Yeremiya 48:1-47
-
Wuprofeta leli vulavulaka hi Mowabu (1-47)
48 Ka Mowabu,+ Yehovha murhangeli wa tintsumi, Xikwembu xa Israyele a li:
“Khombo ka Nebo+ hikusa a helisiwile!
Kiriyatayimi+ a danisiwile, a khomiwa.
Ndhawu ya ku tumbela ka yona* leyi nga hlayiseka yi danisiwile yi tlhela yi diliziwa.+
2 A va ha mu dzunisi Mowabu.
Va mu yendlele maplanu* ya ku mu wisa aExiboni+ va ku:
‘Tanani, a hi mu heliseni a nga ha vi tiko.’
Na wena Madimeni, u fanele u miyela,Hikusa xipada xa ku landzelela.
3 Ku twala xirilo aOronayimi,+Xa ku helisiwa ni ku wa kakukulu.
4 Mowabu a helisiwile.
Vana va yena va rila.
5 Va rila na va khupuka hi ndlela leyi yaka Luhiti.
Kasi ka ndlela leyi ngirimelaka hi Oronayimi va twa vanhu na va rila hi mhaka ya khombo.+
6 Balekani mi ponisa wutomi la n’wina!
Mi fanele mi fana ni nsinya wa yunipa amananga.
7 Leswi mi tshembaka mintirho ya n’wina ni xuma xa n’wina,Na n’wina mi ta khomiwa.
Kemoxi+ a ta ya awukaraweni,Ku patsa ni vaprista ni varhangeli va yena.
8 Lweyi a helisaka a ta nghena ka doropa lin’wani ni lin’wani,A li kona doropa leli nga ta pona.+
Nkova wu ta nyamalala,Tiko leli kalaka li nga na maganga li ta helisiwa, ku nga leswi Yehovha a nga swi hlaya.
9 Vekelani Mowabu xa ku markara hi xona,Hikusa loko a ta hohlotiwa* a ta gama a baleka,Madoropa ya yena ma ta va nchumu xa ku chavisa,A ku nge he tshami munhu.+
10 A a rhukiwi lweyi a yendlaka ntirho wa Yehovha na swi nga sukeli mbilwini!
A a rhukiwi lweyi a sivelaka xipada xa yena swaku xi nga dlayi!
11 Vamowabu a va karhatiwanga ku sukela na va ha li majovhem,Ku fana ni vhinyu leli nga tshamiseka kahle hansi ka xibya.*
A va chululiwanga ka swibya swin’wani,A va se tshama va yisiwa awukaraweni.
Hi leswo swi nga yendla ku nandziha ka vona ku nga txintxi,Ni ku nun’hwela ka vona a ku txintxanga.
12 “‘Kutani masiku ma ta,’ ku vula Yehovha, ‘lawa ni nga ta rhuma vanhu swaku va ya va halata. Va ta va halata va gungundza ni swibya swa vona funtshi va ta fayetela makhuwani ya vona.
13 Vamowabu va ta dana hi mhaka ya Kemoxi, ku fana ni leswi Vayisrayele va nga danisa swona hi mhaka ya leswi a va swi yendla aBetele leyi a va yi tshembile.+
14 Mi hlayisa ku yini mi ku: “Hi tinhenha ta matimba leti nga lunghekela nyimpi”?’+
15 ‘Mowabu a helisiwile,Madoropa ya yena ma hlaseliwile,+Madjaha ya vona lama nga ni matimba ma dlayiwile,’+
Ku vula Hosi, leyi vito la yona ku nga Yehovha murhangeli wa tintsumi.+
16 Khombo la Vamowabu li kusuhi ni ku fika,Ni ku wa ka vona ku le ku teni hi xihantla.+
17 Vavhizinyu va vona hinkwavu va ta va twela wusiwana,Ni hinkwavu lava tivaka vito la vona.
Va byeleni mi ku: ‘Vona ndlela leyi nhonga ya matimba yi nga tshoviwa hi yona, nhonga ya ku saseka!’
