Mahungu Ya Ku Tsakisa Ya Ku Tsaliwa Hi Yohani 16:1-33
16 “Ni mi byele swilo leswi swaku mi nga ni baleki.
2 Vanhu va ta mi hlongola ka masinagoga.*+ Phela wa ta nkama lowu mun’wani ni mun’wani lweyi a nga ta mi dlaya+ a nga ta pimisa swaku a yendlela Xikwembu ntirho wa ku kwetsima.
3 Kambe va ta mi yendla swilo leswi hikusa a va mu tivi Papayi kumbe mina.+
4 Kambe ni mi byele minchumu leyi swaku loko nkama wa kuva yi yendleka wu fika, mi ta swi khumbuka swaku ni mi byelile.+
“A ni mi byelanga ku sunguleni hikusa a na ha li na n’wina.
5 Swoswi ni tlhelela ka Lweyi a nga ni rhuma;+ kambe a nga kona ni mun’we wa n’wina lweyi a ni vutisaka a ku: ‘U ya kwini?’
6 Kambe mi tsemeke nhlana hi mhaka ya leswi ni nga mi byela swilo leswi.+
7 Kambe ni mi byela ntiyiso: Ku famba ka mina ku ta mi pfuna. Hikusa loko ni nga fambi, mupfuni+ a nge ti ka n’wina; kambe loko ni famba, ni ta mi rhumela yena.
8 Se nkama a nga ta fika a ta komba misava xidjoho xa yona. A ta kombisa swaku leswi ni swi yendlaka swi lulamile naswona a ta komba misava swaku i vamani lava Xikwembu xi va yavanyisaka.
9 A ta komba misava xidjoho xa yona+ hikusa a yi na lipfumelo ka mina.+
10 A ta komba misava swaku leswi ni swi yendlaka swi lulamile hikusa ni tlhelela ka Papayi naswona a mi nge he ni voni.
11 A ta tlhela a kombisa swaku i vamani lava Xikwembu xi va yavanyisaka hikusa lweyi a fumaka misava leyi se a yavanyisiwile.+
12 “Na ha ni swa swinyingi leswi ni lavaka ku mi byela swona kambe swoswi a mi nge swi twisisi.
13 Kambe nkama mupfuni yelweyo a nga ta fika, ku nga moya wa ku kwetsima lowu paluxaka ntiyiso,+ a ta mi pfuna ku twisisa ntiyiso hikusa a nge vulavuli swa ku swi sukela, kambe a ta vula leswi a swi twaka naswona a ta mi byela leswi nga ta yendleka.+
14 A ta ni dzunisa+ hikusa a ta mi byela leswi a nga swi twa ka mina.+
15 Hinkwaswu leswi Papayi a nga na swona i swa mina.+ Hi leswo swi nga yendla ni vula swaku a ta mi byela leswi a nga swi twa ka mina.
16 Ku nga li khale a mi nge he ni voni+ kambe mi ta tlhela mi ni vona swoswinyana.”
17 Se van’wani va vadjondzisiwa va yena va vutisana va ku: “Kasi a lava ku vula yini loko a ku: ‘Ku nga li khale a mi nge he ni voni kambe mi ta tlhela mi ni vona swoswinyana’ ni loko a ku: ‘Hikusa ni tlhelela ka Papayi’?”
18 Naswona a va ku: “Kasi a lava ku vula yini loko a ku: ‘Swoswinyana’? A hi swi tivi leswi a swi vulaka.”
19 Yesu a a swi tiva swaku a va lava ku mu vutisa xanchumu, se a ku: “Mi vutisana hi mhaka ni nga te: ‘Ku nga li khale a mi nge he ni voni kambe mi ta tlhela mi ni vona swoswinyana’?
20 Ni mi byela ntiyiso: Mi ta rila mi tlhela mi xukuvala kambe misava yi ta tsaka; mi ta vaviseka kambe ku vaviseka ka n’wina ku ta txintxa ku va ku tsaka.+
21 Loko wansati a psala,* a twa ku vava hileswi nkama wa yena wu nga fika, kambe loko se a psalile, a nga ha ma khumbuki maxangu wolawo hi mhaka ya ku tsaka hileswi ku nga psaliwa munhu misaveni.
22 Na n’wina swoswi mi twa ku vava; kambe ni ta tlhela ni mi vona kutani mi ta tsaka+ naswona a ku na munhu lweyi a nga ta mi tekela ku tsaka ka n’wina.
23 Hi siku lolelo a mi nge ni vutisi nchumu. Ni mi byela ntiyiso: Lexi mi nga ta xi kombela ka Papayi+ hi vito la mina,+ a ta mi nyika xona.
24 Ku ta fikela swoswi, a mi se kombela nchumu ni xin’we hi vito la mina. Kombelani, mi ta nyikiwa, leswaku mi ta tsaka swinene.
25 “Ni tirhise swifaniso nkama na ni vulavula na n’wina. Kambe wa ta nkama lowu ni nga ta kala ni nga ha swi tirhisi loko ni mi byela hi ta Papayi wa mina.
26 Hi siku lelo, mi ta kombela ka Papayi hi vito la mina kambe a ni vuli swaku ni ta mi kombelela ka yena.
27 Papayi wa mi rhandza hikusa na n’wina mi ni rhandzile+ mi tlhela mi kholwa swaku ni tile na ni rhumiwe hi yena.+
28 Ni te misaveni na ni rhumiwe hi Papayi. Se swoswi na famba ni tlhelela ka Papayi.”+
29 Vadjondzisiwa va yena va ku: “Se ha ku twisisa hikusa a wa ha tirhisi swifaniso.
30 Se ha swi tiva swaku u tiva swilo hinkwaswu naswona a swi lavi u za u vutisiwa. Hi mhaka leyo, ha kholwa swaku u ta hi ka Xikwembu.”
31 Yesu a va hlamula a ku: “Swoswi se ma kholwa?
32 Yingisani! Wa ta nkama funtshi se wu fikile, lowu hinkwenu mi nga ta baleka mi tlhelela makaya ka n’wina mi ni siya noxe.+ Kambe a ni noxe hikusa Papayi a na mina.+
33 Ni mi byele swilo leswi swaku mi va ni ku rhula hi mhaka ya mina.+ Misava yi ta mi hlupha swinene kambe tiyani nhlana! Ni yi hlulile misava.”+
Tinhlamunselu ta le hansi
^ I tindhawu leti Vayuda a va kumana ka tona swaku va khongela va tlhela va lerha matsalwa.
^ Kumbe: “veleka”.
