Yeremiya 6:1-30
6 N’wina vana va Benjamini, balekani aYerusalema mi ya tumbela.
Chayani limhondzo+ aTekowa;+Tlhavikani ndzilu lowu wu nga ta va xikombiso aBeti-Haxeremi!
Hikusa khombo lalikuku la ta, la ta hi ka tlhelo la norte.*+
2 Vanhu lava tshamaka Siyoni* va fana ni wansati wa ku saseka lweyi a a nyikiwa hinkwaswu leswi a swi lavaka.+
3 Valusi va ta ta ni mintlhambi ya vona.
Va ta gwimba matende ya vona ka matlhelo ya vona hinkwawu,+Hinkwavu va ta lusa mintlhambi ya vona kolanu.+
4 “Tilulamiseleni swaku mi ta lwa ni doropa la Yerusalema!
Pfukani, a hi li hlaseleni ninhlikanhi!”
“Khombo ka hina hikusa dlambu se li ya li pela,Naswona se ku ya ku mphuma!”
5 “Pfukani, a hi li dumeleni niwusikuHi helisa maprediyu* ya lona lama nga ni mimuru ya ku tiya.”+
6 Yehovha murhangeli wa tintsumi a li:
“Tsemani minsinya mi yaka mimuru leyi nga ta mi pfuna ku hlasela doropa la Yerusalema.+
Doropa leli li fanele li khatisiwa;Ka lona ko va ni ku hlupheka ntsena.+
7 Ku fana ni leswi mati ya ku titimela ma humaka ka xihlovo,Ni doropa leli i xihlovo xa swilo swa ku biha.
Ka lona ku twala vanhu lava lwaka va tlhela va dlayana;+Ni tshamela ku vona makhombo ni mavabyi.
8 Wena Yerusalema, yingisa leswi ni ku byelaka swona, loko u nga yendli leswo ni ta suka ka wena na ni nyenyentsekile;+Ni ta ku wonhetela,* ni tlhela ni yendla swaku ka tiko la wena ku nga ha tshami munhu.”+
9 Yehovha murhangeli wa tintsumi a li:
“Vanhu va Israyele lava nga sala va fana ni mawuvha ya wugamu lawa ma nga sala ka nsinya wa mawuvha.
U fanele u va hlengeleta ku fana ni leswi munhu a hlengeletisaka swona mawuvha ya wugamu ka ndzhava.”
10 “Ni fanele ni vulavula na vamani ni tlhela ni va basopisa?
I vamani lava va nga ta yingisa?
Phela tindleve ta vona ti pfalekile, naswona a va twi.+
Va poyile leswi u nga swi vula wena Yehovha;+A va swi rhandzi.
11 Hi mhaka leyo ni kwatile ku fana na wena Yehovha,A na ha swi koti ku tikhoma.”+
“Chulula ku kwata ka mina ahenhla ka n’wana lweyi a nga xitaratwini,+Ni henhla ka madjaha lawa ma nga hlengeletana.
Hinkwavu va ta khomiwa, vavanuna ni vasati va vona,Va ku guga ni va ku guga ngopfu.+
12 Tiyindlo ta vona,Masimu ya vona ni vasati va vona swi ta nyikiwa vanhu van’wani.+
Hikusa ni ta lwa ni lava tshamaka ka tiko leli,” ku vula Yehovha.
13 “Hikusa hinkwavu vavatsongo ni vavakulu, va kuma minchumu hi ku kanganyisa van’wani;+Ku sukela ka muprofeta ku ya ka muprista, hinkwavu va hanya hi ku kanganyisa van’wani.+
14 Va zama ku holisa swilondza swa vanhu va mina hi ku va byela ntsena va ku:‘Ku rhulile! Ku rhulile!’
Kuve a ku na ku rhula.+
15 Indjhe va dana hi mhaka ya minchumu ya ku nyenyentsa leyi va nga yi yendla?
Ihim, ni ku dana a va dani!
A va swi tivi swaku ku dana i yini!+
Kutani va ta wa ku fana ni lava va nga wa.
Va ta vaviseka loko ni va khatisa,” ku vula Yehovha.
