Yeremiya 4:1-31
4 “Loko wo vuya, wena Israyele,” ku vula Yehovha,“Loko wo tlhelela ka minaLoko wo susa swikwembu swa wena swa ku nyenyentsa phambheni ka mina,A wu nge he hanyi hi ku baleka.+
2 Loko wo funga hi ntiyiso, hi ku lulama ni hi ku tshembeka u ku:‘Leswi Yehovha a hanyaka!’Matiko ma ta katekisiwa hi yena,Ma tlhela ma tibuma hi yena.”+
3 Hikusa Yehovha a byela vanhu va Yuda ni va Yerusalema a ku:
“Rimani misava leyi rimekaka,Mi nga tshameli ku byala xikarhi ka mimintwa.+
4 Tibasiseni* ka mina Yehovha,Mi basisa* timbilu ta n’wina,+N’wina vanhu va Yuda ni lava tshamaka aYerusalema,Swaku ku kwata ka mina ku nga pfurhi ku fana ni ndzilu,Ku hisa ku za ku pfumaleka ni munhu wa ku ku timela,Hi mhaka ya swilo swa ku biha leswi mi swi yendlaka.”+
5 Swi vuleni aYuda, mi swi vula ni le Yerusalema.
Huwelelani mi chaya limhondzo ka tiko hinkwalu.+
Huwelelani hintamu mi ku: “Hlengeletanani,A hi balekeni hi ya ka madoropa lawa ma nga ni mimuru ya ku tiya.+
6 Nyimisani mhandzi swaku yi kombisa ndlela ya ku ya Siyoni.
Lavani ndhawu ya ku tumbela ka yona naswona mi nga nyimi mi ku whii,”
Hikusa ni ta tisa khombo lalikulu hi ka tlhelo la norte.*+
7 Ku fana ni nghonyama leyi humaka hi ka khwati la yona;+Lweyi a helisaka matiko a humile.+
A humile ka ndhawu ya yena swaku a ta yendla tiko la n’wina li va nchumu xa ku chavisa.
Madoropa ya n’wina ma ta wonheteliwa,* a ku nge he tshami munhu.+
8 Yambalani mpahla ya masaka,+Rilani mi huwelela,Hikusa ku kwata kakukulu ka Yehovha a ku sukanga ka hina.
9 “Hi siku lolelo, a hosi yi ta chava,” ku vula Yehovha,+“Ni varhangeli va ta chava;Hambi vaprista va ta chava hintamu ni vaprofeta va ta hlamala.”+
10 Se ni ku: “Wena Yehovha Hosi Leyikulu! Phela u va xengile hintamu vanhu lava+ ni vanhu va Yerusalema u ku: ‘Mi ta va ni ku rhula,’+ kasi xipada xi le ka minkolo ya hina.”
11 Hi nkama wolowo vanhu va Yuda ni va Yerusalema va ta byeliwa leswi:
“Moya wa ku hisa lowu taka hi ka maganga lama nga manangaWu ta hisa vanhu* va mina;A wu teli ku phephera kumbe ku basisa.
12 Ni ta byela moya wa matimba swaku wu huma ka tindhawu leti.
Swoswi ni ta mi yavanyisa n’wina vanhu va mina.
13 Nala a ta ta ku fana ni marhefu ya mpfula,Tinyolo* ta yena ta nyimpi ti fana ni xidzedze.+
Makavhalu ya yena ma tsutsuma hintamu ku tlula magama.*+
Khombo ka hina hikusa hi helisiwile!
14 Wena Yerusalema, hlampsa mbilu ya wena u susa swa ku biha leswi nga ka yona swaku u ta ponisiwa.+
Kasi u ta tshamela ku pimisa swa ku biha anze siku muni?
15 Hikusa ku twakala rito leli vulavulaka na li sukela Dani,+Li tivisa khombo na li li ka tintshava ta Efrayimi.
16 Byelani matiko mhaka leyi;Mi tlhela mi byela ni vanhu lava nga Yerusalema.”
“Vavoneleli* va ta ta hi ka tiko la le kule,Va ta huwelela swaku va lwa ni madoropa ya Yuda.
17 Va ta ta hi ka matlhelo hinkwawu ku fana ni vavoneleli va le nhoveni swaku va ta lwa na yena,+Hikusa a ni djikelile,”+ ku vula Yehovha.
18 “U ta hakela hi mhaka ya mahanyelo ya wena ni leswi u swi yendlaka.+
Khombo la wena la bava,Hikusa ku kala ku yingisa ka wena ku dzime timintsu ka mbilu ya wena!”
