Yobo 4:1-21
4 Se Elifazi+ wa le Temani a hlamula a ku:
2 “Loko munhu a lava ku vulavula na wena, a wu nga ta mu helela mbilu?
Hikusa i mani lweyi a nga miyelaka a nga vulavuli?
3 I ntiyiso swaku wena u laye vanhu vanyingi,Naswona a wu hamba u tiyisa lava va nga hela ntamu.
4 Marito ya wena a ma pfuxa lweyi a nga wa,Naswona a wu tiyisa lava matsolo ya vona a ma ngundlangundla.
5 Kambe swoswi swi yendleke ka wena se u hela mbilu;Swa ku khumba kutani u hela ntamu.
6 Kasi a wu na ntshembo hi mhaka leswi u hloniphaka Xikwembu?
Kasi ku tshembeka ka wena+ a ku ku nyiki ntshembo?
7 Ni kombela u khumbuka: Hi wini munhu lweyi a kalaka a nga na nandzu lweyi a nga tshama a helisiwa?
Hi siku muni ku nga tshama ku helisiwa munhu wa ku lulama?
8 Leswi ni nga swi vona i swaku lava byalaka swa ku bihaNi lava byalaka swikarhatu va ta tshovela swoleswo.
9 Va fa loko Xikwembu xi hefemula,Naswona va helisiwa loko xi va kwatela.
10 Nghonyama ya bonga ni xinghonyamani xa pfhumpfha,Kambe hambi matinyu ya tinghonyama ta matimba ma tshoveka.
11 Nghonyama ya fa hi mhaka ya ndlala,Ni vana va nghonyama va hangalasiwa.
12 Ku ni leswi ni nga byeliwa xihundleni,Ni hleveteliwile ka ndleve ya mina.
13 Niwusiku, vanhu na va ha yetlele wurhongo lalikulu,Ni kombiwe minchumu leyi nga karhata mimpimiso ya mina,
14 Ni sungule ku rhurhumela hintamu,Marhambu ya mina hinkwawu ma sungula ku chava.
15 Ku ni lexi nga hundza* phambheni ka mina;Misisi ya mina yi nyima.
16 Xi fike xi nyima xi nga fambi,Kambe a ni nga swi koti ku swi twisisa swaku xi tshamise ku yini.
A ku ni ndzhuti phambheni ka mina;Se ku ku zwee, ni gama ni twa rito li ku:
17 ‘Indjhe munhu a nga va wa ku lulama ku tlula Xikwembu?
Indjhe munhu a nga basa ku tlula Lweyi a nga mu yendla?’
18 Phela a xi va tshembi lava va xi tirhelaka,Naswona xi kuma swihoxo ka tintsumi ta xona.
19 A na ha vuli vanhu lava fanaka ni tiyindlo ta vumba,Lava va nga yendliwa hi wuthulu,+Lava swi vevukaka ku va pshandlasa ku fana ni muhlwa!*
20 Va pfotloseliwa magamu ku sukela nimixo ku ya fika nimadlambu;Va heliseliwa magamu naswona a ku na munhu lweyi a nga ni mhaka na swona.
21 A va fani ni tende leli nga tsemiwa tingoti?
Va fa na va nga na wutlharhi.
Tinhlamunselu ta le hansi
^ Vona Ntlhamuselo ka rito leli nge “Moya”.
^ Ku nga xiharhi xaxitsongo xa ku fana ni nsokoti kambe na xi ni timpapa.