
Indjhe tiko leli a li chakisiwanga hi ku helela?+
“Wena Israyele u yendle wunghwavani ni vanghanu va wena va vanyingi,+Se swoswi u lava ku tlhelela ka mina?” ku vula mina Yehovha.
2 “Tlakusa matihlo ya wena u txuvuka maganga.
Hi kwini lomu u kalaka u nga pfinyiwanga kona?
A wu va nyimela matlhelweni ka tindlela,Ku fana ni munhu lweyi a tshamelaka ku rhurha* amananga.
U tshamela ku chakisa tiko leliHi wunghwavani la wena ni swilo swa ku biha leswi u swi yendlaka.+
3 Hi leswo swi nga yendla swaku mpfula yi pfaliwa yi nga ni,+A ku nanga mpfula hi nkama wa ku sungula ku hisa.
A wu chavi ku fana ni wansati lweyi a yendlaka wunghwavani;Funtshi a wu na tingana.+
4 Kambe swoswi u huwelela ka mina u ku:‘Papayi, wena u munghanu wa mina ku sukela na na ha li jovhem!+
5 U lava ku tshama na u hi kwatelile minkama hinkwayu,U tlhela u hi vekela swiviti?’
Hi swoleswo u hlayaka swona,Kambe u tshamela ku yendla swilo swa ku biha leswi wena u swi kotaka.”+
6 Nkama a ku fuma Hosi Yosiya,+ Yehovha a vulavule na mina a ku: “‘U swi vonile leswi Israyele lweyi a kalaka a nga tshembekanga a nga swi yendla? A famba a yendla wunghwavani henhla ka tintshava hinkwatu ta ku leha ni hansi ka minsinya hinkwayu yayikulu.+
7 Hambiloko a yendle minchumu hinkwayu leyi, a ni tshamela ku mu byela swaku a a tlhelele ka mina+ kambe a nga tlhelanga; funtshi Yuda a a tshamela ku vona leswi yendliwaka hi makwavu wa yena wa xisati lweyi a kanganyisaka.+
8 Nkama ni nga vona leswo, ni hlongole Israyele lweyi wa ku kala a nga tshembeki, ni mu nyika papela la ku tima muchadu*+ hi mhaka ya leswi a nga mbuyeta.+ Kambe Yuda makwavu wa yena wa xisati, lweyi a kanganyisaka a nga chavanga; na yena a fambe a ya yendla wunghwavani.+
9 A vone ingaku wunghwavani la yena a li nga li la nchumu, funtshi a chakise tiko a tlhela a tama a mbuyeta ni maribye ni minsinya.+
10 Hambileswi ku nga yendleka swilo leswi hinkwaswu, Yuda makwavu wa yena wa xisati lweyi a kanganyisaka a nga tlhelanga ka mina hi mbilu hinkwayu kambe a yendle ingaku o tlhelela ka mina,’ ku vula mina Yehovha.”
11 Se Yehovha a ni byela a ku: “Israyele lweyi a kalaka a nga tshembeki a tikombe na a lulamile ku tlula Yuda lweyi a kanganyisaka.+
12 Famba u ya hlaya leswi ni ku byelaka swona anorte,*+ u ku:
“‘“Vuya, wena Israyele wa ku kala u nga yingisi,” ku vula mina Yehovha.’+ ‘“A ni nga ta ku kwatela,+ hikusa na tshembeka,” ku vula mina Yehovha.’ ‘“A ni nga ta tshama na ni ku vekele xiviti nkama hinkwawu.
13 Pfumela xidjoho xa wena hikusa u ni djikelile mina Yehovha Xikwembu xa wena. A wu yingisanga leswi ni nga swi hlaya, funtshi u tame u yendla wunghwavani ni swikwembu swa matiko man’wani hansi ka minsinya hinkwayu yayikulu,” ku vula mina Yehovha.’”