19 Ni vavisekile, ni vavisekile!
Ni twa ku vava hintamu ka mbilu ya mina.
Mbilu ya mina yi bela henhla hintamu.
A ni swi koti ku miyela,Hikusa ni twe limhondzo na li chayiwa,Ku twala guwa la nyimpi.*+
20 Ku vulavuliwe hi makhombo hi ku landzelelana,Hikusa tiko hinkwalu li helisiwile.
Matende ya mina ma helisiwile swa kola ni kola,Ni switarapu swa tende la mina swi helisiwile hi nkamanyana.+
21 Ni ta tshamela ku vona mhandzi ya ku kombisa ndlela ya ku ya Siyoni anze siku muni,Ni ku twa guwa la ku chayiwa ka limhondzo anze siku muni?+
22 Xikwembu xi te: “Hikusa vanhu va mina i swiphunta;+A va na mhaka na mina.
I vana va ku kala va nga tlharihanga, naswona a va twisisi.
Va tlharihile ka ku yendla swa ku biha,Kambe a va swi tivi ku yendla swaswinene.”
23 Ni vone tiko la vona, a li nga na nchumu, funtshi a li hohlokile.*+
Ni txuvuke matilweni naswona ku vonakala ka wona a ku nga ha li kona.+
24 Ni vone tintshava, na ti tsekatseka,Ni maganga na ma rhurhumela.+
25 Ni txuvukile, kambe a ku nga na munhu,Ni swinyanyani hinkwaswu a swi balekile.+
26 Ni vone nsimu leyi nga ni minsinya leyi psalaka mihandzu, na yi txintxile yi va mananga,Ni madoropa hinkwawu ya yona na ma diliziwile.+
I Yehovha a nga yendla leswo,Hi mhaka ya ku kwata ka yena.
27 Hikusa Yehovha a li: “Tiko hinkwalu li ta va li wonheteliwile,*+Kambe a ni nga ta li helisa hi ku helela.
28 Tiko li ta rila hi mhaka ya leswo,+Matilo ma ta txintxa ma va ya ntima.+
Hikusa ni vulile, naswona ni yendle xiboho,A ni nge txintxi leswi ni swi pimisaka* kumbe ni tlhelela ndzhaku ka leswi ni lavaka ku swi yendla.+
29 Hi mhaka ya guwa la lava fambisaka makavhalu ni lava txopaka mimpaxwa,*Tiko hinkwalu la baleka.+
Li nghena ka makhwati,Li tlhela li khwela ka maribye.+
Madoropa hinkwawu ma tshikiwile,Funtshi a ku na munhu lweyi a tshamaka ka wona.”
30 Leswi swoswi u nga hlaseliwa hi ndlela ya mona, u ta yendla yini?
A wu yambala mpahla ya ku pshuka,U tisasekisa hi minchumu ya woru,U tipenda matihlo hi pendi la ntima.
A wo tisasekisa mahala,+Hikusa lava va ku navelaka va ku tshikile;Swoswi va lava ku ku dlaya.+
31 Ni twe ku konya ka ku fana ni ka wansati lweyi a vabyaka,Ni ku rila ka ku fana ni ka wansati lweyi a ngo sungula ku psala* n’wana,Ni twe rito la doropa la Siyoni leli hefemutekaka li lava moya.
Li pfula mavoko ya lona na li vula leswi:+
“Khombo ka mina, hikusa ni karhalile hi mhaka ya vanhu lava dlayaka!”
Tinhlamunselu ta le hansi
^ Hi Xiheberu: “Hambani circuncisão”.
^ Hi Xiheberu: “Mi susa minsuvu ka”.
^ Kumbe: “n’walungu.”
^ Kumbe: “ma ta va marhumbi”.
^ Hi Xiheberu: “n’wana wa ntombhi wa vanhu va mina”. Swi nga yendleka ku li mavulavulelo ya ku kombisa ntwelawusiwana.
^ Kumbe: “Tin’qolo; Makalichi”.
^ Ku nga muxaka wa xinyanyani.
^ Ku nga lava tshamelaka ku vonelela doropa swaku va tiva nkama wa kahle wa ku li hlasela.
^ Kumbexana: “guwa la tinsimu ta nyimpi.”
^ Kumbe: “a ku li rhumbi.”
^ Kumbe: “li ta va rhumbi”.
^ Kumbe: “tisoli”.
^ Kumbe: “maflexa”.
^ Kumbe: “veleka”.
