Zakariya 12:1-14
12 Marito ya ku yavanyisa:
“Leli i rito la Yehovha hi Israyele,” ku vula Yehovha,Lweyi a nga yandlala matilo,+Lweyi a nga veka masungulo ya misava,+Ni lweyi a nga nyika munhu moya wa ku hefemula.
2 “Ni ta yendla swaku Yerusalema a va kopo ya vhinyu leyi yendlaka vanhu hinkwavu lava nga kusuhi na yena va dederekela; naswona doropa la Yuda ni la Yerusalema li ta rhendzeliwa hi valala.+
3 Hi siku lolelo ni ta yendla swaku Yerusalema a va ribye la ku tika ka vanhu hinkwavu. Hinkwavu lava nga ta li tlakula va ta vavisiwa swinene;+ matiko hinkwawu ya misava ma ta hlengeletana swaku ma lwa na yena.”+
4 Yehovha a li: “Hi siku lolelo, ni ta dunga tinhloko ta makavhalu hinkwawu ni hlanyisa lava va ma fambisaka. Ni ta yendla leswaku makavhalu ya vona hinkwawu ma fa matihlo, kambe ni ta vonelela vanhu va Yuda.
5 Varhangeli va Yuda va ta tibyela va ku: ‘Lava tshamaka Yerusalema i ntamu wa hina lowu taka hi ka Yehovha murhangeli wa tintsumi, Xikwembu xa vona.’+
6 Hi siku lolelo, ni ta yendla swaku varhangeli va Yuda va fana ni ndzilu anhoveni ni lihunyi leli pfurhaka xikarhi ka nyandza ya trigu* leli nga tsemiwa.+ Va ta helisa vanhu hinkwavu lava tshamaka kusuhi, ka tlhelo la xinene ni ka tlhelo la ximatsi;+ vanhu lava tshamaka Yerusalema va ta tlhela va yaka ka ndhawu ya vona, aYerusalema.+
7 “Yehovha a ta rhanga hi ku ponisa matende ya Yuda, leswaku vatukulu* va Davhida ni lava tshamaka aYerusalema va nga hloniphiwi ku tlula vanhu va Yuda.
8 Hi siku lolelo, Yehovha a ta vhikela lava tshamaka aYerusalema;+ hi siku lolelo, lweyi a tsandzekaka ku nyima* axikarhi ka vona a ta fana na Davhida; vatukulu* va Davhida va ta va ni matimba ku fana ni Xikwembu, ku fana ni ntsumi ya Yehovha leyi va rhangelaka.+
9 Hi siku lolelo, ni ta helisa matiko hinkwawu lawa ma lwaka na Yerusalema.+
10 “Ni ta nyika ndjangu wa Davhida ni lava tshamaka aYerusalema moya wa mina wa ku kwetsima, ni ta va yamukela naswona va ta khongela ka mina va ni kombela, va ta txuvuka lweyi va nga mu tlhava,+ se va mu rila ingaku hi loko vo rila n’wana lweyi a nga yexe; va ta rila hi xiviti ingaku hi loko vo rila n’wana wa matevula.
11 Hi siku lolelo, ku ta va ni xirilo xaxikulu aYerusalema, ku fana ni xirilo xa Adadrimoni ka Ndhawu* ya Mejido.+
12 Tiko li ta rila, ndjangu wun’wani ni wun’wani na wu li woxe; ndjangu wa yindlo ya Davhida na wu li woxe ni vavasati va wona na va li voxe; ndjangu wa yindlo ya Natani+ na wu li woxe ni vavasati va wona na va li voxe;
13 ndjangu wa yindlo ya Levhi+ na wu li woxe ni vavasati va wona na va li voxe; ndjangu wa Vaximeyi+ na wu li woxe ni vavasati va wona na va li voxe;
14 ni mindjangu hinkwayu leyi nga sala, ndjangu wun’wani ni wun’wani na wu li woxe ni vavasati va wona na va li voxe.
Tinhlamunselu ta le hansi
^ Kumbe ku nga ha va ku vulavuliwa ni hi maxalani.
^ Hi Xiheberu: “yindlo”.
^ Kumbe: “a kalaka a nga na matimba”.
^ Hi Xiheberu: “yindlo”.
^ Kumbe: “Ndhawu ya ku kala yi nga na maganga ni tintshava”.
