Yoxuwa 12:1-24
12 Hi leti tihosi ta tiko leti Vayisrayele va nga ti hlula, leti va nga teka tiko la tona awuxeni ka Yordani, ku sukela ka Nkova wa Arinoni+ ku ya fika ka Ntshava ya Hermoni+ ni tiko hinkwalu la Araba ku ya ka tlhelo la le wuxeni:+
2 Sihoni+ hosi ya Vaamori, lweyi a a tshama aExiboni, lweyi a a fuma ku sukela ka tiko la Arowa+ leli nga kusuhi ni Nkova wa Arinoni,+ ni ku sukela xikarhi ka Nkova ni hafu ya tiko la Jiliyadi ku ya fika ka Nkova wa Yaboki, lomu tiko la Vaamoni li tsemaka hi kona.
3 A a fuma ni Araba ku ya fika awuxeni ka Lwandle la Galileya.*+ A a tlhela a fuma ni wuxeni ka Lwandle la Araba, ku nga Lwandle la Munyu anze awuxeni ka tlhelo la Beti-Yeximoti ku ya fika a sul* kusuhi ni maganga ya Pisiga.+
4 Vayisrayele va teke ni tiko la Ogi+ hosi ya Baxani, lweyi a a salile ka lixaka la Varefayimi,+ lweyi a a tshama Axiteroti ni le Edreyi.
5 Naswona a a fuma ni ka ndhawu ya Ntshava ya Hermoni, aSaleka ni tiko hinkwalu la Baxani+ anze lomu ku sungulaka tiko la Vajesuri ni Vamakati+ ni hafu ya tiko la Jiliyadi, ku ya fika ka tiko la Sihoni hosi ya le Exiboni.+
6 Ti hluliwe hi Moxe mutirheli wa Yehovha ni Vayisrayele.+ Moxe mutirheli wa Yehovha a gama a teka tiko lolelo a li nyika va ka Rubeni, va ka Gadi ni hafu ya lixaka la Manasi leswaku li va tiko la vona.+
7 Hi leti tihosi ta tiko leti Yoxuwa ni Vayisrayele va nga ti hlula, leti a ti tshama awupeladlambu ka Yordani, ku sukela aBali-Gadi+ ka Nkova wa Lebanoni+ ku ya ka Ntshava ya Alaki,+ leyi fambaka anze Seyiri.+ Nkama Yoxuwa a nga ti hlula a game a teka tiko la tona a yavela tinxaka ta Vayisrayele,+
8 leli a li li ka ndhawu ya tintshava, aXefela, Araba, ka maganga, amananga ni le Negebi,+ ku nga tiko la Vaheti, Vaamori,+ Vakanana, Vaperezi, Vahivhi ni la Vayebusi:+
9 Tihosi ta kona leti va nga ti hlula hi leti: Hosi ya Yeriko,+ hosi ya Ayi,+ ku nga doropa leli a li li kusuhi ni Betele;
10 hosi ya Yerusalema; hosi ya Hebroni;+
11 hosi ya Yarmuti; hosi ya Lakixi;
12 hosi ya Egiloni; hosi ya Jezeri;+
13 hosi ya Debiri;+ hosi ya Jeda;
14 hosi ya Orma; hosi ya Aradi;
15 hosi ya Libina;+ hosi ya Adulami;
16 hosi ya Makeda;+ hosi ya Betele;+
17 hosi ya Tapuwa; hosi ya Eferi;
18 hosi ya Afeki; hosi ya Laxaroni;
19 hosi ya Madoni; hosi ya Azora;+
20 hosi ya Ximironi-Meroni; hosi ya Akisafa;
21 hosi ya Tanaki; hosi ya Mejido;
22 hosi ya Kedexi; hosi ya Yokinemi,+ aKarmeli;
23 hosi ya Dori akusuhi ni ganga la Dori;+ hosi ya Goyimi leyi tshamaka Jiligali;
24 hosi ya Tiraza; hinkwatu ka tona a ku li 31 wa tihosi.
