Yeremiya 51:1-64
51 Yehovha a li:
“Ni tisa moya lowu helisakaAhenhla ka Babilona+ ni le ka lava tshamaka le Leb-Kamayi.*
2 Ni ta rhumela vaphepheri aBabilona,Va ta mu phephera va tlhela va yendla swaku tiko la yena li sala li nga na nchumu;Va ta lwa na yena matlhelo hinkwawu hi siku la khombo.+
3 Lweyi a tirhisaka ligubu a nga li tirhisi.
Naswona ku nga vi ni lweyi a nyimaka na a yambale mpahla ya nyimpi leyi nga yendliwa hi swinsimbani.
Mi nga ma tweli wusiwana madjaha ya yena.+
Dlayani masonchwa ya yena hinkwawu.
4 Va ta dlayiwa ka tiko la Vakalidiya,Va tlhaviwa ka switaratu swa yena.+
5 Hikusa Israyele na Yuda a va tshikiwanga* hi Xikwembu xa vona ku nga Yehovha murhangeli wa tintsumi.+
Kambe tiko* la vona li tale hi nandzu hi ku ya hi mavonelo ya Mukwetsimi wa Israyele.
6 Balekani aBabilona,Mi ponisa wutomi la n’wina.+
Mi nga helisiwi hi mhaka ya xihoxo xa yena.
Hikusa i nkama wa Yehovha wa ku hakelisa.
A mu hakelisa hi ku ya hi leswi a nga swi yendla.+
7 Babilona a ve kopo ya woru ka voko la Yehovha;A dakwise misava hinkwayu.
Matiko ma dakwisiwe hi vhinyu la yena;+Hi leswo swi nga yendla ma dungeka tinhloko.+
8 Babilona a wile hi ku tsopeta ka tihlo, a tshoveka.+
Mu rileleni!+
Mu toteni balsamu lomu a twaka ku vava kona; kumbexana a nga hola.”
9 “Hi zamile ku mu daha Babilona kambe a nga holanga.
Mu tshikeni, a hi fambeni mun’wani ni mun’wani a tlhela ka tiko la yena.+
Hikusa ku yavanyisiwa ka yena ku fike matilweni;Ku tlakuke ku ya fika ka marhefu.+
10 Yehovha a hi kombe wululami.+
Tanani, a hi byeleni van’wani ntirho wa Yehovha Xikwembu xa hina aSiyoni.”+
11 “Lotani mimpaxwa;*+ mi teka swivhikelo swa redondu.
Yehovha a susumetele* tihosi ta Vameda swaku ti ya nyimpini,+Hikusa a lava ku helisa Babilona.
Hikusa lowu i nkama wa Yehovha wa ku hakelisa, a hakelisa hi mhaka ya tempele ya yena.
12 Nyimisani xa ku markara+ hi xona ka mimuru ya Babilona.
Lulamiselani gwardu, mi veka va ku vonelela.
Vekani vavanuna va tumbela swaku va hlasela.
Hikusa Yehovha a yendle planu,*Naswona a ta yendla leswi a nga swi tshembisa hi lava tshamaka Babilona.”+
13 “Wena wansati lweyi a tshamaka ka mati ya manyingi,+Lweyi a nga ni tshomba la linyingi,+Magamu ya wena ni ya ku bindzula ka wena ma fikile.+
14 Yehovha murhangeli wa tintsumi a fungile hi vito la yena a ku:‘Ni ta ku tata hi vanhu, va ta tala ku fana ni mintete,Va ta huwelela hi ku tsaka hi mhaka ya ku hluliwa ka wena.’+
15 I Muyendli wa misava, a yi yendle hi matimba ya yena,Lweyi a nga hamba misava ya ku nona hi wutlharhi la yena+Ni lweyi a nga yandlala matilo hi ku twisisa ka yena.+
16 Loko a vulavula,Mati ma dungeka matilweni,A yendla swaku marhefu ma suka misaveni ma ya henhla.
A yendla ku va ni ku hatima swaku ku na mpfula,A humesa moya lani a nga wu veka kona.+
17 Vanhu hinkwavu va yendle swilo na va nga zanga va pimisa funtshi na va nga na wutivi.
Munhu mun’wani ni mun’wani lweyi a tirhaka hi nsimbi a ta danisiwa hi mhaka ya swifaniso leswi a nga swi yendla;+Hikusa swifaniso swa yena swa nsimbi a hi swa ntiyiso,Naswona a swi hefemuli.*+
18 A swi pfuni nchumu,+ i ntirho lowu faneleke wu poyiliwa.
Loko siku la ku yavanyisiwa ka swona li fika, swi ta helisiwa.