18 Xikani ka switshamu swa n’wina swa ku hlonipheka,Mi tshama hansi mi biwa hi torha,* n’wina lava tshamaka Diboni,*+Hikusa lweyi a helisaka wa le Mowabu a tile swaku a ta lwa na n’wina,Tindhawu ta n’wina leti nga ni mimuru ya ku tiya a ta ti hohlota.*+
19 Nyima tlhelweni ka ndlela u txuvuka, wena lweyi a tshamaka Arowa.+
Vutisa wanuna ni wansati lava balekaka u ku: ‘Ku yendleke yini?’
20 Mowabu a danisiwile naswona wa chava.
Rilani mi huwelela.
Vulani na mi li aArinoni+ swaku Mowabu a helisiwile.
21 “Ku yavanyisiwe tiko leli kalaka li nga na maganga,+ Oloni, Yahazi+ na Mefata;+
22 Diboni,+ Nebo+ na Beti-Diblatayimi;
23 Kiriyatayimi,+ Beti-Gamula na Beti-Meyoni;+
24 Keriyoti+ na Bozra; ni madoropa hinkwawu ya tiko la Mowabu, lawa ma nga kule ni lawa ma nga kusuhi.
25 ‘Matimba* ya Mowabu ma helisiwile;Voko la yena li tshoviwile,’ ku vula Yehovha.
26 ‘Mu dakwiseni,+ hikusa a tikulisile a lwa na Yehovha.+
Mowabu a puluvundza ka mahlanta ya yena,Naswona vanhu va mu hleka.
27 Kasi a wu nga mu hleki Israyele?+
Kasi a yo kumiwa xikarhi ka vayiviU zaka u hlakahla nhloko ni ku mu hlasela hi marito?
28 Siyani madoropa mi ya tshama ka ribye, n’wina lava tshamaka Mowabu,Mi fana ni tuva leli yakaka xisaka xa lona tlhelweni ka nkova.’”
29 “Hi twe hi ta ku tibyela ka Mowabu—phela a titlakusa ngopfu—Hi twe hi ta ku tibyela ka yena, ku titlakusa ka yena ni ku tikulisa ka mbilu ya yena.”+
30 “‘Na ku tiva ku kwata ka yena,’ ku vula Yehovha,‘Kambe leswi a swi hlayaka a swi nge humeleli.
A va nge yendli nchumu.
31 Hi leswo swi nga ta ni yendla ni rilela Mowabu,Ni ta huwelela hi mhaka ya MowabuNi rilela vavanuna va le Kiri-Erisi.+
32 Wena nsinya wa mawuvha wa Xibima+ ni ta ku rilela,Ku tlula leswi Yazeri+ a nga rilisiwa swona.
Tigadja ta wena ti navile ti tsemakanya ni lwandle.
Ti hundze lwandle ti ya fika Yazeri.
Lweyi a helisaka a fikile+A hlasela mihandzu ya wena ya malanga ni mawuvha ya wena lama nga tshoveliwa.
33 Ku tsaka ku susiwile ka nsimu ya mihandzuNi ka tiko la Mowabu.+
Ni yendle swaku vhinyu li nga ha li kona ka ndhawu leyi li kameliwaka ka yona.
A nga kona lweyi a nga ta li psanyetela na a huwelela hi ku tsaka.
Ku ta va ni ku huwelela ka ku rila.’”+
34 “‘Ka riliwa ku sukela aExiboni+ ku ya fika aElele.+
Va huwelela ku ya fika aYahazi,+Ku sukela aSowari ku ya fika aOronayimi,+ ni ku ya fika aEglati-Xelixiya.
Hambi mati ya Nimirimi ma ta psha.*+
35 Ni ta helisa lweyi a tisaka gandzelo ka ndhawu ya ku tlakukaNi lweyi a yendlelaka xikwembu xa yena magandzelo aMowabu,’ ku vula Yehovha.
