Yeremiya 5:1-31
5 Rhendzelekani ka switaratu swa Yerusalema.
Mi txuvukisisa kahle ka matlhelo hinkwawu.
Lavetelani axikarhi ka doropaLoko mi kuma munhu wa ku lulama,+Lweyi a rhandzaka ku tshembeka,Ni ta li rivalela doropa.
2 Hambiloko vo funga va ku: “Leswi Yehovha a hanyaka!”
Leswi va swi hlayaka swa ha ta tama swi li mavunhwa.+
3 Yehovha Xikwembu xa mina, kasi matihlo ya wena a ma laveteli vanhu va ku tshembeka?+
U va bile kambe a swi sizanga nchumu.
A ku sale katsongo swaku u va helisa kambe va yalile ku layiwa.+
Va womise tinhloko* ta vona ti tiya ku tlula maribye,+Va yalile ku txintxa.+
4 Kambe mina ni te: “Hikakunene vanhu lava i vanhu va xiyimu xa le hansi.
Va yendla wuphunta hikusa a va swi tivi leswi Yehovha a swi lavaka,*A va wu tivi nawu wa Xikwembu xa vona.
5 Ni ta ya ka vavanuna va ndhuma ni ya vulavula na vona,Hikusa va fanele va tiva leswi Yehovha a swi lavaka,*Va tiva ni minawu ya Xikwembu xa vona.+
Kambe hinkwavu a va yingisanga va tshove kange*Va tlhela va tsema ni magoda ya vona.”
6 Hi leswo swi nga yendla swaku nghonyama ya le khwatini yi va hlasela,Ni hlolwa* la le mananga li tshamela ku va hahlulela,Ni yingwe* yi tshama yi li kusuhi ni madoropa ya vona.
Hinkwavu lava humaka hi ka wona va phatluleliwa.
Hikusa swidjoho swa vona i swinyingi;Ni minchumu leyi va yi yendlaka leyi kombisaka swaku a va tshembeki i yinyingi.+
7 Ni nga mi rivalelisa ku yini ka leswi?
Vana va n’wina va ni tshikile,Va funga hi nchumu xa ku kala xi nga li Xikwembu.+
Hambileswi ni nga va nyika leswi va swi lavaka,Kambe va tame va mbuyeta,Va fambe na va li vanyingi va ya ka yindlo ya nghwavani.
8 Va fana ni makavhalu lawa ma swi navelaka hintamu ku famba masangu,Mun’wani ni mun’wani a navela nsati wa wanuna mun’wani.+
9 Yehovha a li: “A ni fanelanga ni lava swaku vona va tihlamulela ka mina hi mhaka ya swilo leswi?”
“A ni fanelanga ni hakelisa ka tiko leli yendlaka leswo?”+
10 “Tanani mi ta hlasela masimu ya vona ya mawuvha mi ma helisa,Kambe mi nga ma helisi hi ku helela.+
Tsemani tigadja ta minsinya ya vona tatitsongo,Hikusa a hi ta mina, mina Yehovha.
11 Vanhu va tiko la Israyele ni vanhu va tiko la YudaVa ni kanganyise ngopfu,” ku vula Yehovha.+
12 “Va ni tshikile mina Yehovha funtshi va tshamela ku hlaya va ku:‘A nge yendli nchumu.*+
A ku na khombo leli hi nga ta kumana na lona;A hi nge dlayiwi hi xipada kumbe hi ndlala.’+
13 Vaprofeta va vulavula swa ku kala swi nga sizi nchumu,A rito la Xikwembu a li kona ka vona.
Va ta helisiwa ku fana ni marito ya vona.”
14 Hi mhaka leyo Yehovha Xikwembu, murhangeli wa tintsumi a li:
“Leswi vanhu lava va vulaka leswi,Swoswi ni ta yendla swaku marito ya mina ma fana ni ndzilu ka nomo wa wena,+Vona va ta fana ni tihunyi,Se wu ta va helisa.”+
15 “Swoswi ni ta mi tisela vanhu va ku ta hi ka tiko la kule, n’wina Vayisrayele,”+ ku hlaya Yehovha.
“I vanhu va khale hintamu,
Lava nga ta tshama nkama wa wunyingi.Lirimi leli vona va li vulavulaka n’wina a mi li tiviFuntshi a mi nga ta li twisisa.+
16 Lexi va petaka ka xona mimpaxwa* xi fana ni sirha la ku pfuleka;Naswona hinkwavu i masonchwa ya nyimpi.
17 Va ta dla leswi nga tshoveliwa ka masimu ya n’wina ni pawu la n’wina.+
Va ta dlaya vana va n’wina va madjaha ni va tintombhi.
