Yoxuwa 19:1-51
19 A xiribyani* xa wumbirhi+ xi kombeta lixaka la Simiyoni,+ hi ku ya hi mindjangu ya vona. Tshomba la vona a li li xikarhi ka tshomba la va ka Yuda.+
2 Tshomba la vona a ku li Berxeba+ ni Xeba, Molada,+
3 Azari-Xuwali,+ Balayi, Ezemi,+
4 Eltoladi,+ Betuli, Orma,
5 Zikilagi,+ Beti-Markaboti, Azari-Susa,
6 Beti-Lebayoti,+ Xaruhe, a ku li 13 wa madoropa ni swidoropani swa kona;
7 Ayini, Rimoni, Eteri ni Axani,+ a ku li 4 wa madoropa ni swidoropani swa kona;
8 ni swidoropani hinkwaswu leswi a swi li kusuhi ni madoropa lawa anze Balati-Bere, ku nga doropa leli vitaniwaka Rama wa sul.* Leli a ku li tshomba la lixaka la Simiyoni hi ku ya hi mindjangu ya vona.
9 Tshomba la vana va Simiyoni li susiwe ka tiko la va ka Yuda, hikusa va ka Yuda a va nyikiwe tiko lalikulu hintamu. Se lixaka la ka va Simiyoni li nyikiwe tshomba axikarhi ka tshomba la va ka Yuda.+
10 A xiribyani xa wunharhu+ xi kombeta lixaka la Zebuloni+ hi ku ya hi mindjangu ya vona naswona tiko la vona a li famba anze Sarida.
11 A li khupuka li ya ka tlhelo la wupeladlambu anze Mareyali, se li famba li ya Dabexeti li gama li ngirimela li ya ka nkova lowu wu nga phambheni ka Yokinemi.
12 A li tlhela li sukela Sarida li ya wuxeni, li famba anze lani tiko la Kixiloti-Tabori li sungulelaka kona, a li gama li ya Daberati+ li khupuka li ya Yafiya.
13 Ku sukela kolanu a li famba li ya wuxeni anze Gati-Heferi,+ li ya Eti-Kazini li gama li ya Rimoni li tlhela li ya fika Neya.
14 Hi tlhelo la norte* a li famba li djika anze Anatoni li ya gamela ka nkova wa Ifatayeli,
15 ni le Katati, Nahalali, Ximironi,+ Idala ni Betlehema,+ a ku li 12 wa madoropa ni swidoropani swa kona.
16 Leli a ku li tshomba la vana va Zebuloni hi ku ya hi mindjangu ya vona.+ Lawa a ku li madoropa ni swidoropani swa kona.
17 A xiribyani xa wu 4+ xi kombeta lixaka la Isakara,+ hi ku ya hi mindjangu ya vona.
18 Tiko la vona a li sukela Yezreyeli,+ Kesuloti, Xunemi,+
19 Afrayimi, Xiyoni, Anarati,
20 Rabiti, Kixiyoni, Ebezi,
21 Remeti, Eni-Ganimi,+ Eni-Adayi ni Beti-Pazezi.
22 A li tlhela li famba anze Tabori,+ Xahazuma ni Beti-Xemexi li ya gamela Yordani, a ku li 16 wa madoropa ni swidoropani swa kona.
