Yobo 41:1-34
-
Xikwembu xi tlhamusela Ngwenya ya ku hlamalisa (1-34)
41 “U nga phasa Ngwenya*+ hi ndzovo,*Kumbe u bohelela nomo wa yona hi goda?
2 Indjhe u nga nghenisa goda ka tinhompfu ta yona,Kumbe u yi boxa nomo* hi ndzovo?*
3 Indjhe yi nga ku baba ka kunyingi,Kumbe yi vulavula kahle na wena?
4 Indjhe yi nga yendla ntwananu na wena,Swaku u yi yendla xikarawa xa wena wutomi la yona hinkwalu?
5 U nga tlanga na yona ku fana niloko u tlanga ni xinyanyani,Kumbe u nga yi boha swaku yi tlanga ni vana va wena va tintombhi?
6 Indjhe vaxavisi va nga xaviselana yona?
Kumbe va nga pambulelana yona?
7 U nga boxa xikhumba xa yona xi tala hi mimpaxwa* ya ku tlhava tihlampfi tatikulu?+Kumbe u nga tata nhloko ya yona hi matlharhi ya ku tlhava tihlampfi?
8 Veka voko la wena henhla ka yona;Nyimpi ya kona a wu nge yi khohlwi naswona a wu nge he phindhi!
9 A wu nge tshuki u yi hlula.
Hi ku yi vona ntsena, u to vhela u rhurhumela.*
10 A nga kona lweyi a nga tiyaka a yi pfuxa.
Se i mani lweyi a nga ni tiyelaka mina?+
11 I mani lweyi a nga rhanga a ni nyika xanchumu, swaku ni za ni boheka ku mu hakela?+
Hinkwaswu leswi nga hansi ka matilo i swa mina.+
12 Ni ta ku byela swinyingi hi minenge ni mavoko ya yona,Matimba ni muzimbha wa yona lowu nga yendliwa kahle.
13 I mani lweyi a nga susaka xikhumba xa yona?
I mani lweyi a nga nghenaka ka nomo* wa yona lowu nga pfuleka?
14 I mani lweyi a nga pfulaka nomo wa yona?
Matinyu ya yona ma chavisa matlhelo hinkwawu.
15 Nhlana wa yona wu ni mafila ya makwakwarimba,*Lawa ma nga namarhelana swi tiya.
16 Ma patsane kahle,Hambi moya a wu swi koti ku nghena axikarhi ka wona.
17 Ma namarhelanile;Ma khomanile funtshi a ma nge hambaniseki.
18 Loko yi wetshemula ku humelela ku vonakala,Matihlo ya yona ma pshukile ku fana ni loko dlambu li xa.
19 Ka nomo wa yona ku pfurha ndzilu;Ku huma ni tinhlahle* ta ndzilu.
20 Tinhompfu ta yona ti huma ximusi,Ku fana ni ndzilu lowu wu nga tshiveliwa hi nhlanga.
21 Loko yi hefemula moya wa yona wu tlhavika makhala,Ku huma ndzilu ka nomo wa yona.
22 Nhamu ya yona yi ni matimba swinene,Hinkwavu lava tlhanganaka na yona va chava.
23 Tinyama ta yona ti namarhelanile;Ku fana ni nsimbi ya ku tiya leyi kalaka yi nga suseki.
24 Mbilu ya yona yi tiye ku fana ni ribye,Yi tiye ku fana ni ribye la ku silela ka lona.
25 Loko yi nyima, hambi lava nga ni matimba va chava;Ku mpfhumpfha ka yona ku yendla vanhu va karhateka va nga swi tivi swaku va ta yendla yini.
26 A yi nge hluliwi hi xipada;Hambi hi tlharhi kumbe hi mpaxwa.*+
27 Ka yona a nsimbi yi fana ni byanyi,A kobre li fana ni mhandzi ya ku bola.
28 A yi wu chavi mpaxwa;Maribye ya xibalakatsa ma fana ni nhlanga ka yona.
29 A ndhuku yi fana ni nhlanga ka yona,Funtshi yo hleka loko yi twa guwa la tlharhi.
30 Khwirhi la yona li fana ni swirhengele;*Loko yi famba henhla ka madaka yi siya mimarka ya ku fana ni ya xileyi.*+
31 Yi yendla mati ya ku yenta ma vila ku fana ni panela;Yi dunga lwandle ku fana ni panela ya mafurha.
32 Yi yendla swaku ku va ni khuvi* nkama yi fambaka ndzeni ka mati.
Munhu a nga vona ingaku a mati ma ni misisi ya ku basa.
33 A ku na nchumu xa ku fana na yona misaveni,Yi hambiwe swaku yi nga chavi nchumu.
34 Yi txuvuka swiharhi hinkwaswu leswi tibyelaka.
I hosi ya swiharhi hinkwaswu swaswikulu.”
Tinhlamunselu ta le hansi
^ Hi Xiheberu: “Levhiyathani”.
^ Kumbe: “anzol”.
^ Kumbe: “tinhlaya”.
^ Hi Xiheberu: “muntwa.”
^ Kumbe: “maflexa”.
^ Kumbe: “yi ta ku tlatlalata.”
^ Kumbe: “tinhlaya ta”.
^ Kumbe: “magwari”.
^ Kumbe: “titshatshe; mafayixka”.
^ Kumbe: “flexa.”
^ I swikhemu swa xibya xa ku hambiwa hi vumba.
^ Ku nga nchumu xa ku yendliwa hi xigodo lexi va pakelaka ka xona minchumu, lexi kokiwaka hi swiharhi.
^ Kumbe: “xipuma”.
