Yobo 6:1-30
6 Kutani Yobo a hlamula a ku:
2 “Loko a swo koteka swaku swikarhatu swa mina+ hinkwaswu swi pimiwaSwi patsiwa ni makhombo ya mina swi gama swi peziwa!
3 Swoswi a swi ta tika hintamu ku tlula misava ya lwandle.
Hi leswo swi ni yendlaka ni vulavula swilo swa ku kala swi nga twali.+
4 Hikusa mimpaxwa* ya Lweyi Wa Matimba Hinkwawu yi ni tlhavile,Ni phuza vhenenu la yona;+Xikwembu xi lwa na mina naswona na chava.
5 Indjhe mbongolo ya nhova+ yi nga rila loko yi ni byanyi,Kumbe homu yi nga bonga loko yi ni byanyi?
6 Indjhe swakudla swa ku kala swi nga nandziki swa dliwa na swi nga na munyu?Kumbe, sumu la ku hambiwa hi swinsinyani swa ku kala swi nga twali nchumu li nga nandzika ke?
7 Ni yalile ku khumba swilo leswo.
Swi fana ni chaka ka swakudla swa mina.
8 A ni navela swaku xikombelo xa mina xi twiwaXikwembu xi ni yendlela leswi ni swi navelaka!
9 Loko Xikwembu a xo pfumela ku ni pfotlosa,Ni loko a xo tshandzavuta voko la xona xi ni dlaya!+
10 Leswo a swi ta ni tiyisa;A ni ta tlulatlula hi ku tsaka hambileswi ni tshamaka na ni twa ku vava,Hikusa a ni tshikanga ku yingisa marito ya Mukwetsimi.+
11 Indjhe na ha ni ntamu wa ku tama ni tiyisela?+
Ka ha ni minchumu yayinene leyi ni nga yi nyimela leyi nga ni yendlaka swaku ni tama ni hanya?
12 Indjhe ni ni matimba ya ku fana ni ya ribye?
Kumbe nyama ya mina yi yendliwe hi kobre?
13 Ni ta rilela maniLeswi ku kalaka ku nga na munhu lweyi a nga ni pfunaka?
14 Lweyi a kalaka a nga rhandzi munhu mun’wani+A nge swi koti ku hlonipha Lweyi Wa Matimba Hinkwawu.+
15 Vamakwerhu va ni xengile+ ku fana ni xinambyana xa wuxika,Ku fana ni mati ya swinambyana swa wuxika leswi pshaka.
16 Swi ve ni madaka hi mhaka ya jelu,Swi mbhonyiwile hi gamboko* leyi dereteraka.
17 Kambe hi nkama wa kona swa psha swi hela;Loko ku hisa, swa woma.
18 Swa djikisiwa;Swi gama swi famba swi ya mananga swi nyamalala.
19 Mintlawa ya le Tema+ ya swi lavetela;Mintlawa ya lava va ku yendza va le Xeba+ ya swi nyimela.
20 Va danile hikusa va tshembe mavunhwa;Va fike kolanu na va danile.
21 Na n’wina mi fana na swona swinambyana leswi;+A mi ni pfunanga hi nchumu, mi vone ku chavisa ka khombo la mina se ma chava.+
22 Ni ze hi ku hlaya swaku: ‘Ni nyikeni nchumu,’
Kumbe, ni kombele swaku mi ni nyika nchumu ka tshomba la n’wina?
23 Ni tshama ni mi kombela swaku mi ni ponisa ka nalaKumbe mi ni ponisa ka lava ni hluphaka?
24 Ni djondziseni kutani ni ta miyela;+Ni pfuneni swaku ni twisisa xidjoho xa mina.
25 A ntiyiso a wu vavi!+
Kambe ku laya ka n’wina ku ni pfuna hi yini?+
26 Se mi yendla maplanu* ya ku lulamisa marito ya mina,Marito ya munhu lweyi a kalaka a nga swi tivi swaku a ta yendla yini,+ marito lawa ma biwaka hi moya?
27 Mi nga hoxa ni swiribyani,* mi hoxela n’wana lweyi a kalaka a nga na vapsali,+Mi tlhela mi xavisa ni munghanu wa n’wina!+
28 Swoswi ni txuvukeni,Hikusa a ni nge mi hembeli.
29 Ni kombela mi pimisa kahle hi mhaka leyi, mi nga ni yavanyisi hi ndlela ya ku biha,Pimisani kahle, hikusa na ha li munhu wa ku lulama.
30 Indjhe lirimi la mina li vulavula swa ku kala swi nga lulamanga?
Nomo wa mina a wu swi twi swaku ku ni leswi swi nga phazameka?
Tinhlamunselu ta le hansi
^ Kumbe: “maflexa”.
^ Kumbe: “neve”. I minchumu ya ku basa yi ku baa ku fana ni jelu.
^ Kumbe: “makungu”.
^ Vona Ntlhamuselo.