36 ‘Hi leswo swi yendlaka mbilu ya mina yi konya hi mhaka ya Mowabu ku fana ni xitiringo,*+Mbilu ya mina yi ta konya hi mhaka ya vanhu va le Kiri-Erisi ku fana ni xitiringo.
Hikusa tshomba leli va nga li kuma li ta nyamalala.
37 Hikusa tinhloko hinkwatu ti ni mpandlha,+Ni malepfu hinkwawu ma tsemetiwile.
Mavoko hinkwawu ma ni mimarka ya ku tsemeleliwa,+Funtshi va tibohe masaka ka masenge!’”+
38 “‘Ka riliwa,Henhla ka tiyindlo hinkwatu ta MowabuNi le ka tindhawu ta yena hinkwatu leti nga xikarhi ka doropa.
Hikusa ni faye MowabuKu fana ni khuwani leli kalaka li nga ha laviwi,’ ku vula Yehovha.
39 ‘Vonani leswi a chavisaka swona! Rilani!
Vonani leswi Mowabu a nga balekisa swona na a danile!
Mowabu wa poyileliwa,A chavisa vavhizinyu va yena hinkwavu.’”
40 “Hikusa Yehovha a li:
‘Ku fana ni gama* leli hahaka ngopfu li sukela henhla li ya hansi,+A ta pfula timpapa ta yena henhla ka Mowabu.+
41 Madoropa ma ta tekiwa,Ni tindhawu ta yena leti nga ni mimuru ya ku tiya ti ta tekiwa.
Hi siku lolelo mbilu ya tinhenha ta MowabuYi ta fana ni mbilu ya wansati lweyi a psalaka.’”*
42 “‘Mowabu a ta helisiwa a nga ha li na vanhu,+Hikusa a titlakusile a lwa na Yehovha.+
43 Ku chava, xikhele ni ntlhamu swi le phambheni ka wena,Wena u tshamaka Mowabu,’ ku vula Yehovha.
44 ‘Lweyi a balekaka khombo a ta wela ka xikhele,Kasi lweyi a humaka ka xikhele a ta phasiwa hi ntlhamu.’
‘Ni ta khatisa Mowabu hi lembe leli ni nga li langa,’ ku vula Yehovha.
45 ‘Lava balekaka va nyime ka ndzhuti wa Exiboni na va hele ntamu.
Hikusa ndzilu wu ta huma aExiboniNi langavi la ndzilu axikarhi ka Sihoni.+
Wu ta hisa ximombo xa MowabuNi nhloko* ya tinhenha leti nga ni nyimpi.’+
46 ‘Khombo ka wena Mowabu!
Vanhu va le Kemoxi+ va helisiwile.
Hikusa vana va wena va madjaha va yisiwe wukaraweni,Ni vana va wena va tintombhi va ye wukaraweni.+
47 Kambe ka masiku ya wugamu ni ta hlengeleta swikarawa swa Mowabu,’ ku vula Yehovha.
‘Rungula la ku yavanyisiwa ka Mowabu li gama kola.’”+
Tinhlamunselu ta le hansi
^ Kumbe: “Ndhawu ya ku tlakuka leyi nga hlayiseka”.
^ Kumbe: “makungu”.
^ Kumbe: “a ta va rhumbi”.
^ Ku nga xibya lexi tirhiseliwaka ku hamba vhinyu.
^ Kumbexana: “ka ndhawu ya ku woma”.
^ Hi Xiheberu: “ntombhi ya Diboni”.
^ Kumbe: “a ti yendla rhumbi.”
^ Hi Xiheberu: “Limhondzo”.
^ Kumbe: “khwa.”
^ Kumbe: “flawuta”. Ku nga xitiringo xa ku chaya lisimu loko ku fiwile.
^ Ku nga muxaka wa xinyanyani.
^ Kumbe: “velekaka.”
^ Kumbe: “xipalapala”.
