Yobo 27:1-23
27 Yobo a tama a vulavula a ku:
2 “Na funga hi vito la Xikwembu lexi hanyaka, lexi yalaka ku ni yendlela swa ku lulama,+Na funga hi Lweyi Wa Matimba Hinkwawu, lweyi a nga ni twisa ku vava,+
3 Swaku loko na ha hefemulaNaswona moya wa Xikwembu wa ha li ka tinhompfu ta mina,+
4 Nomo wa mina a wu nge vulavuli swa ku kala swi nga lulamanga;Ni lirimi la mina a li nge vulavuli swa wukanganyisi!
5 A ni nge tshuki ni hlaye swaku mi lulamile!
Ni ta za ni ya fa na na ha tshembekile!+
6 Ni ta tshama ni tshembekile;+Mbilu ya mina a yi nge ni voni nandzu loko ntsena na ha hanya.
7 Nala wa mina a a fane ni munhu lweyi a yendlaka swa ku biha,Lava lwaka na mina a va fane ni va ku kala va nga lulamanga.
8 Hikusa munhu lweyi a kalaka a nga xi hloniphi Xikwembu a va ni ntshembo wini loko a helisiwa,+A va ni ntshembo wini loko Xikwembu xi mu helisa?
9 Xikwembu xi ta twa ku rila ka yenaLoko a kumana ni swikarhatu?+
10 Kumbe a ta tsaka hi mhaka Lweyi Wa Matimba Hinkwawu?
Indjhe a ta vitana Xikwembu minkama hinkwayu?
11 Ni ta mi djondzisa matimba ya Xikwembu;A ni nge mi fihleli nchumu hi Lweyi Wa Matimba Hinkwawu.
12 Loko ku li leswaku hinkwenu ku ni leswi mi nga kombiwa swona,Hi mhaka muni mi vulavula minchumu ya ku kala yi nga pfuni nchumu?
13 Wolowo i muholo lowu Xikwembu xi nyikaka lava yendlaka swa ku biha,+Tshomba leli Lweyi Wa Matimba Hinkwawu a li nyikaka lava xanisaka van’wani.
14 Loko vana va yena va tala, va ta dlayiwa hi xipada,+Naswona vatukulu va yena a va nga ta va ni swakudla swa ku va yenela.
15 Lava nga ta sala ka ndjangu wa yena va ta dlayiwa hi mavabyi,Ni vasati va vona a va nge va rili.
16 Hambi o hlengeleta prata la linyingi ku fana ni misava,A hlengeleta mpahla ya ku saseka ku fana ni vumba,
17 Hambi o swi hlengeleta,Lava ku lulama va ta swi yambala,+Lava ku lulama va ta yavelana prata la yena.
18 Yindlo leyi a yi yakaka a yi tiyanga, yi fana ni xisaka xa muhlwa,*Yi fana ni ndhawu ya ku tumbela ka yona+ leyi nga yakiwa hi murindzi.
19 A ta ya ku yetleleni na a ganyile kambe a nga ta hlengeleta nchumu;Loko a pfula matihlo, ku ta va ku nga ha na nchumu.
20 A ta taleliwa hi ku chava ku fana ni tiko loko li taleliwa hi ndhambi;A ta kokiwa hi xidzedze niwusiku.+
21 A ta tlakuliwa hi moya wa le wuxeni, a nga ha vi kona;Wu ta mu susa wu mu yisa kule ni ndhawu ya yena.+
22 Wu ta mu bisa ximona+Nkama a nga ta zama ku wu baleka.+
23 Wu ta mu bela mavokoWu tlhela wu mu bela noti+ na wu li ka ndhawu ya wona.*
Tinhlamunselu ta le hansi
^ Ku nga xiharhi xaxitsongo xa ku fana ni nsokoti kambe na xi ni timpapa.
^ Kumbexana: “Va ta mu bela mavoko va tlhela va mu bela noti na va li ka ndhawu ya vona.”
