Yeremiya 30:1-24
-
Switshembiso swa ku vuyisiwa ni ku dahiwa (1-24)
30 Lawa i marito lawa Yeremiya a nga byeliwa wona hi Yehovha:
2 “Yehovha Xikwembu xa Israyele a li: ‘Ma tsale ka buku marito hinkwawu lawa ni ku byelaka wona.
3 Hikusa “masiku ma ta,” ku vula Yehovha, “lawa ni nga ta hlengeleta vanhu va mina lava nga le wukaraweni, ku nga Vayisrayele ni Vayuda”+ ku vula Yehovha, “ni ta va tlhelisela ka tiko leli ni nga li nyika vavhovho va vona kutani li ta tlhela li va la vona.”’”+
4 Lawa i marito lawa Yehovha a nga ma byela Israyele na Yuda.
5 Yehovha a li:
“Ku twala guwa la vanhu lava rhurhumelaka;Ka chaviwa, a ku na ku rhula.
6 Ni kombela mi vutisa, loko swi ku wanuna a nga swi kota ku psala.
Kutani hi mhaka muni ni vona vavanuna hinkwavu lava nga tiya na va tikhoma khwirhi*Ku fana ni wansati lweyi a psalaka?*+
Hi mhaka muni tinghohe* ta vona hinkwatu ti nkwalalile?
7 Yoo! Hikusa siku lolelo la chavisa.*+
A li kona la ku fana na lona,I nkama wa mahlomulu ka Yakobe.
Kambe a ta ponisiwa ka wona.”
8 “Se hi siku lolelo,” ku vula Yehovha murhangeli wa tintsumi, “ni ta tshova kange* ka nhamu ya wena ni magoda ya wena ni ta ma tsemelela hi le xikarhi; funtshi vanhu va matiko man’wani a va nge he mu* yendli xikarawa xa vona.
9 Va ta tirhela Yehovha Xikwembu xa vona na Davhida hosi ya vona, lweyi ni nga ta va vekela yena.”+
10 “Wena mutirheli wa mina Yakobe u nga chavi,” ku vula Yehovha,“U nga chavi wena Israyele.+
Hikusa ni ta ku ponisa ku sukela kuleNi ta ponisa ni vatukulu va wena ka tiko leli va nga swikarawa ka lona.+
Yakobe a ta tlhela hi ku rhula funtshi a nge he karhatiwi hi nchumu,A va nge chavisiwi hi munhu.”+
11 “Hikusa ni na wena,” ku vula Yehovha, “leswaku ni ku ponisa.
Kambe ni ta helisa matiko hinkwawu lawa ni nga ku hangalasela xikarhi ka wona;+Kasi wena a ni nge ku helisi.+
Ni ta ku laya* hi mpimu lowu wu ku fanelaka,A ni nge ku tshiki ni nga ku khatisi.”+
12 Hikusa Yehovha a li:
“Ku tshoveka ka wena a ku daheki.+
Ni xilondza xa wena a xi daheki.
13 A ku na munhu lweyi a nga ta nyimelela mhaka ya wena,A ku na ndlela ya ku holisa xilondza xa wena.
A ku na murhi wa ku ku hanyisa.
14 Hinkwavu lava a wu rhandzana na vona va ku khohlwile.+
A va ha ku lavi.
Hikusa ni ku be hi nhonga ya nala,+Ni ku laye ku fana ni munhu wa mona,Hi mhaka ya xihoxo xa wena xaxikulu ni swidjoho swa wena swa swinyingi.+
15 Hi mhaka muni u rila hileswi u nga tshoveka?
Ku vava ka wena a ku heli!
Ni ku yendle leswiHi mhaka ya xihoxo xa wena xaxikulu ni swidjoho swa wena swa swinyingi.+
16 Kambe hinkwavu lava ku helisaka va ta helisiwa,+Kasi valala va wena hinkwavu na vona va ta yisiwa wukaraweni.+
Lava nga ku tekela swa wena na vona va ta tekeliwa swa vona,Ni ta nyikela hinkwavu lava ku yivelaka swaku na vona va yiveliwa.”+
17 “Kambe ni ta ku hanyisa, ni ta swi daha swilondza swa wena,”+ ku vula Yehovha,“Hambileswi va ku vitanaka wa ku tshikiwa va ku:
‘Lweyi i Siyoni lweyi a kalaka a nga laviwi hi munhu.’”+
18 Yehovha a li:
“Ni ta hlengeleta vatukulu va Yakobe lava nga wukaraweni,+Ni ta va ni timpsalu ka tindhawu ta yena ta ku tshama ka tona.
Doropa li ta tlhela li yakiwa henhla ka ganga la yena,+A prediyu* li ta yakiwa lani a li yakiwe kona.
19 Va ta yimbelela tinsimu ta ku khensa naswona ku ta twala guwa la ku hleka.+
Ni ta va yendla va va vanyingi, a va nga ta va vatsongo;+Ni ta yendla leswaku va tala,*Numeru ya vona a yi nga ta va yitsongo.+
20 Vana va yena va ta kateka ku fana ni khale,Ni ta yendla swaku va va vanhu lava nga ni ntamu phambheni ka mina.+
Ni ta khatisa hinkwavu lava mu hluphaka.+
21 Lweyi a rhangelaka a ta huma hi ka vona,Lweyi a nga ta va fuma a ta huma xikarhi ka vona.
Ni ta mu tshineta kusuhi na mina funtshi a ta tshinela.”
“Hikusa loko ku nga li leswo, i mani lweyi a nga kanyaka mbilu a tshinela ka mina?” ku vula Yehovha.
22 “Mi ta va vanhu va mina+ kutani mina ni ta va Xikwembu xa n’wina.”+
23 Phela xidzedze xa Yehovha xi ta ba na xi kwatile,+Ku ta va xidzedze xa matimba lexi nga ta bela tinhlokweni ta lava yendlaka swa ku biha.
24 Yehovha a nga ta tshika ku kwata hintamuAnze a hetisisa leswi a lavaka ku swi yendla.+
Leswi mi ta swi twisisa ka masiku ya wugamu.+
Tinhlamunselu ta le hansi
^ Kumbe: “masenge”.
^ Kumbe: “velekaka.”
^ Kumbe: “makara ya”.
^ Hi Xiheberu: “i likulu.”
^ Kumbe: “djoko; jugo”.
^ Kumbe: “va”.
^ Kumbe: “lulamisa”.
^ Kumbe: “xihondzo; xitezi”.
^ Kumbexana: “hloniphiwa”.
