Yobo 8:1-22
8 Kutani Bilidadi+ wa Muxuwaya+ a hlamula a ku:
2 “Kasi u ta tshamela ku vulavula hi ndlela leyi anze siku muni?+
Leswi u swi vulavulaka swi fana ni moya wa matimba!
3 Indjhe Xikwembu xi nga yavanyisa hi ndlela ya ku biha,Kumbe Lweyi Wa Matimba Hinkwawu a nga yendla swa ku kala swi nga lulamanga?
4 Loko vana va wena va mu djohelile,A va tshike va khatisiwa hi mhaka ku kala ku yingisa ka vona;
5 Kambe loko a wo kombela swaku Xikwembu xi ku pfuna,+Kumbe u kombela Lweyi Wa Matimba Hinkwawu swaku a va ni timpsalu ka wena,
6 Loko a wu basile hikakunene u tlhela u lulama,+A a ta ku twela wusiwanaA tlhela a ku tlhelisela ka leswi a wu li ka swona.
7 Naswona hambileswi masungulo ya wena a ma li matsongo,Ka nkama lowu taka minchumu a yi ta ku fambela kahle.+
8 Ni kombela u vutisa va khale,U swi yingisela kahle leswi vapapayi va vona va nga swi tsumbula.+
9 Hikusa hina hi psaliwe tolo funtshi a hi tivi nchumu,Hikusa masiku ya hina lani misaveni ma fana ni ndzhuti.
10 Indjhe a va nge ku djondzisiVa ku byela leswi va swi tivaka?
11 Indjhe xinsinyani xa papiru* xi nga kula xi leha na xi nga li ka ndhawu leyi nga ni mati?
Indjhe nhlanga wu nga kula wu leha na wu nga li ka mati?
12 Xi ta woma ku tlula swinsinyani leswin’waniNa xi nge se hluka kumbe xi nge se tsemiwa.
13 Hi swoleswo swi nga ta yendleka ka hinkwavu lava va khohlwaka Xikwembu,Hikusa ntshembo wa lava kalaka va nga hloniphi Xikwembu wu ta hela,
14 Lava tshembaka swa ku kala swi nga pfuni nchumuNi lava ntshembo wa vona wu kalaka wu nga tiyanga ku fana ni swisaka* swa pume.*
15 A ta khigetela ka yindlo ya yena kambe a yi nge tiyi;A ta zama ku yi khoma kambe yi ta wa.
16 A fana ni xinsinyani lexi kumaka mati ni dlambu,Lexi navaka ka jardim.+
17 Timintsu ta yena ti fika ti bohelela maribye lama nga hlengeletiwa;A lava ku tshama xikarhi ka wona.
18 Kambe loko a tsuvuliwa* ka ndhawu ya yena,Ndhawu yoleyo yi ta mu yala yi ku: ‘A ni se tshama ni ku vona.’+
19 A ta nyamalala hi ndlela yoleyo;+Kutani ku ta mila van’wani ka wuthulu.
20 Phela Xikwembu a xi nge va tshiki lava tshembekaka;Naswona a xi nge va pfuni lava yendlaka swa ku biha,
21 Hikusa xa ha ta yendla swaku u hlekaU tlhela u ba nkulungwani.
22 Lava ku nyenyaka va ta danisiwa,Tende la lava yendlaka swa ku biha a li nga ha ta va kona.”
Tinhlamunselu ta le hansi
^ Kumbe: “swingoye”.
^ Kumbe: “teia; wulwembu”. Hi Xiheberu: “yindlo”.
^ Kumbe: “aranha.”
^ Kumbe: “mintiwa”.
