Yobo 23:1-17
23 Yobo a hlamula a ku:
2 “Ninamuntlha na ha rila ni karhateka swinene;+Ni hele matimba hi mhaka ya ku konya.
3 Loko a no tiva lomu ni nga xi kumaka kona Xikwembu!+
A ni ta ya lani xi tshamaka kona.+
4 A ni ta ya xi byela mhaka ya mina,Ni xi komba swaku a ni na nandzu swaku ni tinyimelela phambheni ka xona;
5 A ni ta twa leswi a xi ta ni hlamulisa swona,Ni swi yingisela kahle leswi xi ni byelaka swona.
6 Indjhe a xi ta phikizana na mina leswi xi nga ni matimba yamakulu?
Ihim, na tshemba swaku a xi ta ni yingisela.+
7 Kutani lweyi wa ku lulama a a ta lulamisa timhaka na xona,Naswona Muyavanyisi wa mina a a ta susa nandzu wa mina hi masiku ni masiku.
8 Kambe loko ni ya awuxeni, a xi kona;Ni loko ni vuya a ni xi kumi.
9 Loko xi tirha ka tlhelo la ximatsi, a ni xi voni;Ni loko xi ya ka tlhelo la xinene, a ni xi voni.
10 Kambe xa yi tiva ndlela leyi ni fambaka hi yona.+
Loko xi gama ku ni ringa, ni ta va ni basile ku fana ni woru la ku tenga.+
11 Minenge ya mina yi landzelela minkondzo ya xona;Ni fambe ka ndlela ya xona, a ni djikanga.+
12 A ni yi tshikanga minawu ya xona.
Ni yingisa minawu ya xona+ ku tlula mpimu lowu nga vekiwa.
13 Loko xi tinyimiselile, i mani lweyi a nga xi pfalelaka?+
Loko xi lava ku yendla nchumu, xa swi yendla.+
14 Hikusa xi ta swi yendla hinkwaswu leswi xi lavaka ku swi yendla hi mina,Funtshi swilo swa kona i swinyingi.
15 Hi leswo swi yendlaka ni karhateka hi mhaka ya xona;Loko ni pimisa hi xona, ni sungula ku chava hintamu.
16 Xikwembu xi yendle swaku ni nga ha titshembi,Lweyi Wa Matimba Hinkwawu a ni chavisile.
17 Kambe munyama a wu se ni miyeta,Hambi munyama lowu nga mbhonya nghohe* ya mina.
Tinhlamunselu ta le hansi
^ Kumbe: “kara la”.
