Yobo 2:1-13
2 Hi ku famba ka nkama, ku fika siku leli vana va Xikwembu xa ntiyiso*+ va nga nghena va nyima phambheni ka Yehovha,+ Sathana na yena a fika a nghena xikarhi ka vona, swaku a nyima phambheni ka Yehovha.+
2 Yehovha a vutisa Sathana a ku: “U ta hi kwini?” Sathana a hlamula Yehovha a ku: “A no rhendzelekela amisaveni, ni djikadjika ka yona.”+
3 Se Yehovha a vutisa Sathana a ku: “U mu vonile mutirheli wa mina Yobo? A nga kona lweyi a fanaka na yena misaveni. A lulamile naswona wa tshembeka,+ a chava Xikwembu naswona a nyenya swilo swa ku biha. Wa ha tshembekile+ ni swoswi hambileswi u ni xengetelaka+ swaku ni mu helisa* na ku nga na xivangelo.”
4 Kambe Sathana a hlamula Yehovha a ku: “Xikhumba hi xikhumba. Munhu a ta humesa hinkwaswu leswi a nga na swona swaku a ponisa wutomi la yena.
5 Kambe hi nga tlakusa voko la wena u ba marhambu ni muzimbha wa yena, u ta swi vona swaku a ta ku rhuka.”+
6 Kutani Yehovha a byela Sathana a ku: “A le ka mavoko ya wena! Kambe u nga mu dlayi!”
7 Kutani Sathana a suka phambheni ka Yehovha, a ya ba Yobo hi marhumba ya ku vava ngopfu,+ ku sukela ka minkondzo anze ka nhloko.*
8 Yobo a teka xirhengele* a ya tshama ka nkuma swaku a tinwaya hi xona.+
9 Hi wugamu nsati wa yena a mu byela a ku: “Wa ha tama u tshembeka ni swoswi? Rhuka Xikwembu u fa!”
10 Kambe a mu hlamula a ku: “U vulavula ku fana ni wansati wa ku phunta. Hi fanele hi yamukela swilo swaswinene ntsena ka Xikwembu xa ntiyiso, hi nga yamukeli ni swa ku biha?”+ Ka hinkwaswu leswi, Yobo a nga djohanga hi nomo wa yena.+
11 Se vanghanu vanharhu va Yobo va twa makhombo lawa ma nga mu humelela, kutani va ya, mun’wani ni mun’wani a a ta hi ka ndhawu ya yena, Elifazi+ a a ta hi Temani, Bilidadi+ a a ta hi Xuwaya+ kasi Zofari+ a a ta hi Namani. Va twanane ku tlhangana swaku va ta ya mu singatha ni ku mu tiyisa.
12 Nkama va nga mu vona na va ha li ka kule a va nga ha mu tivi. Kambe nkama va nga fika kusuhi va sungula ku rila hintamu va handzula ni mpahla ya vona, va xwanya wuthulu amoyeni va tichela hi lona ka tinhloko.+
13 Se va tshama na yena hansi 7 wa masiku.* A nga kona lweyi a a mu yangula, hikusa a va swi vona swaku a twa ku vava hintamu.+
Tinhlamunselu ta le hansi
^ I mavulavulelo ya Xiheberu lama vulaka tintsumi.
^ Hi Xiheberu: “ku mu minta”.
^ Kumbe: “rhavarhava.”
^ I xikhemu xa xibya xa ku yendliwa hi vumba.
^ Kumbe: “7 wa masiku, wusiku ni nhlikanhi.”
