Zakariya 6:1-15
6 Kutani ni tlhela ni txuvuka henhla, ni vona 4 wa tinyolo* leti ti humaka hi xikarhi ka tintshava timbirhi, tintshava leti a ti li ta kobre.
2 Nyolo ya ku sungula a yi kokiwa hi makavhalu ya ku pshuka, kasi ya wumbirhi a yi kokiwa hi makavhalu ya ntima.+
3 Ya wunharhu a yi kokiwa hi makavhalu ya ku basa, kasi ya wu 4 a yi kokiwa hi makavhalu ya swithokwani ni ya mivalavala.*+
4 Ni vutise ntsumi leyi a yi vulavula na mina, ni ku: “Se leswi i mpsini, hosi ya mina?”
5 Ntsumi yi ni hlamula yi ku: “Leti i 4 wa tintsumi+ ta le matilweni leti humaka loko se ti nyime phambheni ka Hosi ya misava hinkwayu.+
6 Nyolo leyi kokiwaka hi makavhalu ya ntima yi ya ka tiko la le norte;*+ kasi a leyi kokiwaka hi makavhalu ya ku basa yi ya awupeladlambu;* se liyani yi kokiwaka hi makavhalu ya swithokwani yi ya ka tiko la sul.*
7 Lawa ya mivalavala a ma lunghekele ku djikadjika amisaveni.” Se ntsumi yi ku: “Fambani mi ya djikadjika amisaveni.” Kutani ma sungula ku djikadjika amisaveni.
8 Ntsumi yi gama yi huwelela yi ni vitana yi ku: “Wa ma vona makavhalu lama yaka ka tiko la le norte, hi wona lama nga yendla swaku ku kwata ka Yehovha ku b’ohla ka tiko la le norte.”
9 Yehovha a tlhela a vulavula na mina a ku:
10 “A ku tekiwe leswi nga ta na Eldayi, Thobiya na Yedaya leswi va nga swi kuma ka vanhu lava nga awukaraweni. Kutani hi siku lolelo u fanele u nghena ka yindlo ya Yosiya n’wana wa Sofaniya na u li ni vanhu lava, va vuyaka hi Babilona.
11 U fanele u teka prata ni woru u yendla harhi yayikulu, u gama u yi tlhateka ka nhloko ya Yoxuwa+ n’wana wa muprista wamukulu Yehozadaki.
12 Mu byeli u ku:“‘Yehovha murhangeli wa tintsumi a li: “Hi lweyi munhu lweyi vito la yena a nga Xihluke.+ A ta hluka ka ndhawu ya yena naswona a ta yaka tempele ya Yehovha.+
13 Hi yena a nga ta yaka tempele ya Yehovha funtshi a ta va munhu wa ku hlonipheka. A ta tshama ka xitshamu xa yena xa wuhosi a fuma a tlhela a va muprista ka xitshamu xa yena xa wuhosi,+ a ta yendla mintirho leyi hi ku rhula.
14 Harhi yayikulu yi ta vekiwa ka tempele ya Yehovha swaku yi va khumbukisa leswi nga yendliwa hi Elemi, Thobiya, Yedaya+ na Eni n’wana wa Sofaniya.
15 Lava nga kule va ta ta va ta pfunisa ku yaka tempele ya Yehovha.” Mi ta swi tiva swaku Yehovha murhangeli wa tintsumi hi yena a nga ni rhuma ka n’wina. Phela leswo swi ta yendleka, loko mi yingisa rito la Yehovha Xikwembu xa n’wina.’”
Tinhlamunselu ta le hansi
^ Kumbe: “tin’qolo; makalichi”.
^ Kumbe: “mimarka.”
^ Kumbe: “n’walungwini.”
^ Hi Xiheberu: “andzhaku ka lwandle.”
^ Kumbe: “dzongeni.”
