Yobo 19:1-29
19 Yobo a hlamula a ku:
2 “Kasi mi ta ni karhata anze siku muni,+Na mi ni vavisa hi marito?+
3 Mi ni rhuketele ka 10;A swi mi danisi ku ni hlupha?+
4 Loko hikakunene ni djohile,I xidjoho xa mina.
5 Loko mi tshamela ku hlaya swaku ma yampsa ku tlula mina,Mi tlhela mi hlaya swaku khombo leli ni nga li kuma ni yo tilavela,
6 Kutani swi tiveni swaku ni kanganyisiwe hi Xikwembu,Naswona xi ni phasile hi redi la xona la ku hlota.
7 Phela ni tshamela ku rila ni ku: ‘Ni vavisiwile,’ kambe a ni hlamuliwi;+Ni tshamela ku kombela ku pfuniwa, kambe a ku na munhu lweyi a nyimaka na mina.+
8 A ni swi koti ku hundza hikusa xi ni pfalele ndlela hi muru wa maribye;Xi pfale tindlela ta mina hi munyama.+
9 Xi yendle swaku ni nga ha hloniphiwiXi susa harhi* ka nhloko ya mina.
10 Xi ni tshovelela matlhelo hinkwawu anze ni hela;Xi tsuvula ntshembo wa mina ku fana ni nsinya.
11 Ku kwata ka xona ka ni hisa,Naswona xi ni vona na ni li nala wa xona.+
12 Masonchwa ya xona ma lwa na mina,Ma gwimba matende amatlhelweni ka tende la mina.
13 Xi ni hambanise ni vamakwerhu xi va yisa kule na mina,Ni lava ni tivaka va ni tshikile.+
14 Vanghanu* va mina vavakulu a va ha li kona,Ni lava a ni va tolovelile va ni khohlwile,+
15 Vapfhumba va mina+ ni vatirhi va mina va xisati va ni vona na ni li munhu wa ku ta;Ni munhu wa ku ta hi ka tiko lin’wani ka matihlo ya vona.
16 Ni vitana mutirhi wa mina kambe a nga hlamuli;Ni mu kombele swaku a ni twela wusiwana.
17 Ku hefemula ka mina ka nyenyentsa ka nsati wa mina,+Naswona na nun’hwa ka vamakwerhu.
18 Hambi vana va ni nyenya;Loko ni sekeleka ni nyima, va sungula ku ni poyila.
19 Vanghanu va mina vavakulu hinkwavu va ni nyenya,+Ni lava a ni va rhandza va ni djikelile.+
20 Ni yo sala hi marhambu,+Ku yo sala kutsongo swaku ni fa.
21 Ni tweleni wusiwana, n’wina vanghanu va mina, ni tweleni wusiwana,Hikusa ni khumbiwe hi voko la Xikwembu.+
22 Hi mhaka muni mi tshamela ku ni hlupha ku fana ni Xikwembu,+Mi lwa na mina mi nga ni tshiki?+
23 Loko marito ya mina a mo tsaliwa hansi,Loko a mo tsaliwa ka buku!
24 Loko a mo tsaliwa ka ribye hi nsimbi,Ma tshama ka lona nkama hinkwawu!
25 Hikusa na swi tiva swaku muponisi wa mina+ wa hanya;A ta ta hi ku famba ka nkama, a ta nyima henhla ka misava.
26 Hambiloko xikhumba xa mina se xi yevuliwile,Kambe loko na ha hanya, ni ta vona Xikwembu,
27 Ni ta xi vona hi noxe,Ni ta xi vona hi matihlo ya mina, ku nga li ya mun’wani.+
Kambe ni karhatekile hintamu.
28 Hikusa mi li: ‘Hi mu xanisisa ku yini?’+
Ingaku hi mina ni vangaka xikarhatu.
29 Chavani xipada,+Hikusa xipada xi khatisa lweyi a djohaka;Mi fanele mi swi tiva swaku ku ni muyavanyisi.”+