Yobo 9:1-35
9 Yobo a hlamula a ku:
2 “Na swi tiva swaku leswo i ntiyiso.
Kambe munhu a nga va wa ku lulama hi ndlela yini phambheni ka Xikwembu?+
3 Loko munhu a lava ku phikizana* na xona,+Munhu yelweyo a nge xi hlamuli ni xin’we xa 1.000 wa swivutiso swa xona.
4 Xi tlharihile naswona xi ni matimba yamakulu.+
I mani a nga lwaka na xona kutani a nga vavisiwi?+
5 Xi susa tintshava na swi nga tiviwi hi munhu;Xa ti hundzuketa hi mhaka ya ku kwata ka xona.
6 Xi tsekatsekisa misava yi suka ka ndhawu ya yona,Swi za leswi yi nga tiya hi swona swi rhurhumela.+
7 Xi byela dlambu swaku li nga voningi,Naswona xi pfala tinyeleti swaku ti nga voningi;+
8 Xi yandlala matilo hi xoxe,+Xi famba henhla ka magandlati yamakulu ya lwandle.+
9 Xi yendle ntlawa wa tinyeleti wa Axi,* Kesili* na Kima*+Ni ntlawa wa tinyeleti leti nga sul;*
10 Xi yendla swilo swaswikulu ni swa ku kala swi nga twisisiwi hi munhu,+Swilo swa ku hlamalisa swa ku kala swi nga konteki.+
11 Xi hundza hi tlhelweni ka mina kambe a ni xi voni;Xa ni hundza kambe a ni swi tsumbuli.
12 Loko xi huba nchumu, i mani lweyi a nga xi tsimbisaka?
I mani lweyi a nga xi vutisaka a ku: ‘U yendla yini?’+
13 Xikwembu a xi nge ku pfaleli ku kwata ka xona;+Hambi ku li lava pfunaka Rahabi*+ va ta xi khizamela.
14 Se swi li yini hi loko ni xi hlamula?Ni fanele ni ma langa kahle marito ya mina swaku ni hlamulana na xona.
15 Hambiloko a ni nga djohanga a ni nga ta xi hlamula.+
A ni ta kombela muyavanyisi wa mina* swaku a ni twela wusiwana.
16 Loko ni xi vitana, indjhe xi ta ni hlamula?
A ni kholwi swaku xi ta ni yingisa,
17 Hikusa xi ni pfotlosa hi xidzedzeXi yendla swaku swilondza swa mina swi tala na ku nga na xivangelo.+
18 A xi ni nyiki nkama wa ku koka moya;Xi tshamela ku ni hlupha.
19 Loko swi ta ka matimba hi xona xi nga ni matimba yamakulu.+
Loko swi ta ka mhaka ya swa nawu, xi li: ‘I mani lweyi a nga ni thethisaka?’
20 Niloko a ni nga djohanga, nomo wa mina a wu ta ni yavanyisa;Hambiloko no tshama ni tshembekile, xi ta ni vona ni li ni nandzu.
21 Hambiloko no tshama ni tshembekile, a ni titshembi;A na ha swi lavi ku hanya.
22 Hinkwaswu swa fana. Hi leswo swi ni yendlaka ni ku:‘Xi helisa lava kalaka va nga na nandzu* ni lava yendlaka swa ku biha hi ndlela ya ku fana.’
23 Loko ko tshuka ku va ni ndhambi yi dlaya vanhu,Xi ta hleka swikarhatu swa lweyi a kalaka a nga na nandzu.
24 Misava yi nyikiwe lweyi a yendlaka swa ku biha;+Xi pfala matihlo* ya vayavanyisi va yona.
Loko ku nga li xona, se i mani?
25 Swoswi masiku ya mina ma tsutsuma hintamu ku tlula lweyi a tsutsumaka;+Ma hela na ma nga se vona swaswinene.
26 Ma famba ku fana ni maboti lama nga yendliwa hi tinhlanga,Ma fana ni magama* lama tsutsumaka swaku ma khoma nchumu swaku ma dla.
27 Loko ni ku: ‘Ni ta khohlwa leswi ni vilelisaka,Ni ta txintxa nghohe* ya mina swaku ni tsaka,’
28 Na ha ta chava hi mhaka ya ku vava hinkwaku loku ni ku twaka,+Na swi tiva swaku u ta ni vona ni ni nandzu.
29 A ni ta voniwa na ni ni nandzu.
Se a ni ta tikarhatela yini?+
30 Loko no hlamba hi mati ya ku basa ma ku baa,*Ni basisa mavoko ya mina hi sabao,+
31 A wu ta ni txukumeta ka xikhele xa madaka,Yi za mpahla ya mina yi ni nyenya.
32 Hikusa xona a hi munhu ku fana na mina swaku ni nga za ni xi hlamula,Kumbe swaku hi famba xikan’we atribunali.+
33 A nga kona lweyi a nga thethaka mhaka ya hina,A va muyavanyisi wa hina.
34 Loko a xo tshika ku ni baXi tlhela xi tshika ni ku ni chavisa,+
35 Kutani a ni ta khuluma na xona na ni nga chavi,Hikusa a ni swi koti ku vulavula na ni chava.
Tinhlamunselu ta le hansi
^ Kumbe: “ku xi yisa tribunali”.
^ Kumbe: “dzongeni.”
^ Swi nga yendleka ku li tinyeleti leti vitaniwaka Plêiades, leti nga ka ntlawa wa tinyeleti lowu vitaniwaka Touro.
^ Swi nga yendleka ku li ntlawa wa tinyeleti lowu vitaniwaka Orion.
^ Swi nga yendleka ku vuliwa ntlawa wa tinyeleti lowu vitaniwaka Ursa Maior.
^ Swi nga yendleka ku vuliwa xiharhi xaxikulu xa le lwandle.
^ Kumbexana: “lweyi a nga ni mangalela”.
^ Kumbe: “lava ku tshembeka”.
^ Hi Xiheberu: “nghohe”.
^ Ku nga muxaka wa xinyanyani.
^ Kumbe: “kara la”.
^ Hi Xiheberu: “mati ya gamboko”.