19 Lweyi a nga Tshomba la Yakobe a nga fani ni swilo leswi,Hikusa hi yena Lweyi a nga yendla swilo hinkwaswu,Hambi ku li nhonga ya tshomba la yena.+
Vito la yena i Yehovha murhangeli wa tintsumi.”+
20 “Ka mina, u nhonga ya ku lwa hi yona, tlharhi la nyimpi,Ni ta tirhisa wena swaku ni fayetela matiko.
Ni ta tirhisa wena swaku ni helisa mimfumu.
21 Ni ta tirhisa wena swaku ni fayetela kavhalu ni lweyi a fambaka hi lona.
Ni ta tirhisa wena swaku ni fayetela nyolo* ya nyimpi ni lweyi a fambaka hi yona.
22 Ni ta tirhisa wena swaku ni fayetela wanuna ni wansati.
Ni ta tirhisa wena swaku ni fayetela lweyi a nga guga ni mufana.
Ni ta tirhisa wena swaku ni fayetela djaha ni ntombhi.
23 Ni ta tirhisa wena swaku ni fayetela mulusi ni ntlhambi wa yena.
Ni ta tirhisa wena swaku ni fayetela murimi ni swifuyu swa yena swa ku rima hi swona.
Ni ta tirhisa wena swaku ni fayetela vagovhernadori ni vapfunisi va vona.
24 Ni ta khatisa Babilona ni hinkwavu lava tshamaka aKalidiyaHi mhaka ya swa ku biha leswi va nga swi yendla aSiyoni na mi swi vona,”+ ku vula Yehovha.
25 “Ni lwa na wena+ ntshava leyi helisaka,” ku vula Yehovha,“Wena lweyi a helisaka misava hinkwayu.+
Ni ta tlakusa voko la mina ni lwa na wena, ni ta ku wumbuluta ku sukela ka maribye;Ni ta ku yendla ntshava leyi nga hisiwa.”
26 “Vanhu a va nga ta teka ribye la le ka ponta kumbe la masungulo ka wena,Hikusa u ta va tiko leli nga ta tshama na li hohlokelile,”*+ ku vula Yehovha.
27 “Nyimisani xa ku markara hi xona atikweni.+
Chayani limondzo xikarhi ka matiko.
Langani matiko lawa ma nga ta lwa na yena.
Mu vitaneleni mfumu wa Ararati,+ wa Mini ni wa Axikenazi.+
Mu vekeleni sonchwa leli nga ta lwa na yena.
Mu vitaneleni makavhalu ya manyingi ku fana ni swintetani.
28 Langani matiko lawa ma nga ta lwa na yena,Tihosi ta Meda,+ vagovhernadori va kona ni vapfunisi va vonaNi matiko hinkwawu lawa ma fumiwaka hi vona.
29 Misava yi ta tsekatseka yi tlhela yi rhurhumela,Hikusa leswi Yehovha a swi pimisaka hi ku lwa na Babilona, hikakunene swi ta yendlekaNaswona a ta yendla swaku tiko la Babilona li va nchumu xa ku chavisa funtshi a ku nga ha ta tshama munhu ni mun’we.+
30 Tinhenha ta le Babilona ti tshike ku lwa.
Ti tshama ka tindhawu ta tona leti nga hlayiseka.
A ta ha li na matimba.+
Ti fana ni vavasati.+
Tiyindlo ta Babilona ti hisiwe hi ndzilu.
Ni leswi va khiyelaka hi swona swi tshoveleliwile.+
31 Munhu lweyi a nga rhumiwa a tsutsuma a ya tlhangana ni munhu mun’wani lweyi a nga rhumiwa,Lweyi a heleketaka rungula a tlhangana ni mun’wani lweyi a heleketaka rungula,Va ya byela hosi ya Babilona swaku doropa la yona li tekiwile matlhelo hinkwawu,+
32 Ni leswaku tindhawu leti ku phepheriwaka ka tona ti tekiwile,+Maboti lawa ma nga yendliwa hi tinhlanga ma hisiwe hi ndzilu,Naswona masonchwa ma chava ngopfu.”
33 Hikusa Yehovha murhangeli wa tintsumi, Xikwembu xa Israyele a li:
“Babilona* a fana ni ndhawu ya ku hulela ka yona.
I nkama wa ku mu kandzihela.
