Yobo 22:1-30
22 Elifazi+ wa Mutemani a hlamula a ku:
2 “Kasi munhu o va wa yini ka Xikwembu?*
Indjhe munhu wa ku tlhariha a nga xi pfuna hi yini?+
3 Indjhe Lweyi Wa Matimba Hinkwawu a ni mhaka* loko u lulamile,Kumbe swi mu pfuna hi yini loko u tshama na u tshembekile?+
4 Indjhe Xikwembu xi ta ku khatisa,Xi tlhela xi ku yisa tribunali hileswi u xi hloniphaka?
5 Indjhe a xi ku khatisi hi mhaka ya leswi u yendlaka swa ku biha hintamuNaswona u tshamelaka ku djoha?+
6 Hikusa u tekela vamakwenu minchumu leyi va nga tshembisa hi yona swaku va ta ku hakela leswi u nga va txeneka na ku nga na xivangelo,U tekela vanhu mpahla ya vona, va sala va nga na swa ku yambala.+
7 Lava nga karhala u va tsona mati ya ku phuza,Lava twaka ndlala u va tsona swakudla.+
8 Tiko i la lweyi a nga ni matimba,+Naswona lweyi a rhandziwaka a tshama ka lona.
9 Kambe u tlhelise vavasati va ku feliwa hi vavanuna na va nga na nchumu,Naswona u hluphe vana lava nga feliwa hi vapsali.
10 Hi leswo swi nga yendla swaku ku va ni mintlhamu matlhelweni ka wena,+Ni makhombo ya ku kala u nga ma nyimelanga ma ku chavisa;
11 Hi leswo swi yendlaka swaku ku va ni munyama u za u nga swi koti ku vona,Ni mati ya ndhambi ma ku mbhonyile.
12 Kasi Xikwembu a xi le matilweni?
Naswona vona ndlela leyi tinyeleti hinkwatu ti nga le henhla ha yona.
13 Kambe u te: ‘Kasi, Xikwembu xo tiva yini?
Xi nga swi kota ku yavanyisa na xi li ka munyama?
14 A xi swi koti ku vona hikusa xi pfaleliwe hi marhefuNkama xi fambafambaka tilweni.’*
15 Indjhe u ta famba hi ndlela ya khaleLeyi vanhu lava yendlaka swa ku biha a va famba hi yona,
16 Lava va nga hantla va dlayiwa,Va kukuliwa hi ndhambi?*+
17 A va byela Xikwembu xa ntiyiso va ku: ‘Hi tshiki!’
Va tlhela va ku: ‘Kasi Lweyi Wa Matimba Hinkwawu a nga hi yendla yini?’
18 Kambe hi xona a xi tata tiyindlo ta vona hi swilo swaswinene.
(A ni pimisi ku fana ni vanhu volavo va ku yendla swa ku biha.)
19 Lava ku lulama va ta va vona na va helisiwa kutani va tsaka,Lava kalaka va nga na nandzu va ta va poyila, va ku:
20 ‘Valala va hina va helisiwile,Lava nga sala va ta hisiwa hi ndzilu.’
21 Tiva Xikwembu, u ta va ni ku rhula;U ta tlhela u kuma swilo swaswinene.
22 Yingisa nawu wa xona,U tlhela u veka marito ya xona ka mbilu ya wena.+
23 Loko u tlhelela ka Lweyi Wa Matimba Hinkwawu, u ta tlhela u hanya;+Loko u susa swa ku biha ka tende la wena,
24 Loko wo txukumeta woru ka wuthuluU txukumeta woru la le Ofiri+ ka maribye ya le nkoveni,
25 Kutani Lweyi Wa Matimba Hinkwawu a ta va woru la wena,A ta va prata la wena la xiyimu xa le henhla.
26 Se u ta tsaka hi mhaka ya Lweyi Wa Matimba Hinkwawu,U ta tshemba Xikwembu.
27 U ta xi kombela naswona xi ta ku twa;U ta yendla leswi u nga swi tshembisa.
28 Lexi u nga ta lava ku xi yendla xi ta yendleka;Ndlela ya wena yi ta voningeliwa.
29 Hikusa u ta danisiwa loko u tibyela,Kambe xi ta ponisa lava tivekaka hansi.
30 Xi ta ponisa lava kalaka va nga na nandzu;Kutani loko u nga na nandzu u ta ponisiwa.”
Tinhlamunselu ta le hansi
^ Kumbe: “a nga xi pfuna hi yini Xikwembu?”
^ Kumbe: “swa mu tsakisa Lweyi Wa Matimba Hinkwawu”.
^ Hi Xiheberu: “amagamu ka matilo.”
^ Hi Xiheberu: “nambu.”
