Yobo 12:1-25
12 Se Yobo a hlamula a ku:
2 “I ntiyiso leswaku mi ni wutivi,Naswona mi ta fa ni wutlharhi la n’wina!
3 Kambe na mina ni ni ku twisisa.
A mi ni tluli.
I mani a kalaka a nga swi tivi swilo leswi?
4 Vanghanu va mina va ni hleka,+Va hleka munhu lweyi a kombelaka swaku Xikwembu xi mu pfuna.+
Munhu wa ku lulama, lweyi a kalaka a nga na nandzu, a hundzuke xihlekiso.
5 Lava kalaka va nga karhatiwi hi nchumu, va hleka lava kumanaka ni makhombo,Va pimisa swaku makhombo ma wela ntsena lava nga ku hluphekeni.
6 Ka matende ya swigevenga ku ni ku rhula,+Lava poyilaka Xikwembu va tshamisekile,+Lava xikwembu xa vona xi nga ka mavoko ya vona.
7 Kambe, ni kombela u vutisa swiharhi, swi ta ku djondzisa;Ni swinyanyani swi ta ku byela.
8 Kumbe kambisisa* swilo leswi nga misaveni, swi ta ku djondzisa;Ni tihlampfi ta lwandle ti ta ku byela.
9 Hi xini ka swilo leswi hinkwaswu xi kalaka xi nga swi tiviSwaku xi yendliwe hi voko la Yehovha?
10 Wutomi la hinkwaswu leswi hanyaka li le ka voko la yenaNi moya lowu vanhu hinkwavu va wu hefemulaka.+
11 Indjhe ndleve a yi ringi maritoKu fana ni leswi lirimi li ringaka swakudla?+
12 Lava nga kula a hi vona va nga tlhariha,+Naswona lava khale a hi vona va nga ni ku twisisa?
13 Xikwembu xi ni wutlharhi ni matimba;+Xa twisisa funtshi xi ta yendla ku rhandza ka xona.+
14 Loko xi diliza nchumu, a xi nge tlheli xi yakiwa;+Loko xi pfala, a ku na munhu lweyi a nga pfulaka.
15 Loko xi nyimisa mpfula, hinkwaswu swa woma;+Loko xi rhumela mati ma tata misava.+
16 Xi ni matimba ni wutlharhi;+Lweyi a xengaka van’wani ni lweyi a xengiwaka, hinkwavu i va xona;
17 Xi yendla vatsundzuxi va famba hi minkondzo,*Naswona xi yendla vayavanyisi va va swiphunta.+
18 Xi tekela tihosi mfumu wa tona,+Xi ti boha hi bandhi swaku ti va swikarawa.
19 Xi yendla leswaku vaprista va famba hi minkondzo,+Xi wisa ni lava nga ni matimba ya ku fuma;+
20 Xi yendla swaku vatsundzuxi lava tshembiwaka va pfumala xa ku xi hlaya,Xi tekela ni vavanuna lava nga kula a wutlharhi la vona;
21 Xi danisa vanhu va xiyimu xa le henhla,+Xi yendla swaku lava nga ni matimba va hela ntamu;
22 Xi humesa minchumu ya ku yenta leyi nga munyameni,+Xi txintxa munyama wawukulu swaku wu va ku vonakala;
23 Xi yendla matiko ma kula swaku xi ta ma helisa;Xi yendla matiko ma kula swaku xi ta ma yisa awukaraweni.
24 Xi tekela varhangeli ku twisisaNi ku va rhendzelekelisa mananga lani ku kalaka ku nga na ndlela.+
25 Va fambafamba munyameni,+ lani ku kalaka ku nga na ku vonakala;Xi va yendla va rhendzelekela ku fana ni swidakwa.+
