Yobo 7:1-21
7 “Indjhe wutomi la munhu amisaveni a li fani ni wukarawa?Masiku ya yena a ma fani ni masiku ya mutirhi?+
2 Ku fana ni xikarawa a navela ndzhuti,Naswona ku fana ni mutirhi a nyimela muholo wa yena.+
3 Hi mhaka leyo, se ku hundze tiwheti ta tinyingi na wutomi la mina li nga li la nchumuNi hete masiku manyingi, wusiku wusiku na ni li ka swikarhatu.+
4 Loko ni yetlela na vutisa: ‘Kasi ni ta pfuka nkama muni?’+
Kambe loko wusiku li ya li famba hi kutsongokutsongo, na wumbulukela anze li xa.
5 Muzimbha wa mina wu tale hi swivungwani ni chaka;+Xikhumba xa mina xi tale hi swilondza leswi humaka wubofu.+
6 Masiku ya mina ma famba hi ku hantlisa ku tlula ni muchini wa ku rhunga,+Naswona ma hela na ni nga na ntshembo.+
7 Khumbuka swaku wutomi la mina li fana ni moya,+Ni swaku a ni nge he tlheli ni vona ku tsaka.
8 Tihlo leli ni vonaka swoswi a li nga ha ta tlhela li ni vona;Matihlo ya wena ma ta ni lava kambe ni ta va ni nga ha li kona.+
9 Ku fana ni rhefu leli fambaka li tlhela li nyamalala,Lweyi a nghenaka ka Sirha* a nga ha vuyi.+
10 A nge he tlheleli ka yindlo ya yena,Funtshi ndhawu ya yena a yi nge he mu tivi.+
11 Hi mhaka leyo, a ni nga ta wu pfala nomo.
Ni ta vulavula hikusa mbilu ya mina ya vava;Ni ta rila hi mhaka ya swikarhatu swa mina swaswikulu!+
12 No va lwandle kumbe xiharhi xa le lwandle,Leswaku u ni vekela munhu lweyi a ni vonelelaka?
13 Loko ni ku: ‘Sofa* la mina li ta ni tiyisa;Mubedo wa mina wu ta ni pfuna swaku ni humulanyana ka mahlomulo ya mina,’
14 Wa ni chavisa hi leswi u ni lorhisakaU tlhela u ni chavisa hi leswi u ni kombaka,
15 Hi mhaka leyo a ni ta langa ku tlimbiwa ni fa,A ni ta langa ku fa ku tlula ku va ni muzimbha wa matshamelo lawa.+
16 Na li nyenya wutomi la mina;+ a na ha swi lavi ku tama ni hanya.
Ni tshiki, hikusa masiku ya mina ma fana ni moya.+
17 Kasi munhu o va yini swaku u za u tikarhata hi yenaU tlhela u va ni mhaka na yena?+
18 Hi mhaka muni u mu kambela mixo wun’wani ni wun’wani,Hi mhaka muni u tshamela ku mu ringa?+
19 Hi mhaka muni u nga tshiki ku ni txuvuka,U ni tshikanyana ni minta marhi?+
20 Loko ni djohile, indjhe ni nga ku vavisa, wena lweyi u kambelaka vanhu?+
Hi mhaka muni u lwa na mina?
Se no va ndzhwalu ka wena?
21 Hi mhaka muni u nga ni rivaleli xidjoho xa minaU ni rivalela nandzu wa mina?
Ku nga li khale ni ta ya yetlela ka wuthulu,+U ta ni lava, kambe ni ta va ni nga ha li kona.”