Yobo 18:1-21
18 Bilidadi+ wa Muxuwaya a hlamula a ku:
2 “Kasi u ta miyela siku muni?
Pimisa kahle hi mhaka leyi, swaku hi ta kota ku khuluma.
3 Hi mhaka muni hi fanele hi voniwa ingi ho va swiharhi+Naswona hi voniwa ingi ho va swiphunta* ka matihlo ya wena?
4 Hambiloko wo kwata u za u tihandzulela,Indjhe misava yi ta tsukuliwa hi mhaka ya wena,Kumbe ribye li ta susiwa ka ndhawu ya lona?
5 Phela ku voninga ka munhu lweyi a yendlaka swa ku biha ku ta timiwa,Ndzilu wa yena wu ta timeka.+
6 Ku vonakala loku nga ka tende la yena a ku nga ha ta va kona,Naswona lexi a voningaka hi xona xi ta timiwa.
7 A ta hela ntamu a nga ha gwenti ku famba,A ta wisiwa hi maplanu* ya yena.+
8 Hikusa minenge ya yena yi ta mu yisa ka redi la ku phasa hi lona,Naswona a ta rhendzeleka ndzeni ka lona.
9 A ntlhamu wu ta mu phasa hi ka xirhendze;A ta khomiwa hi wona.+
10 A rhiyiwe hi ngoti leyi nga tumbetiwa hansi,A vekeliwe ntlhamu ka ndlela leyi a fambaka ka yona.
11 Makhombo ma mu chavisa ka matlhelo hinkwawu+Ma mu hlongolisa.
12 A hela matimba,Naswona khombo+ li yendla swaku a dederekela.*
13 Xikhumba xa yena xa dliwa;Mavabyi lama nga ni khombo ma dla swirho swa yena.
14 A susiwa ka tende la yena leli a a tshamisekile ka lona+A yisiwa ka hosi leyi chavisaka.*
15 Ku ta tshama vanhu van’wani ka tende la yena;Yindlo ya yena yi ta tshikiwa swaku yi hisiwa hi ndzilu.*+
16 Timintsu ta yena ti ta woma ahansi ka yena,Tigadja ta yena ti ta vuna ahenhla ka yena.
17 A nge he khumbukiwi amisaveni,Naswona vito la yena a li nge he tiviwi axitaratwini.
18 A ta hlongoliwa ka ku vonakala a yisiwa ka munyama,A tlhela a hlongoliwa ka tiko la ku nona.
19 A nga ha ta va ni vana kumbe vatukulu axikarhi ka vamakwavu va yena,Naswona a ku nga ha ta va ni munhu lweyi a nga ta pona lani a tshamaka kona.
20 Loko siku la yena li fika, vanhu va le Wupeladlambu va ta tsemeka nhlana,*Ni vanhu va le Wuxeni va ta rhurhumela hi ku chava.
21 Leswi hi leswi yendlekaka ka matende ya munhu lweyi a yendlaka swa ku biha,Ni ka ndhawu ya lweyi a kalaka a nga xi tivi Xikwembu.”
Tinhlamunselu ta le hansi
^ Kumbexana: “hi nga basanga”.
^ Kumbe: “makungu”.
^ Kumbe: “khwita.”
^ Kumbe: “lifu la ku chavisa.”
^ Kumbe: “xivavula.”
^ Kumbe: “va ta chava”.