23 Leli a ku li tshomba la lixaka la Isakara hi ku ya hi mindjangu ya vona,+ madoropa ni swidoropani swa kona.
24 A xiribyani xa wu 5+ xi kombeta lixaka la ka Aseri,+ hi ku ya hi mindjangu ya vona.
25 Tiko la vona a li sukela aElkati,+ Ali, Beteni, Akisafa,
26 Alemeleki, Amadi ni Mixali. A li famba li ya ka tlhelo la wupeladlambu anze Karmeli+ ni Xihori-Libnati.
27 A li tlhela li ya ndzhaku li ya ka tlhelo la le wuxeni li ya fika Beti-Dagoni, li famba li ya fika Zebuloni anze ka tlhelo la norte wa Nkova wa Ifatayeli; a li famba li tlhela li ya fika Beti-Emeki ni le Neyeli, li gama li ya ka tlhelo la ximatsi la Kabuli,
28 ni le Ebroni, Reyobo, Amimoni ni Kana li za li ya fika ka Doropa la Sidoni Wamukulu.+
29 A li djika li ya Rama anze li fika Tiru+ ku nga doropa leli nga ni mimuru ya ku tiya. A li tlhela li djika li ya Osa li ya gamela alwandle ka ndhawu ya Akizibi,
30 doropa la Umima, Afeki+ ni Reyobo,+ a ku li 22 wa madoropa ni swidoropani swa kona.
31 Leli a ku li tshomba la lixaka la Aseri hi ku ya hi mindjangu ya vona.+ Lawa a ku li madoropa ni swidoropani swa kona.
32 A xiribyani xa wu 6+ xi kombeta lixaka la Naftali, hi ku ya hi mindjangu ya vona.
33 Tiko la vona a li sukela Elefa ka nsinya wawukulu lowu nga Zananimi,+ li hundza hi Adami-Nekebi ni Yabineli li famba anze Lakumi li ya gamela Yordani.
34 A li tlhela li djika li ya awupeladlambu anze Azinoti-Tabori li famba li ya fika aHukoke anze li fika ni Zebuloni ka tlhelo la sul, li ya wupeladlambu ka Aseri ni le Yuda hi ka tlhelo la le wuxeni ka Yordani.
35 Madoropa lawa ma nga ni mimuru ya ku tiya a ku li Zidimi, Zeri, Hamati,+ Rakati, Kinereti,
36 Adama, Rama, Azora,+
37 Kedexi,+ Edreyi, Eni-Azori,
38 Yironi, Megidali-Eli, Oremi, Beti-Anati ni Beti-Xemexi,+ a ku li 19 wa madoropa ni swidoropani swa kona.
39 Leli a ku li tshomba la lixaka la Naftali hi ku ya hi mindjangu ya vona,+ madoropa ni swidoropani swa kona.
40 A xiribyani xa wu 7+ xi kombeta lixaka la ka Dani,+ hi ku ya hi mindjangu ya vona.
41 A tshomba la vona a li sukela ka doropa la Zora,+ Exitayoli, Iri-Ximexi,
42 Xalabini,+ Ayiyaloni,+ Itila,
43 Eloni, Timina,+ Ekroni,+
44 Elteki, Jibetoni,+ Balati,
45 Yeyudi, Beni-Beraki, Gati-Rimoni,+
46 Mijarkoni ni Rakoni, li gama li hundza hi phambheni ka Yopa.+
47 Kambe tiko la va ka Dani a li li litsongo ka vona.+ Se va famba va ya lwa ni vanhu va doropa la Lexemi+ hi xipada va gama va va hlula. Va tlhela va li txintxa vito la lona va li chula swaku i Dani ku nga vito la vhovho wa vona.+
48 Leli a ku li tshomba la lixaka la ka Dani hi ku ya hi mindjangu ya vona. Lawa a ku li madoropa ni swidoropani swa kona.
49 Se Vayisrayele va heta ku yavelana tiko swaku li va tshomba la vona, hi ku ya hi tindhawu ta kona. Va gama va nyika Yoxuwa n’wana wa Nuni tshomba axikarhi ka tshomba la vona.
50 Va landze leswi Yehovha a nga swi vula, va mu nyika doropa leli a nga li kombela la Timinati-Sera,+ leli nga ka ndhawu ya tintshava ya Efrayimi, a gama a li yaka a tshama ka lona.
51 Leli a ku li tshomba leli muprista Eliyazari, Yoxuwa n’wana wa Nuni ni varhangeli va tinxaka ta Israyele va nga li yava+ aXilo,+ va li yave phambheni ka Yehovha ka nyanghwa wa tende la ntlhanganu.+ Se va heta ku yava tiko.
