Yobo 13:1-28
13 “Tihlo la mina li swi vonile hinkwaswu leswi,Ndleve ya mina yi swi twile yi tlhela yi swi twisisa.
2 Leswi mi swi tivaka na mina na swi tiva;A mi ni tluli.
3 Swa yampsa ni vulavula ni Lweyi Wa Matimba Hinkwawu,Ni lava ku vulavula ni Xikwembu hi mhaka ya mina.+
4 Kambe n’wina mi ni hembela mavunhwa;Hinkwenu mi vadotori va ku kala va nga pfuni nchumu.+
5 Loko ntsena a mo miyela mi ku whii,A mi ta va mi tlharihile.+
6 Ni kombela mi yingisa mhaka ya mina,Mi pimisa kahle hi leswi ni swi kombelaka.
7 Mi ta vulavulela Xikwembu swilo swa ku biha,Naswona mi ta vulavula mavunhwa hi xona?
8 Mi ta xi nyimelela,Kumbe mi zama ku nyimelela mhaka ya Xikwembu xa ntiyiso?
9 Indjhe a mi ta pasa loko a xo mi kambela?+
Mi nga xi kanganyisa ku fana ni loko mi kanganyisa munhu?
10 Hikakunene xi ta mi layaLoko mi zama ku va ni xikheto axihundleni.+
11 A mi nge chavisiwi hi wukulu la xona,Mi weliwa hi ku chava loku taka hi ka xona?
12 Marito ya n’wina ya wutlharhi ma fana ni nkuma;Leswi mi tivhikelaka hi swona a swi tiyanga swi fana ni swivhikelo swa vumba.
13 Miyelani, swaku ni ta kota ku vulavula.
Kutani xin’wani ni xin’wani lexi nga ta ni yendlekela, a xi yendleke!
14 Hi mhaka muni ni tipeta nghoziniNi khoma wutomi la mina hi mavoko?
15 Hambiloko xo ni dlaya, ni ta tama ni rindza;+Ni ta nyimelela* mhaka ya mina phambheni ka xona.
16 Kutani xi ta ni ponisa,+Hikusa a ku na munhu lweyi a kalaka a nga xi chavi Xikwembu lweyi a nga yaka phambheni ka xona.+
17 Ni yingiseni kahle;Yingisani leswi ni swi hlayaka.
18 Swoswi ma swi vona swaku mhaka ya mina se yi lunghile swaku yi thethiwa;Na swi tiva swaku a ni wonhanga nchumu.
19 I mani lweyi a nga phikizanaka na mina?
Ni nga fa loko no miyela!*
20 Ni kombela u ni nyika swilo swimbirhi ntsena, Xikwembu xa mina,Swaku ni nga ku tumbeleli:
21 Susa voko la wena la ku tika li ya kule na mina,U nga ha tami u ni chavisa.+
22 U nga ha ni vitana ni ta ku hlamula,Kumbe u ni tshika ni vulavula, wena u ni hlamula.
23 Kasi ni yo wonha yini?
Ni kombe lani ni nga phazama kona ni xidjoho xa mina.
24 Hi mhaka muni u ni fihlela nghohe* ya wena,+U ni vona ni li nala wa wena?+
25 U ta zama ku chavisa kamba leli biwaka hi moyaKumbe u hlongolisa byanyi la ku woma?
26 Hikusa u tshamela ku hlayisa leswi va ni lumbetaka hi swona,Naswona u ni khatisa hi swidjoho leswi ni nga swi yendla na na ha li jovhem.
27 U bohe minenge ya mina,U kambisisa hinkwaswu leswi ni swi yendlaka,U landzelela nkondzo wun’wani ni wun’wani wa mina.
28 Munhu a wonheka ku fana ni nchumu wa ku bola,Ku fana ni mpahla leyi nga dliwa hi muhlwa.*
Tinhlamunselu ta le hansi
^ Kumbe: “lwela”.
^ Kumbexana: “Loko ku ni lweyi a nga swi kotaka, ni ta miyela ni fa.”
^ Kumbe: “kara la”.
^ I swiharhi swaswitsongo swa ku fana ni tinsokoti kambe swi nga ni timpapa.
