Yeremiya 9:1-26
9 Loko nhloko ya mina a yi li xihlovo xa mati,Matihlo ya mina ma li xihlovo xa mihloti!+
A ni ta rila wusiku ni nhlikanhiNi rilela vanhu va mina lava nga dlayiwa.
2 Loko a ni ni yindlo ya vapfhumba amananga!
A ni ta siya vanhu va mina ni ya kule na vona,Hikusa hinkwavu va mbuyeta,+I ntlawa wa vaxengi.
3 Lirimi la vona li gwimbekile ku fana ni ligubu leli lavaka ku txopa;Tiko li tale hi mavunhwa, ku nga li ku tshembeka.+
“Va tama va yengesela ku yendla swa ku biha,A va ni yingisi,”+ ku vula Yehovha.
4 “Mun’wani ni mun’wani a a tivonele ka munhu mun’wani,Mi nga mu tshembi hambi ku li makwenu wa n’wina.
Hikusa makwenu mun’wani ni mun’wani i muxengi,+Munhu mun’wani ni mun’wani a wonha van’wani vito.+
5 Mun’wani ni mun’wani a kanganyisa munhu mun’wani,A ku na lweyi a vulavulaka ntiyiso.
Va djondzise lirimi la vona ku hemba.+
Va karhala va ku pfotlo hi ku yendla swa ku biha.
6 U tshama xikarhi ka mavunhwa.
Va vulavula mavunhwa funtshi a va swi lavi ku ni tiva,” ku vula Yehovha.
7 Kutani Yehovha murhangeli wa tintsumi a li:
“Ni ta va tengisa ni tlhela ni va kambela,+Hikusa ni nga va yendla yini swin’wani vanhu va mina?*
8 Lirimi la vona leli vulavulaka mavunhwa i mpaxwa* lowu dlayaka.
Munhu a vulavula hi ndlela ya ku rhula ka munhu mun’wani,Kuve a mu pimisela swa ku biha ka mbilu ya yena.”
9 Yehovha a li: “A ni fanelanga ni lava swaku vona va tihlamulela ka mina hi mhaka ya swilo leswi?”
“A ni fanelanga ni hakelisa ka tiko leli yendlaka leswo?+
10 Ni ta rilela tintshavaNi ta yimbelelela ndhawu ya ku lusela ka yona ya le mananga lisimu la xirilo,Hikusa yi hisiwile ku za ku nga ha hundzi munhu ka yona,A ku twali ku rila ka swifuyu.
Swinyanyani ni swiharhi swi balekile; a swa ha li kona.+
11 Yerusalema ni ta mu yendla swidulu swa maribye,+ a va ndhawu leyi ku tshamaka timbyana ta khwati,*+Naswona ni ta hahlulela madoropa ya Yuda, ku nga ha tshami munhu.+
12 I mani lweyi a nga tlhariha swinene swaku a kota ku twisisa leswi?
I mani lweyi Yehovha a nga vulavula na yena, swaku a swi vula?
Hi mhaka muni tiko li helisiwile?
Hi mhaka muni li helisiwile ku fana ni mananga,Swaku ku nga ha vi ni munhu lweyi a ndlhulaka hi ka lona?”
13 Yehovha a hlamula a ku: “Hi mhaka ya leswi va nga tshika nawu wa mina lowu ni nga va nyika wona, va nga wu yingisi va tlhela va nga swi yingisi leswi ni nga va byela swona.
14 Funtshi va tiwomise tinhloko va landzelela timbilu ta vona+ naswona va gandzela swifaniso swa Bali va landzela leswi vapapayi va vona va nga va djondzisa swona.+
15 Kutani Yehovha murhangeli wa tintsumi, Xikwembu xa Israyele a li: ‘Vanhu lava ni ta va dlisa swinsinyani swa ku bava naswona ni ta yendla swaku va phuza mati lama nga ni vhenenu.+
16 Ni ta va hangalasa ka matiko lawa vona ni vapapayi va vona va kalaka va nga ma tivanga+ naswona ni ta va rhumela xipada anze ni va helisa.’+
17 Yehovha murhangeli wa tintsumi a li:‘Pimisani kahle hi leswi yendlekaka.
Vitanani vavasati lava yimbelelaka tinsimu ta xirilo,+Rhumani vanhu swaku va ya vitana vavasati lava tivaka ku rila swaku va ta,
18 Va ta hantla va hi rilela,Swaku matihlo ya hina ma xiririka mihlotiMa tlhela ma huma mati.+
19 Hikusa ku twakala guwa la xirilo aSiyoni:+
“Vonani ndlela leyi hi nga helisiwa hi yona!
Vonani ndlela leyi hi nga danisiwa hi yona!
Hikusa hi siye tiko la hina naswona va wonhe makaya ya hina.”+
20 N’wina vavasati, twanani rito la Yehovha.
Ndleve ya n’wina a yi twe rito leli vuliwaka hi yena.
Djondzisani vana va n’wina va tintombhi xirilo lexi,Djondzisanani lisimu leli la xirilo.+
21 Hikusa lifu li nghene hi ka majanela ya hina;Li nghene ka maprediyu* ya hina lama nga ni mimuru ya ku tiyaSwaku li dlaya vana aswitaratwiniNi madjaha xikarhi ka doropa.’+
22 Hlaya u ku: ‘Yehovha a li:
“Mintsumbu ya vanhu yi ta wa ku fana ni xitrumi amasin’wini,Ku fana ni trigu leli la ha ku tsemiwaka hi mutshoveli,Ku nga na munhu lweyi a li hlengeletaka.”’”+
23 Yehovha a li:
“Munhu lweyi a nga tlhariha a nga tikhuzi hi ku tlhariha ka yena;+Munhu lweyi a nga ni matimba a nga tibumi hi matimba ya yena;Ni munhu lweyi a nga ganya a nga tikhuzi hi leswi a nga na swona.”+
24 “Kambe lweyi a tibumaka a a tibume hi leswi:
Leswaku a ni ku twisisa funtshi wa ni tiva,+Swaku hi mina Yehovha, Lweyi a nga ni lirhandzu, ku lulama ni lweyi a tshembekaka misaveni,+Hikusa leswi hi swona ni swi rhandzaka,”+ ku vula Yehovha.
25 Yehovha a li: “Masiku ma ta, lawa hinkwavu lava nga tsema minsuvu* kambe na ku nga li swa ntiyiso va nga ta tihlamulela ka mina,+
26 ku nga Gibita,+ Yuda,+ Edomu,+ Vaamoni,+ Mowabu+ ni hinkwavu lava nga tsemeta misisi leyi nga matlhelweni ka ximombo lava tshamaka mananga;+ hikusa matiko hinkwawu a ma tsemanga minsuvu ni tiko hinkwalu la Israyele hambileswi li nga tsema minsuvu a hi swa ntiyiso.”*+
Tinhlamunselu ta le hansi
^ Hi Xiheberu: “ntombhi ya vanhu va mina.”
^ Kumbe: “flexa”.
^ Lani ku vulavuliwa hi timhungubye.
^ Kumbe: “swihondzo; switezi”.
^ Kumbe: “hamba circuncisão”.
^ Hi Xiheberu: “a va tsemanga minsuvu ka timbilu ta vona.”
