Yobo 24:1-25
24 “Hi mhaka muni Lweyi Wa Matimba Hinkwawu a nga vekanga nkama wa ku yavanyisa?+
Hi mhaka muni lava mu tivaka va nga li voni siku la yena?
2 Vanhu va chovha ximhandzani* xa ku markara ndhawu ka tiko la van’wani;+Va yiva tinyempfu va ti yisa ka tindhawu ta vona ta ku lusela ka tona.
3 Va teka mbongolo ya vana lava kalaka va nga na vapsali*Ni homu leyi lumbaka wansati wa ku feliwa hi nuna swaku va tiyiseka swaku a ta hakela xikweneti xa yena.+
4 Va sindzisa swisiwana swaku swi va nyisela ndleleni;Ni lava kalaka va nga na wa ku va pfuna va sindziseka ku tumbela loko va va vona.+
5 Swisiwana swi hlota swakudla ku fana ni timbongolo ta nhova+ amananga;Swi lavela vana va swona swakudla amananga.
6 Swi boheka ku tshovela ka masimu ya mun’wani,*Ni ku rholela leswi nga sala ka masimu ya mawuvha ya lweyi a yendlaka swa ku biha.
7 Swi heta wusiku hinkwalu na swi nga yambalanga;+A swi na swa ku yambala loko ku ni xirhami.
8 Swi tsakamisiwa hi mpfula ya le ka tintshava;Swi namarhela maribye hikusa a swi na ka ku tumbela.
9 N’wana lweyi a kalaka a nga na papayi a wutliwa na a li ka vele la mamani;+Naswona mpahla ya swisiwana ya tekiwa swaku yi tiyisekisa swaku swi ta hakela xikweneti,+
10 Swi boheka ku famba na swi nga yambalanga nchumu,Swi rhwala tinyandza ta leswi nga tshoveliwa na swi twa ndlala.
11 Swi tirha ingaku swo va swikarawa xikarhi ka mimuru na swi hisiwa* hi dlambu;Swi kama mawuvha, kambe na swi fa hi torha.+
12 Lava faka va tshamela ku konya ka doropa;Lava nga vavisiwa ngopfu va rila va kombela ku pfuniwa,+Kambe Xikwembu a xi na mhaka na swona.*
13 Ku ni lava nyenyaka ku vonakala;+A va ti voni tindlela ta kona,Naswona a va ti landzeli tindlela ta kona.
14 Mudlayi a pfuka nimpundzu;A dlaya lweyi a kalaka a nga na wa ku mu pfuna ni xisiwana,+Kasi niwusiku a ya ku yiveni.
15 Lweyi a mbuyetaka, a nyima li za li pela,+A ku: ‘A ku na lweyi a nga ta ni vona!’+
Naswona a timbhonya nghohe.*
16 Va tlhanya tiyindlo ta vanhu niwusiku;Ninhlikanhi a va humi.
Va chava ku vonakala.+
17 Hikusa mixo wu fana ni munyama wawukulu ka vona;Va tolovele swilo swa ku chavisa swa munyama wawukulu.
18 Kambe va kokiwa hi ku hantlisa hi mati.
Ndhawu ya vona yi ta rhukiwa.+
A va nge he tlheli ka masimu ya vona ya mawuvha.
19 Ku fana ni leswi djandza ni mumu swi tekaka gamboko* leyi nga deretera,Sirha* li teka lava nga djoha!+
20 Mamani wa yena a ta mu khohlwa; swivungwani swi ta tikhorisa hi yena.
A nge he khumbukiwi.+
Lava kalaka va nga lulamanga va ta tshoviwa ku fana ni nsinya.
21 A xanisa wansati lweyi a kalaka a nga psali,A hlupha wansati wa ku feliwa hi nuna.
22 Xikwembu xi ta helisa lava nga ni ntamu hi matimba ya xona;Hambi vo tlhela va va ni matimba a va na ntshembo swaku va ta hanya.
23 Xikwembu xi va tshika va titshemba ni ku tivona na va vhikelekile,+Kambe xi vona hinkwaswu leswi va swi yendlaka.*+
24 Va tlakusiwa swa nkamanyana va gama va nyamalala.+
Va fana ni swichocho* swa trigu+ leswi tsemiwaka swi gama swi hlengeletiwa;Va vekiwa hansi va gama va fa ku fana ni vanhu hinkwavu.
25 I mani lweyi a nga kombisaka swaku na hembaKumbe a kaneta leswi ni swi hlayaka?”
Tinhlamunselu ta le hansi
^ Kumbe: “xikhonkhwana”.
^ Kumbe: “va kalaka va nga na papayi”.
^ Kumbexana: “swi tshovela mabyanyi amasin’wini”.
^ Kumbexana: “Swi psanya mihandzu swaku swi hamba mafurha axikarhi ka mimuru”.
^ Kumbexana: “Xikwembu a xi nyiki munhu nandzu.”
^ Kumbe: “kara.”
^ Kumbe: “neve”. I minchumu ya ku basa yi ku baa ku fana ni jelu.
^ Kumbe: “Sheol”. Vona Ntlhamuselo.
^ Hi Xiheberu: “tindlela ta vona.”
^ Ku nga leswi tsemiwaka nkama trigu li tshoveliwaka swi gama swi hlengeletiwa.
