Yobo 21:1-34
21 Yobo a hlamula a ku:
2 “Ni yingiseleni kahle;Hikusa loko mi yendla leswo mi ta va na mi ni tiyisa.
3 Ni lehiseleni mbilu loko ni vulavula;Mi ta ni poyila loko se ni hetile.+
4 Kasi swikhalu swa mina no byela munhu ke?
Loko a ku li leswo, indjhe a ni nga ta karhala?
5 Ni txuvukeni mi hlamala;Tipfaleni nomo hi voko.
6 Loko ni pimisa hi swona, na karhateka,Naswona muzimbha wa mina hinkwawu wa rhurhumela.
7 Hi mhaka muni lava yendlaka swa ku biha va tama va hanya,+Va guga va tlhela va ganya?*+
8 Vana va vona va hanya malembe ya manyingi,Va hanya va za va vona ni vatukulu va vona.
9 Tiyindlo ta vona ti vhikelelekile, a va chavi nchumu,+Funtshi Xikwembu a xi va khatisi hi nhonga ya xona.
10 Tihomu ta vona ta xinuna ta nyimbisa;Tihomu ta vona ta xisati ta psala, a ti humeliwe hi tinyimba.
11 Vana va vona va madjaha va tsutsumatsutsuma hala handle ku fana ni ntlhambi wa swifuyu,Ni vana va vona va tlanga.
12 Va yimbelela na va chaya xingomana ni haripa,Va tsaka loko va twa flawuta* li chayiwa.+
13 Va hanya wutomi la vona na va tsakile,Naswona va ya Sirheni* na va ni ku rhula.*
14 Kambe va byela Xikwembu xa ntiyiso va ku: ‘Hi tshike!
A hi swi lavi ku tiva tindlela ta wena.+
15 Lweyi Wa Matimba Hinkwawu o va mani swaku hi mu tirhela?+
Swi ta hi pfuna hi yini ku va vanghanu va yena?’+
16 Kambe na swi tiva swaku a va swi koti ku yendla swaku swilo swa vona swi va fambela kahle.+
A ni pimisi ku fana ni lava yendlaka swa ku biha.+
17 I kangani a xa ku voninga hi xona xa lava yendlaka swa ku biha xi timiwa?+
I kangani va kumana ni makhombo?
I kangani Xikwembu xi nga va helisa hi mhaka ya leswi xi nga va kwatela?
18 Indjhe va fana ni byanyi leli biwaka hi moyaKumbe muhungu lowu biwaka hi moya?
19 Xikwembu xi ta khatisa vana hi mhaka ya xidjoho xa papayi wa vona.
Kambe Xikwembu a xi mu khatise na yena swaku a ta twa ku vava.+
20 A a kumani ni khombo,Ni navela swaku a nwa ku kwata loku taka hi ka Lweyi Wa Matimba Hinkwawu.+
21 Hi mhaka muni a ni mhaka ni leswi nga ta sala swi yendleka ka vana va yena loko se a file,Loko masiku ya wutomi la yena ma pumbiwile?+
22 Indjhe a kona lweyi a nga djondzisaka nchumu* Xikwembu+Kuve hi xona xi yavanyisaka hambi ku li lava nga tlakuka?+
23 Ku ni lweyi a faka na a ha ni matimba,+Na a nga karhatiwi hi nchumu funtshi na swi mu fambela kahle,+
24 Loko minenge* ya yena ya ha nonile,Ni marhambu ya yena ma ha tiyile.
25 Kambe ku ni lweyi a faka na a karhatekile hintamu,A nga tikhorisanga hi swaswinene.
26 Hinkwavu va ta yetlela xikan’we ka wuthulu,+Hinkwavu va ta mbhonyiwa hi swivungwani.+
27 Na swi tiva leswi mi swi pimisakaNi maplanu* lawa mi ni yendlelaka wona.+
28 Hikusa mi li: ‘Yi kwini yindlo ya lweyi a nga ka xiyimu xa le henhla,Li kwini tende leli lweyi a yendlaka swa ku biha a a tshama ka lona?’+
29 Indjhe mi va vutisile vayendzi?
Ma swi kambisisa leswi va swi vonaka,
30 Leswaku lweyi a yendlaka swa ku biha wa ponisiwa hi siku la khombo,Wa ponisiwa hi siku la swikarhatu?
31 I mani lweyi a nga ta mu vutisa hi mahanyelo ya yena,Naswona i mani lweyi a nga ta mu hakelisa hi leswi a nga swi yendla?
32 Loko a yisiwa simitela,Ku ta va ni munhu lweyi a nga ta vonelela sirha la yena.
33 Mabuvu* ya misava ya le nkoveni ma ta mu nandzikela,+Vanhu hinkwavu va ta mu landzela,+Ku fana ni vanhu va vanyingi lava nga fa na yena a nga se fa.
34 Kutani hi mhaka muni mi ni tiyisa hi marito ya ku kala ma nga li ya nchumu?+
Leswi mi swi hlayaka i mavunhwa!”
Tinhlamunselu ta le hansi
^ Kumbe: “va va ni ntamu?”
^ Kumbe: “xitiringo”.
^ Kumbe: “Sheol”. Vona Ntlhamuselo.
^ Kumbe: “hi nkamanyana.” Leswi hlayaka swaku va fa hi ku hantlisa va nga twanga ku vava.
^ Kumbe: “wutivi”.
^ Kumbe: “mathanga”.
^ Kumbe: “makungu”.
^ Kumbe: “Swibuvu; Magadi”.