Yoxuwa 20:1-9
-
Madoropa ya ku tumbela ka wona (1-9)
20 Kutani Yehovha a byela Yoxuwa a ku:
2 “Byela Vayisrayele u ku: ‘Langani madoropa ya ku tumbela ka wona,+ lawa ni nga byela Moxe swaku a vulavula na n’wina hi wona,
3 leswaku lweyi a nga ta tshuka a phazama a dlaya munhu, a baleka a ya tumbela kona. Mi ta ya mi ya tumbela kona loko mi baleka xaka la lweyi a nga dlayiwa.+
4 Munhu a fanele a baleka a ya ka lin’we la madoropa lawa,+ a fika a nyima ka nyanghwa wa doropa+ a byela madoda nandzu wa yena. Se madoda ma ta mu yamukela ka doropa ma gama ma mu nyika ndhawu a tshama na wona.
5 Loko xaka la lweyi a nga dlayiwa li mu txatxa, madoda ya doropa a ma fanelanga ma mu nyikela hikusa a nga mu dlayanga hi maxivomu naswona a a nga mu nyenyi lweyi a nga mu dlaya.+
6 A fanele a tshama ka doropa lolelo anze mhaka ya yena yi thethiwa phambheni ka xitshungu,+ naswona a fanele a tshama kolanu anze ku fa muprista wamukulu+ lweyi a nga kona hi nkama wolowo. Se mudlayi a nga tlhelela ka doropa la yena, a ya nghena ka doropa la yena ni le kaya ka yena.’”+
7 Se va langa doropa la Kedexi+ leli nga Galileya ka ndhawu ya tintshava ya Naftali, doropa la Xikemi+ leli nga ka ndhawu ya tintshava ya Efrayimi ni Kiriyati-Ariba,+ ku nga Hebroni, ndhawu ya tintshava ya Yuda.
8 Ka Ndhawu ya Yordani, awuxeni ka Yeriko, va lange doropa la Bezeri+ leli nga mananga ka tiko la lixaka la Rubeni, doropa la Ramoti+ aJiliyadi ka lixaka la Gadi ni doropa la Golani+ aBaxani ka lixaka la Manasi.+
9 Lawa i madoropa lawa ma nga langeliwa Vayisrayele hinkwavu ni vanhu va matiko man’wani lava tshamaka na vona, swaku lweyi a nga ta tshuka a dlaya munhu hi ku phazama, a baleka a ya kona,+ leswaku a nga dlayiwi hi xaka la lweyi a nga mu dlaya, na mhaka ya yena yi nga se thethiwa phambheni ka xitshungu.+
