Yobo 10:1-22
10 “Na li nyenya wutomi la mina.+
Ni ta hlaya leswi swi ni karhataka.
Ni ta vulavula hi mhaka ya leswi ni twaka ku vava!
2 Ni ta byela Xikwembu ni ku: ‘U nga hlayi swaku ni ni nandzu.
Ni byele swaku hi mhaka muni u lwa na mina.
3 Swi ku siza yini ku hlupha vanhu,Ku nyenya ntirho wa mavoko ya wena+Na u nyima ni maplanu* ya lava yendlaka swa ku biha?
4 Wo va ni matihlo ya ku fana ni ya vanhu,Kumbe u vona ku fana ni munhu?
5 Indjhe masiku ya wena ma fana ni masiku ya vanhu,Kumbe malembe ya wena ma fana ni malembe ya munhu,+
6 Swaku u za u lavetela swihoxoNi ku tshamela ku lavetela swidjoho swa mina?+
7 Wa swi tiva swaku a ni na nandzu;+Naswona a nga kona lweyi a nga ni lamulelaka ka wena.+
8 Mavoko ya wena hi wona ma nga ni yendla,+Kambe swoswi u lava ku ni helisa.
9 Ni kombela u khumbuka swaku u ni yendle hi vumba+Kambe swoswi u ni tlhelisela ka wuthulu.+
10 A wu ni chululanga ku fana ni leitiU tlhela u ni tiyisa ku fana ni keju?
11 U ni yambexe xikhumba ni nyamaU ni luka hi marhambu ni minsiha.+
12 U ni nyike wutomi u tlhela u ni rhandza;U ni hlayisile u tlhela u ni vhikela.+
13 Kambe u tibohele ku yendla minchumu leyi na swi nga tiviwi hi munhu.*
Na swi tiva swaku swilo leswi hi wena u swi yendlaka.
14 Loko a ni djohile a wu ta xi vona xidjoho xa mina,+Funtshi a wu nga ta ni rivalela.
15 Ni dlawile loko ni ni nandzu!
Hambiloko ni nga na nandzu, a ni nge yi tlakusi nhloko ya mina,+Hikusa ni dana hintamu ni tlhela ni hlupheka.+
16 Loko ni tlakusa nhloko, u ni hlota ku fana ni nghonyama,+U tlhela u lwa na mina hi matimba ya wena.
17 U ni tisela timboni ta nyuwani swaku ti ta ni lumbetaFuntshi u ya u ni kwatela,Nkama ni weliwaka hi makhombo hi ku landzelelana.
18 Hi mhaka muni u ni humesile ka khwirhi la mamani?+
A ni fanele ni file na ni nga se voniwa.
19 A swi ta fana ni loko ni nga se tshama ni va kona;A ni ta va ni susiwile ka khwirhi la mamani ni yisiwa sirheni.’
20 Kasi masiku ya mina a hi matsongo ke?+ Xikwembu a xi ni tshike;A xi txuvuke kule na mina leswaku ni ta beliwanyana hi moya*+
21 Na ni nga se ya ka tiko la munyama wawukulu,*+Lani ni nga ta kala ni nga ha vuyi,+
22 Ka tiko la munyama wawukulu,Tiko la ku mphuma hintamu ni mpfilumpfilu,Lani hambi ku vonakala ku fanaka ni munyama.”
Tinhlamunselu ta le hansi
^ Kumbe: “makungu”.
^ Hi Xiheberu: “minchumu leyi u yi fihle ka mbilu ya wena.”
^ Kumbe: “tsakanyana”.
^ Kumbe: “la munyama ni la ndzhuti wa lifu”.
