Yoxuwa 16:1-10
16 Tiko leli nga yaveliwa vana va Yosefa+ hi ku tirhisa swiribyani,*+ a li sukela aYordani, aYeriko ku ya ka mati lawa ma nga awuxeni ka Yeriko, a li famba hi mananga li khupuka ku sukela aYeriko anze ka ndhawu ya tintshava aBetele.+
2 A li sukela Betele akusuhi ni doropa la Luzi anze lomu tiko la Vaariki li tsemaka hi kona aAtaroti,
3 li tlhela li ngirimela li ya awupeladlambu anze lomu tiko la Vayafeti li tsemaka hi kona li tlhela li famba anze lomu tiko la Beti-Horoni+ wa le Hansi li tsemaka hi kona ni ka tiko la Jezeri+ li ya gamela lwandle.
4 Se mindjangu ya ka Manasi na Efrayimi, ku nga vana va Yosefa,+ va teka tiko leli va nga yaveliwa lona.+
5 Ndhawu ya vana va Efrayimi hi ku ya hi mindjangu ya vona a yi tsemisiwe xileswi: Ka tlhelo la le wuxeni, a yi sukela ka doropa la Ataroti-Adari+ anze Beti-Horoni wa le Henhla,+
6 yi ya fika yi tsema hi lwandle. Doropa la Mikimetati+ a li kumekela norte* ka ndhawu ya Efrayimi. Ndhawu ya vona a yi tlhela yi famba yi ya djika hi ka tlhelo la le wuxeni anze Tanati-Xilo yi tlhela yi famba hi tlhelo loleli la le wuxeni yi ya Yanowa.
7 Se yi ngirimela hi Yanowa anze Ataroti ni le Nara, yi tlhela yi hundza hi le Yeriko+ yi ya gamela Yordani.
8 Se loko yi sukela Tapuwa+ a yi famba yi ya awupeladlambu anze ka Nkova wa Kana yi ya gamela alwandle.+ Leli a ku li tshomba la vana va Efrayimi hi ku ya hi mindjangu ya vona;
9 vatukulu va Efrayimi a va ni madoropa man’wani xikarhi ka tshomba la Manasi,+ ni xikarhi ka madoropa hinkwawu ni swidoropani swa kona.
10 Kambe a va va hlongolanga Vakanana lava a va tshama Jezeri+ naswona Vakanana va ha tshama ni lixaka la Efrayimi ku ta fikela namuntlha,+ kambe va yendliwe swikarawa.+