Yobo 14:1-22
14 “Munhu lweyi a nga psaliwa hi wansati,A hanya nkama wawutsongo+ naswona wutomi la yena li tale hi swikarhatu.+
2 A mila ku fana ni xiluva a gama a vuna;*+A baleka ku fana ni ndzhuti a gama a nyamalala.+
3 Vhela u tshama na u mu txuvukile,Kutani u mu yavanyisa.+
4 Indjhe swi nga koteka swaku munhu lweyi a nga ni xidjoho a psala munhu lweyi a kalaka a nga na xidjoho?*+
A swi nge koteki!
5 Loko masiku ya yena ma pimiwile,Numeru ya tiwheti ta yena yi na wena;A nge tlulisi nkama lowu u nga mu pimela wona.+
6 U nga ha mu txuvuki a ta humula,Anze a heta ntirho wa siku ku fana ni mutirhi.+
7 Hikusa hambi nsinya wu ni ntshembo.
Loko wu tsemiwa, wu ta tlhela wu hluka,Naswona swigadjani swa wona swi ta tama swi kula.
8 Loko limintsu la wona li vuna hansi ka misavaNi xigodo* xa wona xi fa,
9 Loko wo kuma mati wu ta hluka;Wu ta humesa tigadja ku fana ni xinsinyani xa nyuwani.
10 Kambe munhu wa fa a nga ha koti ku yendla nchumu;Loko munhu a fa, a ya kwini?+
11 Mati ma nyamalala alwandle,Ni nambu wa psha,* wu woma.
12 Vanhu na vona va yetlela va nga ha pfuki.+
A va nge he pfuki loko tilo la ha li kona,A va nge pfuxiwi ka wurhongo la vona.+
13 Ni navela swaku u ni tumbeta Sirheni,*+U ni tumbeta anze ku kwata ka wena ku hela,Swaku u ni vekela nkama kutani u ni khumbuka!+
14 Loko munhu a fa, a nga tlhela a hanya?+
Ni ta rindza anze masiku ya mina ya ku va xikarawa ma hela,Anze ni chunsiwa.+
15 U ta ni vitana, mina ni ta ku hlamula.+
U ta navela ku vona* ntirho wa mavoko ya wena.
16 Kambe swoswi u tshamela ku konta hinkwaku lomu ni psanyaka kona;U vona xidjoho xa mina ntsena.
17 Xidjoho xa mina xi pfaleliwe ka nkwama,U pfalele xiwonho xa mina hi xa ku lema hi xona.
18 Ku fana ni ntshava leyi waka yi tlhela yi pandzekaKutani ribye li suka ka ndhawu ya lona,
19 Ku fana ni mati lama kokaka maribye,Magandlati ya wona ma kokaka misava,U yendle swoleswo swaku u helisa ntshembo wa munhu.
20 U tshamela ku mu hlula anze a fa;+U txintxa leswi a nga tshamisa xiswona u gama u mu yisa sirheni.
21 Vana va yena va hloniphiwa kambe a nga swi tivi;Va voneliwa hansi kambe a nga swi voni.+
22 A twa ku vava ntsena loko a ha hanya;A konya ntsena loko a ha hanya.”
Tinhlamunselu ta le hansi
^ Kumbexana: “tsemiwa.”
^ Hi Xiheberu: “I mani a nga humesaka munhu wa ku basa ka munhu lweyi a kalaka a nga basanga?”
^ Kumbe: “xigundzu”.
^ Kumbe: “khwa”.
^ Kumbe: “Sheol”. Vona Ntlhamuselo.
^ Kumbe: “u ta xuva”.