Ku sale katsongo swaku a fikeliwa hi nkama wa ku tshovela.”
34 “Nebukadinazara* hosi ya le Babilona a ni hahlulelile;+A ni dunge nhloko
A ni veke hansi ku fana ni xibya lexi kalaka xi nga na nchumu.
A ni mintile ku fana ni nyoka yayikulu;+A tate khwirhi la yena hi swilo swa mina swaswinene.
A ni txukumetile.*
35 ‘Ni navela swaku swilondza leswi nga ka muzimbha wa mina swi va henhla ka Babilona,’ ku vula lweyi a tshamaka Siyoni.+
‘Naswona ngati ya mina a yi ve henhla ka lava tshamaka Kalidiya,’ ku vula Yerusalema.”
36 Se Yehovha a li:
“Ni ta kambisisa mhaka ya wena,+Ni ta ku hakelisela.+
Ni ta womisa lwandle la yena ni swihlovo swa yena.+
37 Kutani Babilona a ta va xidulu xa maribye,+Ndhawu leyi ku tshamaka timbyana ta khwati,*+Nchumu lexi chavisaka lexi beliwaka noti,A ku nge he tshami munhu.+
38 Hinkwavu va ta bonga ku fana ni swinghonyamani.
Va ta bonga ku fana ni swinghonyamani.”
39 “Loko ku navela ka vona se ku li kukulu ni ta va hambela fexta, ni va dakwisa,Swaku va tsaka;+Va ta gama va yetlela wurhongo la ku kala li nga heli,Leli va nga ta kala va nga ha pfuki ka lona,”+ ku vula Yehovha.
40 “Ni ta va dlaya ku fana ni tinyempfu leti yaka ku dlayiweni,Ku fana ni tinyempfu ni timbuti.”
41 “Vona ndlela leyi Xexaka* a nga danisiwa hi yona,+Vona ndlela leyi ku Dzunisa ka misava hinkwayu ku nga tekiwa hi yona!+
Vona ndlela leyi Babilona a nga va nchumu xa ku chavisa hi yona xikarhi ka matiko!
42 Lwandle li te henhla ka Babilona.
A mbhonyiwe hi magandlati ya lona ya manyingi.
43 Madoropa ya yena ma ve nchumu xa ku chavisa, tiko leli kalaka li nga na mati ni mananga.
Tiko leli kalaka li nga na munhu lweyi a nga ta tshama ka lona naswona a ku na munhu lweyi a nga ta tsemakanya ka lona.+
44 Ni ta khatisa Bel*+ aBabilona,Leswi a nga swi minta ni ta swi humesa hi ka nomo wa yena.+
Matiko a ma nge he yeteteli ka yena,Naswona muru wa Babilona wu ta wa.+
45 Humani ka yena n’wina vanhu va mina!+
Tiponiseni+ ka ku kwata kakukulu ka Yehovha!+
46 Mi nga tsemeki nhlana kumbe ku chavisiwa hi mahungu lawa ma nga ta twiwa tikweni.
Ku ta ta mahungu hi lembe leli,Ku tlhela ku ta man’wani hi lembe leli landzelaka,Mahungu ya kona i ya tinyimpi atikweni ni ya hosi leyi yi lwaka ni hosi leyin’wani.
47 Kutani masiku ma taLawa ni nga ta helisa swikwembu swa ku vatliwa swa le Babilona.
Tiko la yena hinkwalu li ta danisiwa,Ni vanhu va yena hinkwavu lava nga dlayiwa va ta wa xikarhi ka yena.+
48 Matilo ni misava ni hinkwaswu leswi nga ka swonaSwi ta huwelela hi ku tsaka hi mhaka ya ku wa ka Babilona,+Hikusa lava helisaka va ta mu tela hi norte,”*+ ku vula Yehovha.
49 “Babilona a nga yo yendla swaku ku wa Vayisrayele lava nga dlayiwa ntsena+Kambe a yendle swaku ku wa vanhu va misava hinkwayu lava nga dlayiwa aBabilona.
50 N’wina lava nga baleka xipada, yanani phambheni, mi nga nyimi!+
Khumbukani Yehovha na mi li kule swinene,Pimisani hi Yerusalema.”+
51 “Hi danisiwile, hikusa hi rhuketeliwile.
