Yobo 5:1-27
5 “Ni kombela u huwelela! A kona lweyi a nga ta ku hlamula?
U ta ya ka mani ka lava va ku kwetsima?
2 Hikusa xiphunta xi ta fa hi ku veketela xiviti,Ni lweyi a kalaka a nga tlharihanga a ta fa hi wukwele.
3 Ni vone xiphunta na swi xi fambela kahle,Kambe hi nkamanyana yindlo ya xona yi rhukiwile.
4 Vana va xona a va vhikeliwanga,Va helisiwile ka tinyanghwa ta doropa,+ va pfumala ni munhu wa ku va ponisa.
5 Lweyi a twaka ndlala a dla leswi xi swi tshovelaka,A pambula ni xikarhi ka mimintwa,Xiphunta xi tekeliwa minchumu ya xona ni vana va xona.
6 Hikusa leswi nga ni khombo a swi mili ka wuthulu,Naswona swikarhatu a swi hluki ka misava.
7 Hikusa munhu a psaleliwa ku hlupheka,Ku fana ni leswi ndzilu* wu pfurhaka wu ya henhla.
8 Kambe mina a ni ta kombela ka Xikwembu,A ni ta yisa mhaka ya mina ka Xikwembu,
9 A ni ta byela lweyi a yendlaka swilo swaswikulu swaku a swi koteki ku swi twisisa,Lweyi a yendlaka swilo swa ku hlamalisa swa ku a swi konteki.
10 A nisa mpfula misaveniA rhumela mati atikweni.
11 A tlakusa swisiwana,A pfuxa lava nga hela ntamu a va ponisa.
12 A wonha maplanu* ya lava ku tlhariha,Swaku leswi va swi yendlaka swi nga fambi kahle.
13 A phasa va ku tlhariha hi maplanu ya vona,+Swaku maplanu ya lava ku tlhariha ma nga fambi kahle.
14 Va le ka munyama ninhlikanhi,Naswona va fana ni munhu lweyi a lavetelaka minchumu ka ku mphuma hambileswi ku vonaka.
15 Xikwembu xa va ponisa ka lava nga ni xipada ka minomo ya vona,Xi ponisa xisiwana ka lava va nga ni matimba,
16 Swaku xisiwana xi va ni ntshembo,Kambe lava yendlaka swa ku biha va pfaliwa minomo.
17 Wa tsaka lweyi a pfumelaka ku layiwa hi Xikwembu;Kutani u nga yali ku layiwa hi Lweyi Wa Matimba Hinkwawu!
18 Hikusa Xikwembu xa mu vavisa munhu, kambe xi tlhela xi mu bandicha;Xa tshovelela, kambe mavoko ya xona ma hanyisa.
19 Xi ta ku ponisa ka 6 wa makhombo,Ni la wu 7 a li nga ta ku vavisa.
20 Xi ta ku ponisa ka lifu hi nkama wa ndlala,Ni xipada a xi nga ta ku yendla nchumu hi nkama wa nyimpi.
21 U ta vhikeliwa ka lirimi leli tlhavaka,+Naswona a wu nga ta li chava khombo loko li ta.
22 A wu nga ta karhateka hi mhaka ku helisiwa ni ndlala,Naswona a wu nge swi chavi swiharhi swa misava.
23 Hikusa a wu nge vavisiwi hi maribye amasin’wini,Ni swiharhi swa khwati a swi nge ku karhati.
24 U ta swi tiva swaku tende la wena li tiyile,Naswona u ta kuma swaku a ku pfumaleki nchumu loko u ya kambela ndhawu leyi u luselaka ka yona.
25 U ta va ni vana va vanyingi,Ni vatukulu va wena va ta tala ku fana ni swinsinyani swa misava.
26 U ta fa na wa ha tiyile,Ku fana ni tinyandza ta trigu leti nga hlengeletiwa hi nkama wa tona.
27 Mhaka leyi hi yi kambisisile hi kuma swaku yi tshamise swoleswo.
Wena yingisa u tlhela u yi yamukela.”
