Yobo 31:1-40
31 “Ni yendle ntwananu ni matihlo ya mina,+
Wa leswaku a ni nge yi txuvuki ntombhi* ni za ni yi navela.+
2 Kutani Xikwembu lexi nga henhla xi ta ni nyika yini,Ku ni tshomba ni nga ta li kuma ka Lweyi Wa Matimba Hinkwawu lweyi a nga henhla?
3 Indjhe a khombo a li kumiwi hi lava yendlaka swa ku bihaNi swikarhatu a swi kumiwi hi lava yendlaka swa ku biha?+
4 Indjhe a xi ti voni tindlela ta mina+Xi tlhela xi kontela hinkwaku lomu ni psanyaka kona?
5 Ni tshama ni hembela munhu?
Kumbe ni tshama ni kanganyisa munhu?+
6 Xikwembu a xi ni peze hi mabalansa* yamanene;+Kutani xi ta swi vona swaku ni tshembekile.+
7 Loko minenge ya mina yi humile ndleleni,+Kumbe mbilu ya mina yi yendle leswi naveliwaka hi matihlo ya mina+Kumbe ni chakise mavoko ya mina,
8 Kutani mbewu leyi ni yi byalaka a yi dliwe hi mun’wani,+Ni leswi ni swi byalaka a swi tsuvuliwe.*
9 Loko mbilu ya mina yi xengiwile hi wansati,+Kutani ni mu tumbelela+ ka nyanghwa wa vhizinyu wa mina,
10 Loko ku li leswo nsati wa mina a a silele wanuna mun’wani tindzoho,Naswona vavanuna van’wanyani a va fambe masangu na yena.+
11 Hikusa leswo ku ta va ku li mahanyelo ya ku biha,Xidjoho lexi lavaka swaku munhu a khatisiwa hi vayavanyisi.+
12 Ku ta va ku li ndzilu lowu nga ta helisa,+Wu hisa hinkwaswu leswi ni nga na swona.
13 Loko ni yale ku lulamisa mhaka ya vatirhi va minaNkama va nga rila hi mina,
14 Se ni nga yendla yini loko Xikwembu xi ni vutisa?
Ni ta ku yini loko xi lava ku hlamuliwa?+
15 Mina na vona a hi hambiwanga hi xona ndzeni ka khwirhi?+
A hi xona xi nga hi hamba na hi nge se psaliwa?+
16 Loko ni yale ku nyika swisiwana leswi a swi swi lava+Kumbe ni kwatisa vavasati va ku feliwa hi vavanuna;+
17 Loko a ni dle swakudla swa mina,Ni tsona vana va ku kala va nga na vapsali;+
18 (Hikusa vana lava kalaka va nga na vapapayi va kule na mina ingaku no va papayi wa vona,A ni pfuna vavasati va ku feliwa hi vavanuna ku sukela loko na ha li mutsongo.)
19 Loko ni vone munhu a hlupheka hi mhaka ku kala mpahla,Kumbe xisiwana xi nga na mpahla;+
20 Loko a nga ni khensanga,+Nkama a a kufumetiwa hi mavoya ya tinyempfu ta mina;
21 Loko ni kombete n’wana lweyi a kalaka a nga na vapsali hi xibakela+Nkama a a kombela ku pfuniwa ka nyanghwa wa doropa;*+
22 Voko la mina a li phatluke hi le ka katla,Voko la mina a li tshoveke hi le xikarhi.*
23 Hikusa a ni chavisiwa hi khombo leli taka hi ka Xikwembu,A ni tsandzeka ku nyima phambheni ka ku phatima ka xona.
24 Loko a ni tshembe woruKumbe ni byele woru lalinene ni ku: ‘U ta ni vhikela!’+
25 Loko a ni tsakile hi mhaka ya tshomba la mina la linyingi,+Hi mhaka ya swilo swa swinyingi leswi a ni li na swona;+
26 Loko a ni vone ku vonakala ka dlambu,Kumbe ku famba ka n’weti na wu phatima;+
27 Yi gama mbilu ya mina yi xengiwa,Kutani nomo wa mina wu bejara* voko la mina, ni swi gandzela;+
28 Xolexo a ku ta va xidjoho lexi a xi ta lava leswaku ni khatisiwa hi vayavanyisi,Hikusa a ni ta va ni tshike Xikwembu xa ntiyiso lexi nga henhla.
29 Ni tshame ni tsaka loko ni vona nala wa mina a helisiwa,+Kumbe ni tsaka loko a kumana ni khombo?
30 A ni se tshama ni djoha hi nomo wa minaHi ku mu rhuketela ni mu navelela swaku a fa.+
31 A vanhu lava tshamaka ka tende la mina a va vutisanga va ku:‘I mani lweyi a tivaka munhu lweyi a kalaka a nga xurhanga hi swakudla* swa yena?’+
32 A ku na munhu wa ku ta lweyi a nga tshama a yetlela handle;+A ni yamukela ni vapfhumba.
33 Indjhe ni tshama ni zama ku tumbeta xidjoho xa mina, ku fana ni vanhu van’wani,+Hi ku fihla xidjoho xa mina aphakidini?
34 Ni tshama ni chava swaku vanhu va ta ku yini,Kumbe ni tshama ni chava ku hlekiwa hi mindjangu yin’wani,Ni za ni miyela ni ku whii, ni chava ni ku huma handle?
35 Loko a ko va ni lweyi a ni yingisaka!+
A ni ta tiyisekisa leswi ni swi hlayaka hi ku swi sinara.
Lweyi Wa Matimba Hinkwawu a a ni hlamule!+
Loko ntsena lweyi a ni mangalelaka a a yo swi tsala leswi a ni lumbetaka hi swona!
36 A ni ta swi pakatsa hi katla,Naswona a ni ta swi boha ka nhloko ku fana ni harhi.*
37 A ni ta xi byela hinkwaswu leswi ni nga swi yendla;A ni ta ya ka xona na ni titshemba, ku fana ni n’wana wa hosi.
38 Loko masimu ya mina ma rile hi mina,Ni misava ya kona swi rile xikan’we;
39 Loko ni dle mihandzu ya yona mahala,+Kumbe loko ni hluphe a vinyi va yona;+
40 A ku mile mintwa ku nga li triguNi mabyanyi* ya ku nun’hwa ku nga li maxalani.”*
Marito ya Yobo ma hela kola.
Tinhlamunselu ta le hansi
^ Ku nga ntombhi leyi kalaka yi nga se famba masangu.
^ Kumbe: “swikalu”.
^ Kumbe: “Vatukulu va mina a va tsuvuliwe.”
^ Kumbexana: “Loko ni vona swaku va ni seketela ka nyanghwa wa doropa.”
^ Kumbe: “ka xikokola.”
^ Kumbe: “n’quta; nyunta”.
^ Hi Xiheberu: “nyama”.
^ Kumbe: “korowa.”
^ Kumbe: “mfava wa ku nun’hwa”.
^ Kumbe: “sevhada.”