Ku vekiwa hansi ku mbhonye tinghohe* ta hina,Hikusa vanhu lava taka hi ka matiko man’wani va tile va ta lwa ni tindhawu ta ku kwetsima ta yindlo ya Yehovha.”+
52 “Kutani masiku ma ta,” ku vula Yehovha,“Lawa ni nga ta helisa swikwembu swa yena leswi nga vatliwa,Lava nga ni swilondza va ta konya ka tiko la yena hinkwalu.”+
53 “Hambiloko Babilona o khwela a ya matilweni,+Hambiloko o tiyisa tindhawu ta yena ta ku tlakuka leti nga ni mimuru ya ku tiya,Lava nga ta mu helisa va ta ta na va huma hi ka mina,”+ ku vula Yehovha.
54 “Yingisani! Ku ni xirilo lexi twakalaka aBabilona,+Guwa la khombo lalikulu leli taka hi ka tiko la Vakalidiya,+
55 Hikusa Yehovha a helisa Babilona,A ta miyeta rito la yena lalikulu,Magandlati ya vona ma ta vanga guwa ku fana ni mati ya manyingi.
Guwa la rito la vona li ta twiwa.
56 Hikusa lweyi a helisaka a ta ta aBabilona;+Tinhenha ta yena ti ta khomiwa,+Tigubu ta vona ti ta tshoviwa,Hikusa Yehovha i Xikwembu lexi hakelisaka.+
A ta hakelisa hikakunene.+
57 Ni ta dakwisa varhangeli va yena ni tintlharhi ta yena,+Vagovhernadori va yena ni vapfunisi va yena ni tinhenha ta yena,Va ta yetlela wurhongo la ku kala li nga heli,Leli va nga ta kala va nga ha pfuki ka lona,”+ ku vula Hosi, leyi vito la yona ku nga Yehovha murhangeli wa tintsumi.
58 Yehovha murhangeli wa tintsumi a li:
“Muru wa Babilona wu ta diliziwa swa wugamu, hambileswi wu nga yanama,+Tinyanghwa ta yena hambileswi ti nga tlakuka, ti ta hisiwa hi ndzilu.
Vanhu va ta balha mahala;Matiko ma ta karhala hikusa ntirho wa wona wu ta hisiwa hi ndzilu.”+
59 Leswi hi leswi muprofeta Yeremiya a nga swi byela Seraya n’wana wa Neriya+ n’wana wa Mahazeya nkama a nga famba na Zedekiya hosi ya le Yuda aBabilona hi lembe la wu 4 la ku fuma ka yena; Seraya a a li muvoneleli wa yindlo.
60 Yeremiya a ma tsale ka buku yin’we marito ya khombo hinkwalu leli a li ta wela Babilona, marito lawa hinkwawu ma tsaliwile ku lwisana na Babilona.
61 Yeremiya a tlhela a byela Seraya, a ku: “Nkama u nga ta fika aBabilona, u fanele u ma lerhela henhla marito lawa hinkwawu.
62 Se u gama u ku: ‘Yehovha Xikwembu xa mina, a vule leswaku ndhawu leyi yi ta helisiwa ku nga ha tshami munhu, kumbe xifuyu naswona yi ta tshama na yi hohlokelile.’*+
63 Loko u heta ku lerha buku leli, li boheleli ribye u gama u li hoxa xikarhi ka nambu wa Ewufrata.
64 Se u ku: ‘Leyi i ndlela leyi Babilona a nga ta mbombomela hi yona, a nga ha pfuki+ hi mhaka ya khombo leli ni mu tiselaka lona; kutani va ta karhala.’”+
Marito ya Yeremiya ma hela kola.
Tinhlamunselu ta le hansi
^ Swi tikomba ku li vito lin’wani la Kalidiya.
^ Hi Xiheberu: “a va feliwanga hi vavanuna”.
^ Ku nga tiko la Vakalidiya.
^ Kumbe: “maflexa.”
^ Hi Xiheberu: “dunge moya”.
^ Kumbe: “kungu”.
^ Hi Xiheberu: “a swi na moya.”
^ Kumbe: “n’qolo; kalichi”.
^ Kumbe: “na li li rhumbi”.
^ Hi Xiheberu: “Ntombhi ya Babilona”.
^ Hi Xiheberu: “Nebukadretsara”. Ku nga matsalelo ya ku hambana.
^ Kumbe: “a ni humesile hi mati.”
^ Lani ku vulavuliwa hi timhungubye.
^ Swi tikomba ku li vito lin’wani la Babele (Babilona).
^ Ku nga xikwembu xa le Babilona.
^ Kumbe: “n’walungu”.
^ Kumbe: “makara ya”.
^ Kumbe: “na yi li rhumbi.”