Va ta dla tinyempfu ni tihomu ta n’wina.
Va dla mihandzu ya n’wina ya mawuvha ni ya makuwa.
Va ta helisa madoropa ya n’wina lawa ma nga ni mimuru ya ku tiya ni lawa mi ma tshembaka hi xipada.”
18 Yehovha a li: “Ka masiku wolawo a ni nga ta mi helisa hi ku helela.+
19 Loko va vutisa va ku: ‘Hi mhaka muni Yehovha Xikwembu xa hina a hi yendle leswi?’ U fanele u hlamula u ku: ‘Leswi mi nga ni tshika mi ya tirhela xikwembu xin’wani ka tiko la n’wina, se mi ta tirhela vanhu van’wani ka tiko lin’wani.’”+
20 Byela vatukulu va Yakobe,Ni vanhu va Yuda, u ku:
21 “Twanani leswi n’wina swiphunta:*+
Mi ni matihlo kambe a mi voni;+Mi ni tindleve kambe a mi twi.+
22 Yehovha a li: ‘A mi ni chavi ke?’‘A mi fanelanga mi rhurhumela phambheni ka mina hi ku chava?
Phela hi mina ni nga veka misava lani lwandle li gamelaka kona,Hi mina ni nga li vekela nawu hi nkama wa ku kala wu nga heli swaku a li fanelanga li hundza lani li gamelaka kona.
Hambiloko magandlati ya lona ma ya hala ni hala, a ma nge yendli nchumu;Hambiloko ma kwata, a ma nge hundzi lani li fanelaka li gamela kona.+
23 Kambe vanhu lava va ni nkanu ka timbilu ta vona funtshi a va yingisi;Va ni tshikile va yendla leswi va swi lavaka.+
24 A va hlayi ka timbilu ta vona va ku:
“Swoswi a hi hlonipheni Yehovha Xikwembu xa hina,Lweyi a nisaka mpfula hi nkama wa kona,Mpfula ya nkama wa ku titimela ni mpfula ya nkama wa ku hisa,Lweyi a hi yendlaka hi tiyiseka swaku nkama wa ku tshovela wu ta fika.”+
25 Swidjoho swa n’wina swi pfalele minchumu leyi swaku yi nga ti;Naswona swidjoho swa n’wina swi mi tsonise minchumu yayinene.+
26 Hikusa ka vanhu va mina ku ni vanhu lava yendlaka swa ku biha.
Va tshamela ku txuvuka matlhelo hinkwawu, ku fana ni lava va phasaka swinyanyani loko va swi nyimela.
Va yendla ntlhamu lowu dlayaka.
Va phasa vanhu hi wona.
27 Ku fana ni gayola leli nga tala hi swinyanyani,Tiyindlo ta vona ti tale hi wukanganyisi.+
Hi leswo swi nga va yendla va va ni matimba va tlhela va ganya.
28 Va kulukile naswona xikhumba xa vona xa phatima;Swa ku biha leswi va swi yendlaka i swinyingi ngopfu.
A va mu nyimeleli n’wana lweyi a kalaka a nga na vapsali,*+Swaku swi ta va fambela kahle;Naswona a va xi yavanyisi kahle xisiwana.’”+
29 Yehovha a li: “A ni fanelanga ni lava swaku vona va tihlamulela ka mina hi mhaka ya swilo leswi?”
“A ni fanelanga ni hakelisa ka tiko leli yendlaka leswo?
30 Ka tiko leli ku yendleke nchumu xa ku chavisa ni lexi tsemaka nhlana:
31 Vaprofeta va profeta mavunhwa,+Vaprista va tirhisa matimba lawa va nga nyikiwa wona swaku va hlupha vanhu van’wani.
Naswona vanhu va mina va rhandza swoleswo.+
Kambe mi ta ku yini loko magamu ma fika?”
Tinhlamunselu ta le hansi
^ Hi Xiheberu: “kara”.
^ Hi Xiheberu: “ndlela”.
^ Kumbe: “djoko; jugo”.
^ Hi Xiheberu: “ndlela”.
^ Ku nga muxaka wa mbyana ya nhova.
^ Kumbe: “liyopardu”.
^ Kumbexana: “A nga kona.”
^ Kumbe: “maflexa”.
^ Hi Xiheberu: “n’wina swiphunta swa ku kala swi nga na mbilu.”
^ Kumbe: “papayi”.
