Yobo 11:1-20
11 Zofari+ wa Munamani a mu hlamula a ku:
2 “Marito hinkwawu lawa u nga ma hlaya a ma nge hlamuliwi?Kumbe ku khuluma ngopfu swi nga ku yendla u va munhu wa ku lulama?*
3 Leswi u swi vulavulaka swa ku kala swi nga twali, indjhe swi ta miyeta vanhu?
A nga kona lweyi a nga ta ku laya hi mhaka ya marito ya wena ya ku poyila?+
4 Hikusa u li: ‘Ni djondzisa swaswinene,+Naswona Xikwembu xa swi tiva swaku a ni na nandzu.’+
5 Kambe loko a ko vulavula Xikwembu ntsena,Xi khuluma na wena!+
6 A xi ta ku komba leswi nga fihliwa leswi xi swi tivaka hi mhaka ya leswi xi nga tlhariha,Hikusa a wutlharhi a swi vevuki ku li twisisa.
Kutani a wu ta swi tiva swaku Xikwembu xa ku rivalela swin’wani swa swidjoho swa wena.
7 U nga twisisa swilo swa ku yenta swa XikwembuKumbe u tiva hinkwaswu hi Lweyi Wa Matimba Hinkwawu?
8 Phela wutlharhi li tlakuke ku tlula matilo. U nga yendla yini hi lona?
Li yentile ku tlula ni Sirha.* U nga tiva yini hi lona?
9 Li lehe ku tlula misava,Naswona li yaname ku tlula lwandle.
10 Loko Xikwembu xo hundza xi khoma munhu xi mu thethisa,I mani a nga xi tsimbisaka?
11 Hikusa xa swi tiva loko vanhu va hemba.
Loko xi vona swa ku biha, indjhe a xi nge swi tivi?
12 Kambe xiphunta xi ta twisisaNtsena loko xi vona mbongolo ya nhova na yi psala munhu.
13 A swi ta va kahle loko a wo lunghisa mbilu ya wena,U tlakusa mavoko ya wena ka xona.
14 Loko voko la wena li yendla swa ku biha, swi tshike,Naswona u nga pfumeleli swa ku biha swi tshama ka matende ya wena.
15 Hi mhaka leyo u ta tlakusa nhloko ya wena, u nga dani;U nga nyima u tiyile, u nga chavi nchumu.
16 Kutani u ta khohlwa swikarhatu swa wena;U ta swi khumbuka ku fana ni mati lama nga ngirimela ma ku hundza.
17 Wutomi la wena li ta voninga ku tlula nhlikanhi;Munyama wa lona wu ta fana ni ku voninga ka nimixo.
18 U ta tiya hikusa ku ni ntshembo,U ta txuvuka matlhelweni, u yetlela na u nga chavi nchumu.
19 U ta yetlela, u nga chavisiwi hi munhu,Naswona vanhu va vanyingi va ta lava swaku u va ni timpsalu ka vona.
20 Kambe matihlo ya lava yendlaka swa ku biha ma nga ha ta vona;A va nga ta yi kuma ndhawu ya ku balekela ka yona,Ntshembo wa vona ku ta va ku fa ntsena.”+
Tinhlamunselu ta le hansi
^ Kumbe: “Ku tibyela swi nga ku yendla u va munhu wa ku lulama?”
^ Kumbe: “Sheol.” Vona Ntlhamuselo.
