Yobo 17:1-16
17 “Ni hele ntamu, masiku ya mina ma helile;Ni nyimeliwe hi sirha.+
2 Lava ni poyilaka va le matlhelweni ka mina,+Naswona tihlo la mina li boheka ku vona swipoyilo swa vona.
3 Ni kombela u ni tshembisa swaku u ta ni pfuna.
Hikusa a nga kona lweyi a nga ta ni pfuna.+
4 Hikusa u yendle swaku timbilu ta vona ti nga twisisi;+Hi leswo swi nga ku yendla u nga va tlakusi.
5 Vanhu lava va nga nyika vanghanu va vona minchumu,Kambe vana va vona va va dlaya hi ndlala.
6 Xikwembu xi yendle swaku ni hlekiwa hi vanhu,+Naswona va ni pshitela matihlweni.+
7 Matihlo ya mina a ma ha voni kahle hi mhaka ya leswi ni karhatekaka,+Ni wondze hintamu.
8 Vanhu va ku lulama va hlamala loko va vona leswi,Ni lweyi a kalaka a nga na nandzu a karhateka hi lweyi a kalaka a nga hloniphi Xikwembu.
9 Lweyi wa ku lulama a nga tshiki ku yendla minchumu yayinene,+Naswona lweyi a kalaka a nga na nandzu a ya a va ni matimba.+
10 Kambe, mi nga ta hinkwenu mi ta tama mi ni vavisa hi marito ya n’wina,Hikusa a ni se vona wa ku tlhariha ka n’wina.+
11 Masiku ya mina ma helile;+Maplanu* ya mina ni leswi ni swi navelaka swi helele mpfhukeni.+
12 Vanhu lava va tshamela ku txintxa wusiku li va nhlikanhi,Va ku: ‘Leswi se ku nga munyama ku vonakala ku le kusuhi.’
13 Loko no nyimanyana, Sirha* li ta va kaya ka mina;+Ni ta yandlala mubedu wa mina ka munyama.+
14 Ni ta vitana sirha*+ ni ku: ‘U papayi!’
Ka xipungwani ni ku: ‘U mamani ni makwerhu wa xisati!’
15 Kutani ntshembo wa mina wu kwini?+
I mani a wu vonaka?
16 Wu* ta xika wu nghena ka tinyanghwa ta Sirha,*Loko mina na wona hi xika hi ya ka wuthulu.”+
Tinhlamunselu ta le hansi
^ Kumbe: “Makungu”.
^ Kumbe: “Sheol”. Vona Ntlhamuselo.
^ Kumbe: “xikhele”.
^ Ku nga ntshembo wa mina.
^ Kumbe: “Sheol”. Vona Ntlhamuselo.