16 Yehovha a li:
“Nyimani lomu tindlela ti tlhanganaka kona mi vona.
Vutisani swaku tindlela ta khale ti kwini,Vutisani swaku ndlela yayinene yi kwini mi gama mi famba hi yona,+Swaku mi ta kuma ku humula.”
Kambe va li: “A hi nge fambi hi yona.”+
17 “Ni veke vavoneleli+ lava nge te:‘Yingisani loko ku chayiwa limhondzo!’”+
Kambe vona va te: “A hi nge yingisi.”+
18 “Se yingisani n’wina matiko!
Na n’wina xitshungu swi tiveni,Leswi nga ta va humelela.
19 Yingisa wena misava!
Vanhu lava ni ta va tisela khombo+Hi mhaka ya mimpimiso ya vona,Hikusa a va ma yingisanga marito ya minaVa tshike nawu wa mina.”
20 “A swi sizi nchumu ka mina leswi mi ni tiselaka swinun’hwelisu* swa le XebaNi lihlanga la ku nun’hwela leli taka hi ka tiko la kule.
A ni ma yamukeli magandzelo ya n’wina ya ku hisiwa,Naswona a ma ni tsakisi.”+
21 Se Yehovha a li:
“Ni vekela vanhu leswi nga ta va wisa,Swi ta va wisa hinkwavu,Vapapayi ni vana va vona va madjaha,Vhizinyu ni munghanu wa yena,Hinkwavu va ta helisiwa.”+
22 Yehovha a li:
“Vanhu va tiko la norte va le ku teni,Naswona tiko lalikulu li ta pfuxiwa ku sukela ka tindhawu ta le kule swinene ta misava.+
23 Va ta khoma ligubu ni tlharhi.
Va ni mona naswona a va nga ta va ni ntwelawusiwana.
Rito la vona li ta fana ni guwa la lwandle,Naswona va famba hi makavhalu.+
Va tilulamisele ku lwa ku fana ni wanuna wa nyimpi lweyi a lwaka na wena, Wena doropa la Siyoni.”
24 Hi swi twile leswi va nga swi hlaya hi vona.
Se mavoko ya hina ma hele ntamu;+Hi le nhlomulweni,Hi twa ku vava ku fana ni wansati loko a psala.*+
25 U nga yi masin’wini,Naswona u nga fambi andleleni,Hikusa nala a khome xipada;Ka chavisa ka matlhelo hinkwawu.
26 N’wina vanhu va mina,*Yambalani mpahla ya masaka,+ mi wumbulukela ka nkuma.
Rilani hintamu ingaku hi loko mi yo feliwa hi n’wana lweyi a a li yexe,+Hikusa lweyi a nga ta hi helisa a ta hi tela na hi nga swi nyimelanga.+
27 “Ni ku vekile swaku u tengisa woru ni prata ka vanhu va mina,U va munhu lweyi a kambisisaka kahle;U fanele u kambisisa kahle leswi va swi yendlaka.
28 Hinkwavu va ni nkanu,+Va famba va vulavula ku biha hi vanhu van’wani.+
Va fana ni kobre ni nsimbi;Naswona hinkwavu va wonhekile.
29 Hambiloko munhu a zama ku va tengisa hi ndzilu ku nga za ku psha ni leswi a pfurhetelaka hi swona.
Hikusa ka ndzilu ko huma muthofu ntsena.
Hambiloko a pfurhetela ndzilu wu hisa hintamu, a swi sizi nchumu,+Hikusa hinkwavu va yendla swa ku biha.+
30 Vanhu va ta ku i prata leli li nga txukumetiwa,Hikusa Yehovha a va tshikile.”+
Tinhlamunselu ta le hansi
^ Kumbe: “n’walungu.”
^ Hi Xiheberu: “Ntombhi ya Siyoni”.
^ Kumbe: “swihondzo; switezi”.
^ Kumbe: “Ni ta ku yendla u va rhumbi”.
^ Vona Ntlhamuselo.
^ Kumbe: “veleka.”
^ Hi Xiheberu: “N’wana wa ntombhi wa vanhu va mina”. Swi nga yendleka a ku li mavulavulelo ya ku kombisa ntwelawusiwana.