14 “Vuyani, n’wina vana va ku kala va nga yingisi,” ku hlaya mina Yehovha. “Hikusa hi mina n’winyi* wa n’wina wa ntiyiso; ni ta langa mun’we ka doropa lin’wani ni lin’wani ni vambirhi ka ndjangu wun’wani ni wun’wani funtshi ni ta mi tisa aSiyoni.+
15 Ni ta mi nyika varisi lava tsakisaka mbilu+ ya mina funtshi va ta mi wundla hi wutivi ni ku twisisa.
16 Ka masiku wolawo mi ta va ni vana naswona mi ta va vanyingi atikweni,” ku hlaya mina Yehovha.+ “A mi nga ha ta vula mi ku: ‘Areka ya ntwananu wa Yehovha!’ A mi nga ha ta pimisa hi yona kumbe ku yi khumbuka hambi ku yi xuva naswona a yi nga ha ta tlhela yi yendliwa.
17 Ka nkama wolowo vanhu va ta vitana Yerusalema va ku i xitshamu xa wuhosi xa Yehovha;+ matiko hinkwawu ma ta hlengeletiwa swaku ma dzunisa vito la mina Yehovha aYerusalema+ naswona a va nge he tlheli va va ni nkanu va yingisa timbilu ta vona leti lavaka ku yendla swa ku biha.”
18 “Ka masiku wolawo vanhu va Yuda ni va Israyele+ va ta famba xikan’we, hinkwavu va ta suka ka tiko la norte va ya ka tiko leli ni nga li nyika vavhovho va vona swaku li va tshomba la vona.+
19 A ni ku: ‘Ni ku veke xikarhi ka vana va mina, ni ku nyika tiko la ku saseka, tshomba la ku saseka hintamu xikarhi ka matiko!’*+ Funtshi a ni pimisa swaku u ta ni vitana u ku: ‘Papayi!’ Ni swaku a wu nge tshiki ku ni landzela.
20 ‘Kambe ku fana ni wansati lweyi a kanganyisaka nuna* wa yena swaku a mu tshika, na n’wina Vayisrayele mi ni kanganyisile,’+ ku hlaya mina Yehovha.”
21 Ku twakale guwa henhla ka maganga,Na Vayisrayele va rila va kombela ku pfuniwa,Hikusa va wonhe ndlela ya vona;Va khohlwe Yehovha Xikwembu xa vona.+
22 “Vuyani n’wina vana lava kalaka va nga yingisi.
Ni ta mi hanyisa naswona a mi nga ha ta va vanhu va ku kala va nga yingisi.”+
“Mi ta ku: Hi hina lava! Hi te ka wena,Hikusa wena Yehovha, u Xikwembu xa hina.+
23 A ho tikanganyisa nkama a hi vanga guwa ka maganga ni ka tintshava.+
Hikusa ku ponisiwa ka hina Vayisrayele ku le ka wena Yehovha Xikwembu xa hina.+
24 Ku sukela na ha ha li majovhem, xikwembu xa ku danisa xi teke hinkwaswu leswi vavhovho va hina va nga swi tirhela hi matimba,+Xi dle mintlhambi ya vona ya tinyempfu ni tihomu,Ni vana va vona va madjaha ni va tintombhi.
25 A hi yetleleni hansi hi mhaka ya leswi hi nga danisiwa,Tingana ta hina a ti hi mbhonye,Hikusa hina ni vapapayi va hina hi djohele Yehovha Xikwembu xa hina,+Ku sukela na ha ha li majovhem anze namuntlha,+A hi mu yingisanga Yehovha Xikwembu xa hina.”
Tinhlamunselu ta le hansi
^ Hi Xiheberu: “Muarabiya”.
^ Kumbe: “papela la divhorsiyu”.
^ Kumbe: “n’walungu”.
^ Kumbexana: “nuna wa n’wina”.
^ Hi Xiheberu: “ka masonchwa ya matiko.”
^ Hi Xiheberu: “munghanu”.
